InfoHub Logo

«قاراكەمەر كاسىپتىك كوللەدجى» مكقك
ورىنداعان: تەميربايەۆا سايەد ساعينباي قىزى
توبى: 13-ا
جەتەكشىسى: نابييەۆا نازيرا كالدىبەكوۆنا

ينسترۋكتيۆتى-تەحنولوگيالىق كارتا

ساباقتىڭ تاقىرىبى: ەتتى قۋىرۋ. ەتتى ءىرى كەسەكتە قۋىرۋ – روستبيف، دامدەندىرىلگەن ەت دايىنداۋ

ساباقتىڭ ماقساتى: قۋىرىلعان ەت تاعامدارىن، ەتتى ءىرى كەسەكتە قۋىرۋ – روستبيف، دامدەندىرىلگەن ەتتىڭ دايىندالۋ تەحنولوگياسىن ۇيرەتۋ.  قۋىرىلعان ەتكە ۇسىنىلاتىن گارنير ازىرلەپ، ۇسىنۋدى ۇيرەنۋ.

ەتتى ءىرى كەسەكتە قۋىرۋ – روستبيف دايارلاۋ

№	ءونىمنىڭ اتاۋى	سالماعى	تازا سالماعى
1	سيىر ەتى  (كەسىندى، جۋان جانە جۇقا شەتتەر)	105	77
1.2	نەمەسە قوي، ەشكى ەتى	110	79
1.3	نەمەسە شوشقا ەتى	87	74
1.4	نەمەسە بۇزاۋ ەتى	120	79
2	جانۋار مايى	2	2
3	قۋىرىلعان ەت سالماعى	-	50
4	گارنير № 692، 692	-	150
5	شىعىم :	-	200

ەتتى ءىرى كەسەك تۇرىندە قۋىرۋ ءۇشىن ماسساسى 1-2 كگ جەتەتىن ەتتەر پايدالانىلادى. جاۋىرىن جۇمساعىن وراماعا وراپ، بۋادى. ءتوس ەتىن قابىرعا سۇيەگىمەن بىرگە قۋىرادى دا سۇيەگىن قۋىرعان سوڭ الىپ تاستايدى. قۋىرۋ كەزىندە ەتتىڭ بەتىندە القىزىل قابىق تەز پايدا بولادى.  بۇل ۋاقىتتا ەتتىڭ ءىشى تولىق قۋىرىلىپ بولمايدى. قۋىرۋ پروسەسى ءبىرقالىپتى ءجۇرۋى ءۇشىن ءىرى كەسەك ەتتەردى قۋىرۋ شكافىندا ورتاشا قىزدىرىپ قۋىرادى.

ەتتى تۇزبەن، بۇرىشپەن سىلايدى، ەت كەسەكتەرىن بىر-بىرىنە جاناسپايتىنداي ەتىپ مايى بار قىزدىرىلعان تاباعا سالىپ، ۇستىندە قۋىرما  قابىق تولىق پايدا بولعانشا قۋىرادى. ەت كەسەكتەرىن جاناستىرا سالسا، مايدىڭ تەمپەراتۋراسى بيراز تومەندەيدى.  سوندىقتان قابىق ۇزاق ۋاقىت پايدا بولمايدى جانە كوپ شىرىن اعىپ كەتىپ، ەت شىرىندى بولمايدى. قۋىرىلعان ەتتى قۋىرۋ شكافىنا قويىپ، 180-200⁰س تەمپەراتۋرادا تولىق قۋىرادى. بۇل كەزدە ءاربىر 10-15 مين سايىن اۋىستىرىپ، اعىپ شىققان ءسول مەن مايدى قۇيادى. ەتتىڭ دايىن بولعانىن ونىڭ سەرپىمدىلىگىنەن جانە ودان ءبولىنىپ شىققان سولدەن انىقتايدى. قۋىرۋ ۋاقىتى كەسەكتەر مولشەرىنە، ەت تۇرىنە، قۋىرۋ دارەجەسىنە بايلانىستى 40 مين-تان 1 ساع 40 مين-قا دەيىن. ۇسىنار الدىندا ەتتى تالشىقتارىنا كولدەنەڭ، ءار سىباعاعا 1-3 دانادان كەلەتىندەي ەتىپ، سىباعا كەسەكتەرىنە تۋرايدى. (شىعىمى: 50، 75، 100گ).

ءىرى كەسەكتى دامدەندىرىلگەن ەت دايارلاۋ

№	ءونىمنىڭ اتاۋى	سالماعى	تازا سالماعى
1	سيىر ەتى (جۋان جانە جىڭىشكە شەتتەر)	94	69
2	ماي	6	6
3	سارىمساق	1،0	0،8
4	ەرىگەن جانۋار مايى	2	2
5	قۋىرىلعان دامدەندىرىلگەن ەت سالماعى	-	50
6	گارنير № 679، 689، 685	-	150
7	شىعىم:	-	200

 

الدىن الا سابىزبەن، اقجەلكەكپەن، سارىمساقپەن دامدەندىرىلگەن سان، ارقا-بەل ەتتەرىنەن ازىرلەنگەن ءىرى كەسەكتەردى تۇزبەن، بۇرىشپەن سىلايدى. سىلانعان كەسەكتەردى سۋىرما تاباعا سالىپ، ماي قۇيادى دا وشاقتا قۋىرما قابىق پايدا بولعانشا قۋىرادى، ونى تولىق دايىن بولعانشا قۋىرۋ شكافىندا جالعاستىرادى. قۋىرۋ كەزىندە ءبولىنىپ شىققان ءسول مەن مايدى قۇيىپ الادى.  دايار ەتتى ءار سىباعاعا كەلەتىندەي ەتىپ 1-2 كەسەكتەن تۋرايدى، از عانا مولشەردە ەت ءسولىن قۋىرۋ شكافىندا جىلىتىپ نە قىزدىرىپ بەرۋگە ازىرلەيدى.  ۇسىنار كەزدە سىباعا تاباعىنا نەمەسە تارەلكەگە گارنير سالادى. گارنير رەتىندە قاراقۇمىق بوتقاسى، مايداعى نە تۇزدىقتاعى ۇرمە ءبۇرشاق، قۋىرىلعان نە پىسكەن كارتوپ پايدالانىلادى. ىدىسقا سالىنعان گارنير جانىنا ەت قويىپ، ۇستىنە ەت ءسولىن قۇيادى.

---