جاس ۇستازعا تىلەك
«بۇگىنگى ستۋدەنت – ەرتەڭگى مامان» دەپ جاتادى. وسى ءسوزدىڭ ۇدەسىنەن شىققان قىزىلوردا قالاسىنداعى «بولاشاق» وقۋ ورنىنىڭ ۇستازدارىنىڭ سول كەزدە، ياعني سايىس وتكىزەردە وزدەرىنىڭ وقۋ ورنىن پەداگوگيكالىق ماماندىقتار بويىنشا بىتىرگەلى جاتقان ستۋدەنتتەرىنە ەندىگى جەردە جاس ۇستاز رەتىندە قاراعاندىعى دا سوندىقتان بولسا كەرەك. ۇستازدارى ولاردىڭ اراسىندا جاس ۇستازداردىڭ سايىسىن وتكىزەدى. سايىس بارىسىندا سايىستى ۇيىمداستىرۋشىلار بىرنەشە سايىسكەر توپتىڭ ءارقايسىسىنىڭ ءوزىنىڭ جاس ۇستاز رەتىندەگى ايتاتىن ءانى بولۋ كەرەك دەپ شەشىم قابىلدايدى. ول بۇرىننان بەلگىلى انگە سالىنىپ ايتىلسا دا بولادى. سول كەزدە وسى سايىستىڭ I ورنىن ەنشىلەگەن، كۇنى ەرتەڭ-اق باستاۋىشتىڭ مۇعالىمدەرى بولعالى تۇرعان جاس ۇستاز قىزداردىڭ ءبىر توبى وزدەرىنىڭ جاس ۇستاز رەتىندەگى ءانىن سول سايىستا اقىن باكىر تاجىبايەۆتىڭ ولەڭىنە جازىلعان ەسكەندىر حاسانعالييەۆتىڭ «ستۋدەنتتەردىڭ قوشتاسۋ ءانى» ءانىنىڭ اۋەنىنە سالىپ ورىنداعان-دى:
ءبىلىمنىڭ گۇلىن ءبىز
جينادىق تاڭداردا.
قول سوزدىق بۇگىن ءبىز
ۇستازدىق ارمانعا.
الاۋ وت جاعامىز
شاكىرتتىك كوڭىلگە.
قاناتتى قاعامىز
ۇستاز بوپ ومىرگە.
ق-سى:
كورىنەر قيادان
ارمان جول جالعايدى.
«بولاشاق» ۇيادان
جاس ۇستاز سامعايدى.
وسىناۋ تۇلەكتى
مەكتەبى توسادى.
تەربەتسىن جۇرەكتى
ۇستازدىڭ وسى ءانى.
كەلەشەك وسەدى،
ويلايمىز وتاندى.
شاكىرت ەك كەشەگى،
جاس ۇستاز اتاندىق.
سەنەمىز بۇگىننەن –
الامىز اسقاردى.
ۇستازدىق بىلىممەن
ەرتەڭىم باستالدى.
وسىنداي ۇستازدىق بىلىممەن ەرتەڭى باستالعان ۇستازدىڭ ءبىرى قوجاباقى اۋىلىنداعى №25 مەكتەپتىڭ ءبىر كەزگى جاس مامانى جاقسىگۇل بەكجانوۆا ەدى. جاقسىگۇل قورقىت اتا اتىنداعى قىزىلوردا گۋمانيتارلىق ۋنيۆەرسيتەتىن 1997 جىلى گەوگرافيا جانە بيولوگيا ماماندىعى بويىنشا ۇزدىك بىتىرگەن. ەگەر جاقسىگۇل بەكجانوۆانىڭ ۇستاز رەتىندەگى جۇمىستارىن كورسەتۋ ءۇشىن 2000 جىلعى ناۋرىز ايىندا جاس ۇستازعا ارناپ «جاس ۇستازعا تىلەك» ولەڭى جازىلسا، وندا №25 مەكتەپتىڭ جاس ۇستازى وسى از عانا جىلداردىڭ ىشىندە-اق ءوزىن ۇستازدىق جۇمىستا ءدال سولاي كورسەتە العاندىعى. ەگەر مەكتەپ شاكىرتىنىڭ ءبىلىم جولدا وزدەرى وقىپ جۇرگەن پاننەن ءپان وليمپياداسىنا قاتىسۋى ماڭىزدى بولسا، وندا جاقسىگۇل ءوز ساباقتارىن ىزدەنىسپەن وتكىزۋمەن قاتار، وقۋشىنى ءپان وليمپياداسىنا دايىنداۋدىڭ دا شەبەرى بولعان ۇستاز ەدى. ونىڭ ءپان وليمپياداسىنا قوسقان شاكىرتتەرى جۇلدەسىز قايتپايتىن:
«ءوز ويىڭمەن ءاقىل-بىلىم ولشەتتىڭ،
شاكىرتتى دە ىزىڭە ەرگەن كورسەتتىڭ...»
