ەركە قىز بەن مىسىقتىڭ باسىنان كەشكەن عاجايىپ وقيعالارى
كەڭ جايىلعان قازاق ەلىندە ءبىر شاعىن عانا اۋىل بار. اۋىل بيىك تاۋدىڭ باۋرايىندا ورنالاسقان. قىس بولسا اق كورپەگە ورانىپ، قار پاتشالىعىنا اينالادى. ال جازدا جۇپار گۇلدىڭ ءيىسى جانىڭدى سەرگىتىپ، سامال جەل كوك مايسانى تەربەتىپ جاپ-جاسىل ەرتەگى الەمىنە ەنگەندەي بولادى. اسىرەسە، وتكىنشى جاۋىننان كەيىنگى كۇي كەرەمەت. اسپان كۇمبەزىنە كەرىلگەن كەمپىرقوساقتى ايتساڭشى! قىزىل-جاسىل، كوزدىڭ جاۋىن الادى. سول كەمپىروساققا شىعىپ اناۋ اسپانداعى اقشا بۇلتتارعا ءمىنىپ، كوك اسپاننىڭ كوگىندە ساياحات جاساساڭ شىركىن! وسى تاماشا اۋىلدا ءبىر كىشكەنتاي قىز بالا تۇرىپتى. ارينە، ءوزى جالعىز ەمەس. اتاسى، اپاسى، اناسى جانە اكەسى، سۇپ-سۇيكىمدى ءىنىسى بارلىعى بىرگە تۇرادى. ول قىزدىڭ اتى – ەركە قىز. ءوزى سونداي سۇيكىمدى. كىشكەنە عانا قوڭىر كوزدەرى كۇلىمدەپ، ۇنەمى كوڭىلدى جۇرەدى. شاشىن اناسى بۇرىم قىلىپ ءورىپ قويادى. ۇنەمى ەتەك-جەڭى قازاقتىڭ ويۋ-ورنەگىمەن كومكەرىلگەن كويلەك كيىپ جۇرەدى. ونىڭ قاسىنان ءبىر ەلى قالماي ىلەسىپ جۇرەتىن مىسىعى دا بار ەكەن. ءوزى سونداي اقىلدى، اپپاق مىسىق. ەركە قىز ونى «اپپاعىم» دەپ ەركەلەتەدى. ەكەۋى ۇنەمى بىرگە وينايدى. مىسىق ءتىپتى بىلاي اندەتە دە الادى.
مەن مىسىقپىن، مىسىقپىن،
ەركە قىزدان قالمايمىن
ءوزىم سونداي پىسىقپىن.
كوردىڭ بە مەن، قاندايمىن!
ال بالاقاي، ەگەر دايىن بولساڭ، مەن ساعان ەركە قىز بەن مىسىقتىڭ باسىنان كەشكەن عاجايىپ وقيعالارىن ايتىپ بەرەيىن.
You Might Also Like
-
دۇرىس تاماقتانۋدى قولعا العان ءاربىر ادام سالاۋاتتى دەنە مەن سىمباتتى ءمۇسىن ءۇشىن ءار ازىقتىڭ ءوز ماڭىزى بار ەكەنىن جاقسى تۇسىنەدى. ۇيلەسىمدى دۇرىس تاماقتانۋ كەزىندە تاعامداردىڭ ءارتۇرلى بولۋىنا دا ن...
-
بازاردا نەمەسە دۇكەندە بالىق تاڭداپ جۇرگەن كەزدە، كوزىمىزدى الداپ، ەسكى بالىعىن بەرىپ جىبەرەتىن ساۋداگەرلەردىڭ قۇرىعىنا قالاي ءتۇسىپ قالماۋعا بولادى؟ بالىقتى قالاي تاڭداۋ كەرەك؟ وسى سۇراقتارعا قاتىس...
