ەسسە جانە ولەڭ-جىر بايقاۋىنىڭ قازان ايىنداعى العاشقى جەڭىمپازى
Bilim-all.kz جانە Bilimland.kz سايتتارى بىرلەسە ۇيىمداستىرىپ وتىرعان ەسسە جانە ولەڭ-جىر بايقاۋىنىڭ قازان ايىنداعى العاشقى جەڭىمپازى انىقتالدى. بۇل جولى ۇزدىك دەپ تانىلعان شىعارما ادەمى رومانتيكالىق اسەر قالدىردى. «مەكتەپتەگى ماحاببات…» ولەڭىنىڭ اۆتورى جومارت قالمۇراتوۆ قازان ايىنىڭ العاشقى جەڭىمپازى اتانىپ وتىر!
ۇزدىك دەپ تانىلعان تۋىندىنى نازارلارىڭىزعا ۇسىنامىز:
مەكتەپتەگى ماحاببات...
سەزىمىنىڭ مولشەمىن ولشەتپەگەن،
جان ەدىم سىرىن سىرتقا كورسەتپەگەن.
الدىڭعى قاتارداعى ساعان قاراپ،
كوز الماي وتىرۋشى ەم، ەڭ شەتتە مەن.
سەن دەگەندە بارلىق جىگىت اقىن ەدى،
سىنىپتاعى قىزدار دا جاق ۇنەمى.
ارامىزدا التى ادام وتىرسا دا،
جۇرەك ساعان ءارقاشان جاقىن ەدى.
جۇرەتىن عاشىقتاردىڭ تەك ىزىمەن،
سەن – اققۋسىڭ، بولسام دەپ ەم تەڭىزى مەن،
سەنى كورسەم ۇندەمەي قالاتىنمىن،
سوزگە شەشەن بولسام دا، نەگىزىنەن.
جاز بويى شىداپ ءجۇرىپ ءبىر كۇيىككە،
دەۋشى ەدىم: «ارمانىمدى مۇڭ-كۇي ەتپە».
وتىرسام دەپ جىل بويى جانىڭدا مەن،
ارمانداۋشى ەم ءبىرىنشى قىركۇيەكتە.
مەنىكى ارمان دەگەن اتاق قانا،
بولاتىن سىنىپتا ءبىر شاتاق بالا.
جىل سايىن ءمۇعالىمنىڭ بۇيرىعىمەن
جانىڭدا سول وتىراتىن ماساتتانا.
مەكتەپكە جاقىن ۇيدە تۇراتىنمىن،
ءبىر كۇنگە بىردەن جوسپار قۇراتىنمىن:
بارىنەن بۇرىن سەنى كورۋ ءۇشىن،
بارىنەن بۇرىن ۇيدەن شىعاتىنمىن.
سەزىمىمدى تەك ساعان بەرسەم دەگەن،
ارمانىم تۋلاپ: «سەنى كورسەم» - دەگەن،
ساعان ەرىپ تاقتاعا شىعاتىنمىن،
ءۇي جۇمىسىن ورىنداماي كەلسەم دە مەن.
سەزىم ءۇشىن بويىمداعى ءبىر كۇشتى الا،
بارۋشى ەدىم كىشىگىرىم قىلمىسقا دا:
باقىلاۋدا ورنىمدى وزگەرتۋشى ەم،
ءتۇسۋ ءۇشىن وزىڭمەن ءبىر نۇسقاعا.
اراسىندا تۇسكەندە الشى اسىق،
مەن سەنەن قالاتىنمىن حال سۇراسىپ.
سىنىپتا مەنى ساعان قوسىپ جاتسا،
ۇيالىپ قالاتىنسىڭ، قارسىلاسىپ.
بىتكەن سوڭ بال ماحاببات بالا قانعا،
سەنى ويلاپ جەتەتىنمىن جاڭا تاڭعا.
ونسىز دا جۇرەكتەگى ەسىمىڭدى،
جۇرەتىنمىن جازىپ اپ الاقانعا.
بەرگەنمەن ءتاڭىر ءسوزدى تاڭدايىما،
جازا باستىم سىرىڭدى الداي ۇعا.
الاقان مەن جۇرەككە جازىلعان ات،
جازىلماي قالىپتى عوي ماڭدايىما.
جۇرەكتى باتىلدىققا كوندىرە الماي،
سەزىمىمنەن ەشبىر ءونىم وندىرە الماي،
سىنىپتاعى بارلىق ادام بىلەتۇعىن
ماحابباتتى كەتتىم ساعان بىلدىرە الماي.
تاعدىر بىزدەن تابىستى اياپ قالدى،
سەزىم دەگەن جۇرەكتە جاي ات قالدى.
ون ءبىرىنشى سىنىپ ءبىتتى. باستالماي-اق،
ون ءبىر جىلدىق ماحاببات تا اياقتالدى.
جازىلعان بالالىقتىڭ كوپ بەتتەرى
ون ءبىر جىلىم، بىلەمىن، تەككە وتپەدى.
انا شاپاعاتىنداي كوپتى بەرگەن،
بالا ماحابباتىم-اي مەكتەپتەگى!!!
(اۆتوردىڭ ورفوگرافياسى مەن پۋنكتۋاسياسى ساقتالعان)
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.
You Might Also Like
-
ءسسسر-دى قورعاۋ جولىندا جاساعان ەرلىگى مەن باتىرلىعى ءۇشىن سوۆەت وداعىنىڭ باتىرى اتاعىنا يە بولعان قازاقستاندىق قاھارماندار. ەڭ العاش قازاقستاندىقتاردان سوۆەت وداعىنىڭ باتىرى اتاعى 1937 ج. 22 قازاندا...
-
ءبىزدىڭ قيمىل-ارەكەتتەرىمىزدى نە باعىتتاپ وتىرادى؟ اقىل-وي ما، لوگيكا ما، ەموسيالار ما، ءتۇپسانا مەحانيزمدەرى مە؟ نەگە ءبىز جازدىڭ ىستىعىندا سالقىن سۋ الۋعا دۇكەنگە كىرگەندە، جارناماسىن تەلەديداردان ت...
