فۋ ءسيدىڭ تور جاساپ، بالىق اۋلاۋى
فۋ سي — ەجەلگى زامانداعى ۇلكەن اۋليە. ول تۋىلعان كەزدە عاجايىپ ۋاقيعا بولدى. اڭىز بويىنشا، ونىڭ اناسى حۋا سيۋ شi قىتايدىڭ سولتۇستىك-باتىسىندا ءومىر سۇرگەن. ءبىر كۇنى حۋا سيۋ شi تابيعاتقا شىعىپ، قىدىرىپ جۇرگەندە ءبىر ۇلكەن اياقتىڭ ءىزىن كورەدى. ول ءىز نايزاعاي قۇدايىنىڭ ءىزى ەدى. حۋا سيۋ ءشى ءوز اياعىن سول ءىزدىڭ ۇستىنە قويىپ، سالىستىرادى. سول كەزدە دەنەسى ءبىر ءتۇرلى ءدىر ەتە تۇسەدى. سويتسە، ول جۇكتى بولىپ، ءبىر ۇل تۋادى. ونىڭ اتىن فۋ سي دەپ قويادى. كەيىننەن جۇرت فۋ ءسيدى نايزاعاي قۇدايىنىڭ ۇلى دەپ اتاپ كەتەدى. ونىڭ باسى ادامدىكى، ال دەنەسى ايداھاردىكىندەي بولادى. جەل سوققان سايىن ول ءوسىپ، وتە بيىك جانە ۇلكەن بولادى.
سول كەزدە حالىقتىڭ تۇرمىس-جاعدايى ناشار، تۇراقتى مەكەنى جوق، ەگىن ەگۋدى بىلمەي، تەك اڭ اۋلاۋمەن عانا ءومىر سۇرەتىن. سوندىقتان دا بىردە تاماق بار، بىردە جوق بولاتىن. وزەن كوپ بولعانىمەن، حالىق تور جاساۋدى بىلمەيتىن. ادامدار وزەن جاعاسىندا تۇرىپ، بالىق ءجۇزىپ بارا جاتقاندا اعاشپەن ۇراتىن بولعان. ءبىراق بۇلاي بالىق اۋلاۋ وتە قيىن بولاتىن.
حالىقتىڭ وسىنداي جاعدايىن كورىپ، فۋ سي قاتتى قينالادى. ول حالىقتىڭ كوپ بالىق اۋلاۋىن اڭسايدى. ءبىر كۇنى ول اعاشتىڭ استىندا جاتىپ، ويعا باتىپ كەتەدى. كەنەتتەن ول ءبىر زاتتى بايقايدى. سول زاتتىڭ نە ەكەنىن كورىپ قاراسا، ەكى اعاشتىڭ ورتاسىنداعى ورمەكشىنىڭ تورىن كورەدى. ءبىرازدان كەيىن سول تورعا ءبىر شىبىن ۇشىپ كەلىپ قونادى. توردان بوسانايىن دەسە، بوسانا الماي قالادى. سودان سوڭ دزيا قۇرتى كەلىپ، ول دا تورعا جابىسىپ قالادى. وسىلاي بۇرىشتا تىعىلىپ تۇرعان ورمەكشى كەلىپ، ولاردى اسىقپاي جەپ قويادى. وسىنىڭ بارىنە مۇقيات قاراپ تۇرعان فۋ سيگە وي كەلەدى. ول قۋانعانىنان «مەن امال تاپتىم»، — دەپ ايقاي سالادى.
فۋ سي تاۋعا بارىپ، كوپتەگەن اعاشتىڭ بۇتاقتارىن الىپ كەلىپ، ورمەكشىنىڭ تورىنداي بىر-بىرىنەن وتكىزىپ جاسايدى. سودان سوڭ ول ءبىر ۇزىن اعاشتى سول توردىڭ ۇستىنە بايلاپ، وزەن جاعاسىنا بارىپ، توردى وزەننىڭ ىشىنە سالىپ قويادى. ءبىراز ۋاقىت وتكەن سوڭ توردى كوتەرىپ قاراسا ىشىندە كوپتەگەن بالىقتار جۇرەدى. بۇل ادامداردىڭ ەرتەدە پايدالانعان بالىق اۋلايتىن تورى بولادى. فۋ سي بۇل ءادىستى حالىققا ايتىپ، حالىق تورمەن بالىق اۋلاۋدى ۇيرەنەدى. ءبىراقتان فۋ سي ادامداردىڭ شيكى بالىقتى جەگەندىكتەن ولاردىڭ ءىشى ءوتىپ، اۋىراتىندارىن كورىپ، اكەسىنە بارىپ، اسپان وتىن الىپ كەلەدى دە، حالىققا تاماقتى ءپىسىرىپ جەۋدى ۇيرەتەدى. «وسىلاي جەسەڭدەر، ىشتەرىڭ وتپەيدى ءارى ول تازا جانە ۆيتامينى كوپ بولىپ، دەنساۋلىقتارىڭدى جاقسارتادى»،—دەپ اقىل ايتادى. وسى تور جاساۋ ارقىلى فۋ سي تاعى قۇس اۋلايتىن قۇرالدى ويلاپ تابادى. ودان باسقا فۋ سي حالىققا ءۇي جانۋارىن باعۋدى جانە تۇراقتى جەردە تۇرۋدى ۇيرەتەدى. ول تاعى چيەن، كۋن، دجەن، كان، لي،ءسى، سيوڭ، گەڭ دەگەنسەگىز بەلگىنى تابادى. ولار — اسپان مەن جەر بەتىندەگى ىستەردىڭ بەلگىسى. فۋ سي ولاردى «با گۋا» دەپ اتايدى. بۇل ەجەلگى زاماننىڭ ەڭ ءبىرىنشى مادەنيەتتىڭ قالىپتاسۋىنا زور سەپتىگىن تيگىزدى. سودان سوڭ فۋ سي كوكتەم قۇدايى جانە ءبىلىم مەن ەڭبەكتىكتىڭ بەلگىسى رەتىندە باعالانىپ، اسپان پاتشاسى بولىپ، ءدزۇي ماڭمەن بىرگە شىعىستىڭ جەرىن باسقارادى.
You Might Also Like
-
اڭىزداردىڭ ايتۋى بويىنشا، حۋان دي دجۋلۋ سوعىسىندا ايداھاردى جەڭگەننەن كەيىن كوك ءتاڭىرى ونى جۇماققا جىبەرىپ، اۋىل شارۋاشىلىعىن باسقاراتىن قۇداي قىلدى. ونىڭ ۇرپاعى دجۋان ءسۇي سۋ ءتاڭىرى گۋڭگۋڭمەن بىرگە...
