جاڭالىققا باستار تۋرا جول
جاڭا باعدارلاما - جاڭالىققا باستار تۋرا جول
مەملەكەتىمىزدىڭ ءبىلىم بەرۋ ۇدەرىسىنە ەنگەن جاڭارتىلعان ءبىلىم بەرۋ باعدارلاماسى – زامان تالابىنا ساي، كەلەشەك ۇرپاقتىڭ سۇرانىسىن قاناعاتتاندىراتىن تىڭ باعدارلاما. ەلىمىزدەگى ءبىلىم بەرۋ سالاسى جاڭا جۇيەگە كوشۋ بارىسىندا ۇلتىمىزدىڭ بولاشاعىنا تىرەك بولار ازاماتتاردىڭ ءبىلىم دەڭگەيى جوعارى، ءوي-ورىسى دامىعان، ءوز ويىن ەركىن جەتكىزە الاتىن، تۋىنداعان ماسەلەلەردى شەشە بىلەتىن جانە شىنايى ومىرگە بەيىم جاڭاشىل ۇرپاق تاربيەلەۋدى باستى فاكتور رەتىندە قاراستىرىپ وتىر. سوندىقتاندا بولاشاق ۇرپاقتى تاربيەلى، ءتارتىپتى، ءبىلىمدى ۇرپاق ەتىپ تاربيەلەۋ ءبىزدىڭ قولىمىزدا. وسىعان بايلانىستى ۇستازدار الدىندا وقىتۋدىڭ ءادىس – تاسىلدەرىن ۇنەمى جاڭارتىپ وتىرۋ جانە تەحنولوگيالاردى مەڭگەرۋ، ونى ءتيىمدى قولدانا ءبىلۋ مىندەتتەرى تۇر. سونمەن ءوز ءبىلىمىمدى جەتىلدىرۋ ماقساتىندا، جاڭارتىلعان ءبىلىم بەرۋ باعدارلاماسى بويىنشا بىلىكتىلىكتى ارتتىرۋ كۋرسىنا قاتىسۋعا بەل بۋدىم.
نازاربايەۆ زياتكەرلىك مەكتەپتەرى پەداگوگيكالىق شەبەرلىك ورتالىعىنىڭ شىمكەنت قالاسىنداعى فيليالىندا 05.06.2017 ج-16.06.2017ج كۇندەر ارالىعىندا وقۋدا بولدىم. وقۋعا كەلگەندەگى ماقساتىم، ەڭ ءبىرىنشى جاڭارتىلعان ءبىلىم بەرۋ باعدارلاماسىمەن تانىسۋ جانە جاڭاشا ادىس-تاسىلدەردى تاجىريبە جۇزىندە قولدانىپ، ءبىلىم الۋ. بۇل مەنىڭ ۇستازدىق جولىمداعى العاشقى بىلىكتىلىكتى ارتتىرۋ كۋرسىم بولعاندىقتان، بىلىكتىلىكتى ارتتىرۋ كۋرسى بويىنشا كوز-قاراسىمدى قالىپتاستىرا وتىرىپ، وسى كۇندەر ارالىعىندا وتكەن ءاربىر ءسات كوپتەگەن جاڭالىققا تولى بولدى دەپ ايتا الامىن. «ماتەماتيكا» ءپانى بويىنشا بىلىكتىلىكتى ارتتىرۋ كۋرسىندا 25 ءمۇعالىم بىلىكتىلىكتەرىن ارتتىردى. ءبىز ەكى اپتا كولەمىندە ماتەماتيكا ءپانىن جاڭا مازمۇندا وقىتۋ بويىنشا دارىس-ترەنينگتەر تىڭداپ، كوپتەگەن وقۋ ستراتەگيالارىن، بەلسەندى وقىتۋدىڭ ادىس-تاسىلدەرىن، العان بىلىمدەرىن تاجىريبەدە قولدانا ءبىلۋدىڭ ەگجەي-تەگجەيىن ۇيرەندىك. سونىمەن قاتار بۇل كۋرستا ناتيجەگە باعىتتالعان ساباقتاردى جوسپارلاۋدى، ءبىلىم مازمۇنىن باعالاۋدىڭ ەرەكشەلىكتەرىنە دە نازار اۋداردىق...
