InfoHub Logo

باس تاباق — باس، جامباس سالىنادى. باستى مال ارنايى سويىلعان قوناقتىڭ ەڭ جاسى ۇلكەنى نەمەسە ونىڭ ۇسىنۋى بويىنشا باسقا ءبىر بەلدىكىسى ۇستايدى.

سىي تاباق — سىي تاباققا دا باس، جامباس سالىنادى، سىيلى قوناقتىڭ الدىنا قويىلادى.

ورتا تاباق — اسىق جىلىك، كەيدە جامباس تا تۇسەدى.

اياق تاباق — ەتتىڭ باسقا مۇشەلەرىنەن جاسالىپ، اۋىل ادامدارىنا قويىلادى.

كۇيەۋ تاباق — كۇيەۋ تاباققا ءبىر سان جىلىك پەن ءتوس سالىنادى.

كەلىن تاباق (بەتاشار تاباعى) — كەلىن تاباققا ۇلتابار جانە جۇرەك سالىنادى.

قىزدار تاباعى — قىزدار تاباعىنا جۇرەك، بۇيرەك، جاعى مەن ءتىل سالىنادى.

قۇداعايلار تاباعى — قۇداعايلار تاباعىندا جامباس نەمەسە اسىق جىلىك پەن سۇبە بولادى.

جەرىك اسىنىڭ تاباعى — ەكى قابات ايەلدەرگە ارناپ مال سويىپ، تاماق جاساپ جەرىك اسىن اپارعان. جەرىك اسىنىڭ تاباعىنا كەكسە ايەل بولسا جامباس، جاس ايەل بولسا اسىق جىلىك، ءتوس، ۇلتابار سالىنىپ ۇستىنە جاڭا سوعىلعان بولات كەزدىك(پىشاق)سالىپ اپارۋ سالتى بولعان.

---