InfoHub Logo

سۋدا پىسىرىلگەن ەت

جۇمىستىڭ ورىندالۋى

ءپىسىرۋ ءۇشىن ازىرلەنگەن ماسساسى 2 كگ ەتتى سۋعا (ىستىق) سالىپ قايناتادى. كوبىگىن تۇسىرەدى جانە قايناتپاي ءپىسىرىپ  (90⁰س تەمپەراتۋرادا) دايارلىققا  جەتكىزەدى. وسىلايشا ءپىسىرۋدىڭ ناتيجەسىندە ەرىگىش زاتتار مەن سۋدىڭ شىعىنى ازايادى. ەت شىرىندى كەلەدى جانە ءپىسىرۋ پروسەسى ءبىرقالىپتى جۇرەدى. ەتتى حوش يىستەندىرۋ ءۇشىن ءپىسىرۋ اياقتالۋعا 30-40 مين قالعاندا تۇز سالادى. لاۆر جاپىراعىن جانە دانەكتى بۇرىش سالۋعا بولادى.  ءار سىباعاعا 1-2 دانادان كەلەتىندەي ەتىپ پىسكەن ەتتى كولدەنەڭ سىباعا كەسەكتەرىنە تۋرايدى (شىعىم: 50، 75، 100گ). ىستىق سورپا قۇيادى، قايناتادى جانە جەل قاقپاس ءۇشىن ءارى قۇرعاماس ءۇشىن، مارميتتە ساقتايدى. ۇسىنار كەزدە تارەلكەگە نەمەسە تاباققا گارنير سالادى، جانىنا ەت قويادى. ماي نە سورپا قۇيادى.  جەلكوك قوسىلعان قايماق تۇزدىعىن، قىزىل، پياز  تۇزدىعىن بولەك بەرەدى.  سيىر ەتىن پىسكەن كارتوپپەن، كارتوپ پىسىرمەسىمەن، كوبەيتىلگەن  كوكونىسپەن، سابىزبەن نەمەسە ءسۇت تۇزدىعىنداعى كوكپەن، سۋسىمالى بوتقامەن قوسا بەرەدى. قوي ەتىن كوبەيتىلگەن كۇرىشپەن، شوشقا ەتىن بۇقتىرىلعان  ورامجاپىراقپەن جانە سيىر، شوشقا ەتتەرىنە قىزىل تۇزدىق، ال قوي ەتىنە اق تۇزدىق ۇيلەسىمدى بولۋىنا سايكەس قوسىپ بەرەدى.

       پىسكەن شۇرەك ەت نەمەسە ساردەلكيلەر

جۇمىستىڭ ورىندالۋى

ساردەلكيدەن شيرام ءجىپتى الادى، ال شۇرەك ەتتەن الدىن الا جاساندى قابىعىن الادى. ازىرلەنگەن ساردەلكي مەن شۇرەك ەتىن قايناپ تۇرعان، ازداپ تۇز قوسىلعان سۋعا (1كگ ونىمگە 2ل سۋ) سالادى دا قايناتادى. وتتى باياۋلاتىپ، شۇرەك ەتتى 3-5 مين قىزدىرادى، ال ساردەلكيدى 7-10 مين قىزدىرادى. ۇزاق قايناتاتىن بولسا ءونىم قابىعى جارىلىپ، سۋدى بويىنا ءسىڭىرىپ دامسىزدەنەدى. ولاردى پىسپە سۋىندا 20 مين ارتىق ۋاقىت ساقتاۋعا بولمايدى. ۇسىنار كەزدە تارەلكەگە نەمەسە تاباققا كارتوپ پيۋرەسىن، بۇقتىرىلعان ورامجاپىراق، كوك بۇرشاق، سۋسىمالى بوتقا سالىپ، جانىنا شۇرەك ەتىن نە ساردەلكي قويىپ، ماي نە قىزىل، تومات، قىشا قوسىلعان پياز تۇزدىقتارىن قۇيادى.

            پىسىرىلگەن سان، ارقا-بەل ەتتەرى

جۇمىستىڭ ورىندالۋى

بۇل تاعامدى دايارلاۋ ءۇشىن ىستالىپ (سۇرلەنىپ) پىسىرىلگەن جانە سۋدا پىسىرىلگەن ەت ونىمدەرى قولدانىلادى. ولاردى ۇسىنار الدىندا سىباعا كەسەكتەرىنە تۋرايدى، سورپا قۇيادى جانە قايناتادى. سۇرلەنگەن ارقا-بەل جانە ءتوس ەتتەرىن پىسىرەدى، سۇيەگىن الادى، تەرىسىن سىپىرادى. جارتىلاي سۇرلەنگەن سان ەتىن الدىن الا جۋادى جانە مۇزداي سۋدا 2،5-3 ساعات ۇستاپ تۇزىن ازايتادى. ۇسىنار كەزدە تارەلكەگە نە سىباعا تاباعىنا كارتوپ پيۋرەسىن نە پىسكەن كارتوپ، كوك بۇرشاق سالادى دا جانىنا ۆەچينا سالادى. قىزىل، جەلكوك قوسىلعان قايماق تۇزدىقتارىن نەمەسە شاراپ قوسىلعان قىزىل تۇزدىق قوسىپ بەرەدى.