كۋرستان العان اسەرىم وتە كوپ. مەن ءۇشىن ەكى اپتا كوزدى اشىپ-جۇمعانداي تەز ءوتتى. كوڭىل قويىپ، وي تۇيەتىن ماڭىزدى ساتتەر ەرەكشە: شيىرشىقتى وقىتۋدىڭ مازمۇنى، جاڭا باعدارلاما بويىنشا ءار ساباققا قىسقا مەرزىمدى جوسپار قۇراستىرۋ، ءتورت داعدى بويىنشا (ايتىلىم، تىڭدالىم، جازىلىم، وقىلىم) وقىپ ۇيرەنگەن ترەنينگتەر ءبىزدىڭ پەداگوگيكالىق ءبىلىمىمىزدى تەرەڭدەتە ءتۇستى. ءبىلىم الۋدان ەش جالىقپادىق.
ەڭبەك جولىمدى زامان تالابىنا ساي جاڭاشا باستاۋعا، ناعىز پەداگوگ رەتىندە تانىلۋىما بىردەن–ءبىر جول اشتى دەپ ويلايمىن. مەن ءوز ءىس – تاجىريبەمە وزگەرىستەر ەنگىزە وتىرىپ، وقۋشىلارىمدى جاڭا قىرىنان تانىدىم. بولاشاقتا بارلىق ۇيرەنگەندەرىمدى ۇنەمى جەتىلدىرىپ، ءاربىر ساباقتارىمدا قولدانامىن دەپ نىق ايتامىن. وسىعان وراي مۇعالىمدەردى باعدارلامانىڭ بارلىق قىر-سىرىمەن تەرەڭ تانىستىرىپ، ساپالى ءبىلىم بەرگەن ترەنەرىمىز بەكاحمەتوۆا مادينا سۋلتاناحمەتقىزىنا العىسىمىز شەكسىز. مادينا سۋلتاناحمەت قىزى وتە ءبىلىمدى، ءوز ءىسىنىڭ شەبەرى، وتە ەڭبەكقور، سونىمەن قاتار تالاپشىل ۇستاز مامان ەكەندىگىن كورسەتە ءبىلدى. ۇستاز ەڭبەگى ولشەۋسىز، ءاردايىم ەڭبەگىڭىز جەمىستى بولىپ، ءبىلىمدى ۇرپاق، ساپالى مامانداردى تاربيەلەي بەرىڭىز دەمەكپىز.
قازاقستان رەسپۋبليكاسىندا ءبىلىم مازمۇنىن جاڭارتۋ باعدارلاماسىنا سايكەس نازاربايەۆ زياتكەرلىك مەكتەپتەرى پەداگوگيكالىق شەبەرلىك ورتالىعىنىڭ شىمكەنت قالاسىنداعى فيليالى، وقىتۋشى-ترەنەرلەرى وبلىس پەداگوگتەرىنە ۇزدىكسىز ءبىلىم بەرىپ، بىلىمدەگى جاڭالىقتاردى ايشىقتاپ بەرۋدە بار كۇش-جىگەرلەرىن سالۋدا.
وقو، قازىعۇرت اۋدانى، «كومسومول»(ا) ج.و.ءم-نىڭ
ماتەماتيكا ءپانى ءمۇعالىمى: سۇتتىبايەۆا گۇلنۇر انارقۇل قىزى
You Might Also Like
-
(مۇعالىمدەردىڭ «ناۋرىز شاپاعاتى» ونەر فەستيۆالى حاقىندا) مۇعالىمدەر بىلىمگە اسقاق كەنەلگەن، شاكىرت كەۋدە سول ارقىلى ەلەنگەن. بي بيلەسە، ءان سالسا ولار – ونەرپاز، تۇلابويىن كە...
