شيرەك عاسىرلىق شارىقتاۋ
2015 جىل ەلىمىزدەگى ماڭىزدى وقيعالاردىڭ جىلىنا اينالعانى بەلگىلى. وتكەن قوي جىلى قازاق حاندىعىنىڭ 550، قازاقستان حالقى اسسامبلەياسىنىڭ 20، ۇلى جەڭىستىڭ 70، كلاسسيك اقىنىمىز ابايدىڭ 170 جىلدىعى مەرەكەلەرى كەڭىنەن اتالىپ ءوتىلىپ، ۇلتتىق رۋحىمىزدى جاڭعىرتا ءتۇستى.
وسىنداي مەرەكەلەر شەرۋى 2016 جىلى دا جالعاسىن تاپپاق. 1991 جىلعى 16 جەلتوقسان كۇنى جاريالانعان تاۋەلسىزدىك كۇنى ەلىمىزدىڭ تاريحىنا التىن ارىپپەن جازىلعان ەدى. مىنە سول اتاۋلى مەرەكەگە بيىل 25 جىل تولماق.
بۇل مەرزىم تاريحي تۇرعىدان العاندا ۇزاق تا ەمەس. ءبىراق وسى شيرەك عاسىر اياسىندا ەلىمىزدىڭ قول جەتكىزگەن تابىستارى تاڭ تاماشا قالدىرادى. ەلىمىزدە وسىنداي ۇلى وزگەرىستەردىڭ جاسالۋىنا اسا قۇرمەتتى پرەزيدەنتىمىز نۇرسۇلتان نازاربايەۆتىڭ قوسقان ۇلەسى ۇشان-تەڭىز.
1991 جىلى قازاقستاننىڭ تاۋەلسىزدىگى جاريالانعاننان كەيىن «قازاقستان سىرتقى كۇشتەرگە سۇيەنبەي جەكە مەملەكەت رەتىندە ءومىر سۇرە المايدى» دەگەن ساۋەگەيسىماقتار شىقتى. مۇنداي داڭعازا ماقالالار كورشىلەس رەسەيدىڭ گازەت-جۋرنالدارىندا ءجيى جاريالانىپ، ەلىمىزدىڭ تاۋەلسىزدىگىنىڭ باياندى بولاتىنىنا كۇمان كەلتىرىلدى. يمپەريالىق ماقساتتى كوزدەگەن رەسەيدىڭ بەلگىلى ءبىر ساياسي توپتارىنىڭ ەلىمىزگە بۇلايشا ساياسي قىسىم كورسەتۋى تەگىن ەمەس-تى.
ويتكەنى تاۋەلسىزدىك العان توقسانىنشى جىلدار ىشىندە كەڭەستىك ءبىر ورتالىقتان باسقارىلاتىن ەكونوميكالىق دامۋ جۇيەسى بۇزىلىپ، كوپتەگەن ءوندىرىس ورىندارى جارتىلاي جۇمىس ىستەۋگە كوشسە، ءقايسىبىرى تارقاپ جاتتى. ەلدە بەرەكەسىزدىك بەلەڭ الىپ، جەكەشەلەندىرۋ ساياساتىن ءوز ماقساتىنا پايدالانىپ قالۋعا ۇمتىلعاندار دا از بولمادى.سىڭارجاق ساياساتشىلار وسى قيىنشىلىقتى ءوز ماقساتتارىنا پايدالانىپ قالعاسى كەلگەنى دە انىق.
ەلباسىمىز وسى سىن كەزەڭدە اسا كورەگەندىك تانىتىپ، «الدىمەن—ەكونوميكا، سودان كەيىن - ساياسات» دەگەن قاعيدانى العا تارتتى. 1997 جىلدان باستاپ رەسپۋبليكا ورتالىعىن الماتى قالاسىنان اقمولا قالاسىنا اۋىستىرۋدىڭ ءىس-شارالارى جۇزەگە اسىرىلا باستادى. كەيىن وعان استانا دەگەن ات بەرىلىپ، ءقازىر ونىڭ تۇرعىندارىنىڭ سانى ءبىر ميلليونعا جاقىندادى.
سول كەزەڭدە ەلىمىزدىڭ ەكونوميكالىق-الەۋمەتتىك الەۋەتىن كوتەرۋ ءۇشىن جول قاتىناسىن جاقسارۋعا تۋرا كەلدى. تاۋەلسىزدىك العان جىلدارى اقتوعاي - مويىنتى، التىنسارين - حرومتاۋ، وسكەمەن - شار، جەزقازعان - بەينەۋ تەمىر جولدارى سالىنىپ، رەسپۋبليكانىڭ ىشكى جۇك تاسىمالداۋ جۇمىستارى جاقسارتىلا ءتۇستى. سونىمەن بىرگە اقتاۋ تەمىر دولى تۇركمەن، يران ەلدەرىنىڭ تەرريتوريالارى ارقىلى پارسى شىعاناعىنا شىعاۋعا مۇمكىندىك الدى. ال بۇل كۇندە «جىبەك جولىن» جاڭعىرتۋعا وراي «باتىس ەۋروپا - باتىس جۇڭگو اۆتوجولىنىڭ» قۇرىلىسى قىزۋ قارقىنمەن جۇرگىزىلۋدە.
ەلىمىزدى يندۋستريالاندىرۋدىڭ التى جىلى ىشىندە يندۋستريالاندىرۋ كارتاسى اياسىندا بارلىعى 890 جوبا ىسكە قوسىلعان. سونىڭ ناتيجەسىندە 85 مىڭ تۇراقتى جۇمىس ورنى اشىلىپتى. ءسويتىپ قازاقستان ءوز تاريحىندا العاش رەت الەمنىڭ ەلۋ جەتەكشى ەكسپورتتاۋشىلارىنىڭ قاتارىنا قوسىلىپ، 43ء-شى ورىنعا تابان تىرەدى.
پرەزيدەنتىمىز «قازاقستان - 2050» ستراتەگياسىمەن بىرگە دامىعان 30 مەملەكەتتىڭ قاتارىنا قوسىلۋ مەجەسىن بەلگىلەگەن ەدى. سونىڭ ماڭىزدى ءبىر قادامى رەتىندە 2015 جىلى قازاقستان دۇنيەجۇزىلىك ساۋدا ۇيىمىنا كىرگەنىن دە اتاي كەتكەن ورىندى.
قازاق جەرىنىڭ استى دا، ءۇستى دە كەن بايلىققا تولى. كەلەشەكتە سول بايلىقتى يگەرە وتىرىپ، حالىق يگىلىگىنە جاراتا بىلسەك، بولاشاعىمىزدىڭ نۇرلانا بەرەتىنىنە كۇمان جوق.
You Might Also Like
-
ونەركاسىپ، بايلانىس جانە كوممۋنيكاسيالار، سەرۆيس جانە قىزمەت كورسەتۋ، مەديسينا جانە ءبىلىم سالالارىندا كادرلاردىڭ جەتىسپەۋشىلىگىنە بايلانىستى كەلەسى جىلدان باستاپ كوللەدجدەردە التى جاڭا ماماندىق اشى...