90-جىلداردىڭ اياق كەزى – قوعامعا «XXI عاسىردىڭ ءمۇعالىمى قانداي بولماق؟» دەگەن سۇراقتى قويعان كەزەڭ. بۇل سۇراق سول كەزدە اۋىل مەكتەپتەرىندە دە تالقىعا ءتۇسىپ جاتتى. كەيىن ۋاقىت وتە كەلە ءاۋ باستا №25 مەكتەپتىڭ جاس ۇستازىنىڭ شىعارماشىلىق تۇرعىداعى ەڭبەگىن باعالاۋعا ارناپ 2000 جىلى جازىلعان «جاس ۇستازعا تىلەك» ولەڭىنە ەندى ول بۇگىنگى عاسىر جاس ۇستازدارىنا دا ارنالسىن دەگەن نيەتپەن تاعى دا ولەڭ شۋماقتارى قوسىلعان-دى:
«جاس – ىسكە» دەپ ءبىلىم جولعا سەن كەلدىڭ،
جاڭا زامان باعدارىن تەز مەڭگەردىڭ.
عاسىرىڭنىڭ قۇرالى دا شىندىعىن
ساعان اشتى – قولىڭدا ويناپ تۇر بۇگىن.
شىندىعىندا، مامانىسىڭ سەن ءىستىڭ،
قازىردەن-اق تاجىريبەڭدى ءبولىستىڭ.
سەن بۇگىنگى جاس ورتانىڭ وكىلى،
ىزدەنۋىڭ – جەمىسىڭنىڭ كەپىلى.
تابىستارىڭ تابىسپەنەن جالعاستى،
ءار شاكىرتىڭ عىلىممەنەن سىرلاستى.
سەن ولارعا ءبىلىم نۇر بوپ اشىلدىڭ،
ۇستازىسىڭ العا اپارار عاسىردىڭ.
باعدارىنا اينالا العان بالانىڭ،
جاس ۇستازعا ءۇمىت ارتتى زامانىڭ.
ءوزىڭ جايلى بەرىلەتىن باعا كوپ،
سەن بۇگىنگى ناعىز ۇستاز – پەداگوگ!
اتالعان «جاس ۇستازعا تىلەك» ولەڭىنە ارقاۋ بولعان ءبىر كەزدەگى №25 مەكتەپتىڭ جاس مامانى، كەيىنگى قازالى قالاسىنداعى №17 مەكتەپتىڭ ۇستازى جاقسىگۇل بەكجانوۆا جايىندا 2017 جىل 16 اقپان كۇنگى «قازالى» گازەتىندە جاريالانعان №17 مەكتەپتىڭ قوسىمشا ءبىلىم بەرۋ پەداگوگى ا.ماڭعۇتوۆانىڭ مەكتەپ بويىنشا ماراپاتتاۋ تۋرالى ماقالاسىندا بىلاي دەيدى:
«جىل كوشباسشىسى» باعامىن وبلىستىق سەميناردا «ۇزدىك جوبا» باعامىن يەلەنگەن، جىل سايىن ءبىلىم وليمپياداسىندا وقۋشىلارى جۇلدەلى ورىنداردى قانجىعاسىنا بايلاعان گەوگرافيا ءپانىنىڭ ءمۇعالىمى بەكجانوۆا جاقسىگۇل يەلەندى».
جاس ۇستازعا تىلەك
تالابىڭمەن تانىپ بىلگەن ءىلىمدى
قولداندىڭ دا ۇستاز بولدىڭ بۇگىنگى.
جۇرەگىڭدى ءبىلىم نۇرعا بيلەتىپ،
ءجۇرسىڭ داعى شاكىرتكە سىر ۇيرەتىپ.
جالقاۋلىق پەن ەرىنشەكتىك تانىتپاي،
جاۋھار ءبىلىم ىزدەتەسىڭ جالىقپاي.
جەتەلەتىپ ىزگىلىككە قادامىن،
جۇرەگىنە ءبىلىم قۇيدىڭ بالانىڭ.
كەلمەسەڭ دە جاسقا داعى كەمەلدى،
ەتكەن ەڭبەك كوپشىلىككە ەلەندى.
تەك وزگەلەر قىزىعۋمەن قارايدى،
بايگە سىندا شاڭ قاپتىردىڭ تالايدى.
ءوز ويىڭمەن ءاقىل-بىلىم ولشەتتىڭ،
شاكىرتتى دە ىزىڭە ەرگەن كورسەتتىڭ.
بىلە بىلسەك، ۇعا بىلسەك جايىڭدى،
كوپكە ەڭبەگىڭ قازىردەن-اق جايىلدى.
«جاس – ىسكە» دەپ ءبىلىم جولعا سەن كەلدىڭ،
جاڭا زامان باعدارىن تەز مەڭگەردىڭ.
عاسىرىