جاقسىلىققا جانى قۇمار جاقسىلار
ادامعا ادام بالاسىنىڭ ءقادىرلىسى كۇندەلىكتى ومىردە دە كورىنىس بەرەدى. نارىق زاماندا ادامگەرشىلىك قاسيەتتەر تومەندەدى، ازايدى دەپ ءجيى ايتىپ جۇرسەك تە، قوعامدا قايىرىمدى جانداردىڭ ىستەرى كوكەيگە ءۇمىت ۇيالاتادى. قايىرىمدىلىقتىڭ ءىرى، ۇساق بولىپ بولىنبەيتىندىگىن كورسەتەدى. «باي بول، كەدەي بول – قايىرىمدى بولۋ مىندەتىڭ» دەگەن ويعا جەتەلەيدى. ال، قايىرىمدىلىق جاساۋ قاشاندا عانيبەت!
بىلىممەن قاتار، ادام ءوز ۇرپاعىنا قايىرىمدىلىقتى جاستايىنان ۇيرەتىپ، ادامگەرشىلىك قاسيەتتەرگە باۋليدى. ۇرپاعىنا قايىرىمدىلىقتىڭ، ادامدىق قاسيەتتىڭ ءدانىن سەۋىپ، تاتۋ ءومىر سۇرۋگە تاربيەلەيدى. ءاربىر جاننىڭ ءبىلىمدى، مەيىرىمدى وسكەنىن قالايدى. بىرەۋگە جاقسىلىق جاساۋ – قايىرىمدىلىقتىڭ ءبىر كورىنىسى. راقىمدى، مەيىرىمدى، جان جىلۋى مول ادامدى جومارت ادام دەيدى. ادامدارعا جومارتتىق كورسەتىپ، جاقسىلىق جاساۋ، قايىرىمدىلىق كورسەتۋ – حالقىمىزدىڭ ماقتان تۇتار داستۇرلەرىنىڭ ءبىرى. بۇل ءداستۇر قازاق تىرشىلىگىندە تۇرلىشە ىسكە اسىپ وتىرعان. بۇل كۇندە ءداستۇر ءوز ماڭىزدىلىعىن جويعان جوق.
جومارتتىق جاساۋ، قايىرىمدىلىق ءىس-شارانى ۇيىمداستىرۋ ناۋرىزباي اۋدانى، № 174 مەكتەپ-گيمنازيادا ۇردىسكە اينالعان. وسى ورايدا ءبىلىم بەرۋدىڭ الدىڭعى قاتارلى مەكەمەسى № 174 مەكتەپ-گيمنازيانىڭ اتا-انالار قاۋىمى دا ءبىر كىسىدەي جۇمىلا جومارتتىق تانىتتى. مەكتەبىمىزدە كوپ بالالى، از قامتىلعان وتباسىلاردىڭ بالالارىنا ماتەريالدىق كومەك بەرىلدى.
دۇنيەدەگى شىن باقىت – وزگەگە قۋانىش سىيلاي ءبىلۋ! جومارت، مەيىرىمدى جانداردىڭ باستاۋىمەن، قايىرىمدىلاردىڭ قولداۋىمەن №174 مەكتەپ- گيمنازيادا جاقسى دەڭگەيدە ءىس-شارا ءوتتى. مەكتەبىمىزدىڭ اتا-انالار قاۋىمىنىڭ اۋىزبىرشىلىگى ارقاسىندا 300 000 تەڭگە جينالىپ، كوپ بالالى از قامتىلعان 132 وقۋشىعا ساباققا قاجەتتى قۇرال-جابدىقتار الىندى.
وسىنداي قايىرىمدى جاندارعا العىس بىلدىرە وتىرىپ، كوتەرىڭكى كوڭىل-كۇي سىيلاۋ ماقساتىندا مەكتەپ تاراپىنان ريزاشىلىق رەتىندە مەرەكەلىك باعدارلاما ۇيىمداستىرىلدى. مەرەكەلىك ءىس-شارامىزدىڭ قوناقتارى باعلان ابدرايموۆ، «داۋىس International» تاعى باسقا انشىلەر كوركىن اشتى. مەكتەبىمىزدىڭ ونەرپازدارى دا ءوز ونەرلەرىن ارنادى.
ۋاقىتىن ءبولىپ، وزگەنىڭ قۋانىشىنا سەبەپكەر بولعان ءاربىر جاقسىلىققا جانى قۇمار جاقسى جاندارعا كۇندەرىڭىز بەرەكەلى دە، مەرەكەلى بولسىن دەيمىز. قارجىلاي كومەك بەرگەن بارلىق جاندارعا العىسىمىز شەكسىز! ءاربىر بەرگەن كومەكتەرىڭىز وزدەرىڭىزگە جاقسىلىق بولىپ قايتسىن دەگەن نيەتپەن راقمەتىمىزدى ايتامىز.
الماتى قالاسى ناۋرىزباي اۋدانى
№174 مەكتەپ-گيمنازيا
قازاق ءتىلى مەن ادەبيەتىنىڭ ءمۇعالىمى ساپاربايەۆا اقبوتا
You Might Also Like
-
ادام ومىرىندە پايدالاناتىن كەز كەلگەن پاندەردىڭ نەگىزدەرى پەداگوگيكا مەن پسيحولوگيانىڭ نەگىزدەرىنە وزدەرىنىڭ ىشكى مۇمكىنشىلىكتەرىنەن تامىر العاندا عانا، ءوزىنىڭ مەتودولوگياسىنان داميتىن جۇيەلەرى بار...
-
جۇرەكتە جىر ەلىنىڭ جاتىر ءانى، ءبىر اۋەن ەلتي، بالكىم، شاقىرادى، قاۋىشىپ پەرزەنتىمەن بۇگىن داعى، تولقىدى اراندى قىر اتىرابى.
