گودجي جيدەگى
ول بىزگە — تاڭسىق تاعام، قىتايلىقتارعا — شيپالى دارىلىك وسىمدىك. گودجي جيدەگى شىعىس ەلدەرىندە (قىتايدا، ءۇندىستاندا جانە تيبەتتە) مەديسينا مەن كۋليناريادا التى ءجۇز جىلدان استام ۋاقىتتان بەرى پايدالانىلىپ كەلەدى. بۇل جيدەك كوز جانارىن جاقسارتىپ، يمممۋنيتەتتى نىعايتادى، ازايا باستاعان ەر قايراتىن قايتارىپ، ۇزاق جاساۋعا سەپتىگىن تيگىزەدى دەپ ەسەپتەلەدى جانە باسقا دا تولىپ جاتقان پايدالى قاسيەتتەرى بار.
بۇعان ەش تاڭدانبايمىز دا، ويتكەنى بۇل جيدەكتىڭ قۇرامىندۆ 18 امينوقىشقىل (ولاردىڭ 8ء-ى ادام ورگانيزمىندە وندىرىلمەيدى)، 21 ءتۇرلى مينەرال (تەمىر، كاليي، ماگنيي، مىس تاعى باسقالارى)، ە، س، ۆ1، ۆ2، ۆ6 دارۋمەندەرى بولادى. سونىمەن قاتار، گودجي جيدەگىندە ىشەكتىڭ ساپروفيت ميكروفلوراسىنا قاجەت تاعام — پوليساحاريدتەر بار.
ءبىزدىڭ ەلىمىزدە جاس گودجي جيدەگىن ساتىپ الۋ، وكىنىشىمىزگە وراي، قيىن، ءبىراق كەپتىرىلگەن ءتۇرى بارلىق دەرلىك سۋپەرماركەتتەردە ساتىلىمدا بار. بۇل پايدالى تاعامدى ءوزىڭىزدىڭ كۇندەلىكتى تاڭعى اسىڭىزعا قوسۋعا نەمەسە ونى كۇندىز تالعاجاۋ قىلىپ جەپ جۇرۋىڭىزگە بولادى.
سۋپەرفۋدتار — قۇرامىندا پايدالى زاتتەكتەر كوپ مولشەردە بولاتىن تاماقتى نەمەسە سۋسىندى بىلدىرەتىن ماركەتينگ سالاسىنىڭ تەرمينى. اس-اۋقاتتىڭ بۇل توبىنا گودجي جيدەگى، كوك شاي، كۋركۋما، سپيرۋلينا، قانجاپىراق (فيزاليس)، اساي، چيا دانەگى، جاڭعاق، كوكجيدەك جاتادى. ولار دەنساۋلىقتى نىعايتاتىن مينەرالدارعا، دارۋمەندەرگە، پايدالى ماي قىشقىلدارىنا جانە باسقا بيولوگيالىق تۇرعىدا بەلسەندى زاتتەكتەرگە باي.
بۇنى عىلىمي زەرتتەۋلەر دە راستاپ وتىر. مىسالى، جيدەكتەردى، كوك شايدى جانە جاڭعاقتى جۇيەلى تۇردە تاماققا پايدالانعاندا جۇرەك اۋرۋلارىنا شالدىعۋ مۇمكىندىگى ازايادى. تاماققا كۋركۋمانى قوسىپ ءجۇرۋ وبىر مەن ديابەت دەرتتەرىنىڭ الدىن الادى، ال چيانىڭ دانەكتەرى سۇيەك ءتىنىنىڭ قالىپتاسۋى مەن نەرۆ جۇيەسىنىڭ قالىپتى جۇمىسى ءۇشىن قاجەتتى كالسييگە باي.
بۇل ەكزوتيكالىق جيدەك ەل ىشىندە «قاسقىر جيدەك» دەپ اتالىپ كەتكەن. ول كادۋىلگى بوزقاراعان دەپ اتالىپ جۇرگەن بۇتالى وسىمدىكتىڭ جەمىسى. ەل اۋزىنداعى اڭىزعا قاراعاندا شوپپەن ەمدەيتىن قىتايلىق لي سينيۋن گودجي جيدەگى بار ديەتا ۇستاپ 197 (اڭىزدىڭ باسقا نۇسقاسىندا — 256) جىل ءومىر ءسۇرىپتى. الايدا كوپ جاساۋشى عۇمىرىنىڭ ۇزاقتىعى دا، ونىڭ ۇزاق جاساۋىنا جيدەكتىڭ ءبىر سەپتىگى بولعانى دا دالەلدەنگەن جوق.
دەنساۋلىققا پايداسى
گودجي جيدەگى سوزىلىڭقى قىزعىلت جۇزىمگە، كەپتىرىلگەن سوڭ — قىزعىلت مەيىزگە ۇقسايدى. ولاردى جۇرەك جالعاعاندا جەي سالۋعا وڭاي، ءارتۇرلى تاماققا قوسۋعا دا بولادى.
گودجي جيدەگى مىڭداعان جىل بويى ءداستۇرلى جۇڭگو مەديسيناسىندا ۇلكەن ماڭىزعا يە بولىپ كەلدى.
گودجي جيدەگىن نەمەسە ودان الىناتىن شىرىندى تاماق رەتىندە پايدالانۋدان سىزگە كەلەر زيان جوق ەكەنى انىق، ءبىراق ونىڭ باسقا كەز كەلگەن تاعامنان پايدالىراق ەكەنىنە ەشقانداي دالەل جوق. زەرتتەۋ قورىتىندىلارىندا بۇل جيدەكتىڭ وبىرعا، جۇرەك اۋرۋلارىنا جانە باسقا دا ونداعان اۋرۋ تۇرلەرىنە شيپا بولاتىنى ءجيى ايتىلادى. ءبىراق ادامنىڭ حال-احۋالىندا ازعانتاي عانا وزگەرىستەر بولۋى ءۇشىن گودجي جيدەگى سىعىندىسى كوپ مولشەردە كەرەك بولادى. ءۇي جاعدايىندا، ەگەر جيدەكتى قالىپتى مولشەردە پايدالانساڭىز، ءسىز سونشالىقتى پايدالى زاتتەكتەردى قاجەتتى مولشەردە الا المايسىز. سول سەبەپتى دايىن گودجي شىرىنىن تۇتىنۋعا كەڭەس بەرەمىز.
وقۋعا كەڭەس بەرەمىز:
قاتەرلى ىسىكتىڭ الدىن الۋشى — ءجۇزىم
كەرەمەت اسەرى بار تابيعي "ەنەرگەتيكتەر"
ۇيلەسىمدى جانە ءتيىمدى تاماقتانۋ
You Might Also Like
-
ءتاڭىر ادامزات بالاسىن ءاۋ باستا جاراتقاننان بەرى ونىڭ بويىنا جاقسىلى جاماندى قاسيەتتەردى تەڭ دارەجەدە بەرىپ، تاڭداۋ قۇقىعىن ادامنىڭ وزىنە بەرگەن. بۇل تۋرالى كوپ جەردە ايتىلىپ تا، جازىلىپ تا ءجۇر. شىن...
-
بيىكتە-بيىكتە شۋ-شۋ ەتىپ قۇرقىلتاي ۇشىپ ءجۇر. مىڭبۇلاقتىڭ ءبىر بۇلاعى — شوقىباس سايى. جارقاباعى شۇرق تەسىك: جىبىرلاعان قۇرقىلتايدىڭ ۇياسى. قۇستار ۇيالارىن تاستاپ قىس بولمايتىن جاققا كەتپەكشى.
