ەندى، ارينە، مەن ءبىر ءشوپ
قوزعالمايمىن ءتىپتى كوپ.
قوزعالمايمىن دەمەيمىن،
تولقيتىن ەندى جەرىم جوق.

نەگە ەسپەيسىن جەلىڭنەن،
ايايمىسىڭ ەرىڭنەن.
جان قوزعارلىق جار بولساڭ،
كەل قۇشاقتات بەلىڭنەن.
بۇيىرعاندى كورەرسىڭ
قيمىلداتقان ەرنىڭنەن.

قارادىڭ نەگە، جان قالقام،
كۇيدىرەيىن دەدىڭ بە؟
ەتىپ قالدىڭ ءبىر جالتاڭ،
سۇيدىرەيىن دەدىڭ بە؟

وزەگىمدى جاندىردىڭ
يدەيامنان تاندىردىڭ.
ومىرلىك كەتپەس قايعىمدى
ءبىر كوز سالىپ قالدىردىڭ.

قىزىقتىردىڭ باسىڭا
باس يمەۋشى ەدىم عالامعا.
نەعىپ تارتتىڭ قاسىڭا
تاندانباۋشى ەدىم ادامعا.

كولەڭكەڭدى كورەيىن،
قۇرباندىقتا ولەيىن؛
جاندىردىڭ ءوزىڭ ءورت سالىپ،
باسپاساڭ ءقايتىپ سونەيىن؟

ءبىر قاراۋمەن ەرىتەسىڭ
جۇرەكتىڭ مۇز توندارىن.
ءبىر كۇلۋمەن سەرپەسىڭ
تاعدىردىڭ سۋىق قولدارىن.

كورىپ جۇرسەم كۇندەيمىن،
كورمەي جۇرسەم تۇندەيمىن.
قيماق تۇرسىن، جات جاننان
كولەڭكەڭدى كۇندەيمىن.

سەنى كورىپ تۇرعاندا،
كۇن مەن جۇلدىز، اي دا جوق،
جۇرەگىم لەپىرىپ جۇلعاندا،
پاتشا دا، قۇداي دا جوق.

ءبارى سەنىڭ ءبىر ءوزىڭ:
كۇن، اي، جۇلدىز — ءدال كوزىڭ.
مىڭ قايتارا ءتاۋ ەتەم،
اۋزىڭنان شىقسا ءبىر ءسوزىڭ.

سەن جوق بولساڭ، قاراعىم،
دۇنيە ءجۇزى ماعان كور.
بارلىق تالايىم...
سيفرى جوق، سەنسىز نول.

ءسىرا دا جالعىز مەن ەمەس،
سەنسىز دۇنيە كەڭ ەمەس.
اۋرۋىم قاتتى ولەمىن،
وزىڭنەن باسكا ەم ەمەس.

ماعان سالساڭ ەڭكەيىپ،
قاتايىپ كەت، جاسىپ كەت.
ءارى بارساڭ تەڭكەيىپ،
ولەكسە بوپ ساسىپ كەت.

اينىماس مەنىڭ سۇيگەنىم،
سونبەس جانىپ كۇيگەنىم.
بەتىڭنەن سوندا سۇيگىزسەڭ،
كوز جاسىمدى يگەنىڭ.

وسى سۇيۋ جولداستا
بولماسا، كەتتىڭ وڭباسقا.
ەكەۋىڭدە بىردەي بول،
بولمادىڭ ونداي — جول باسپا.

---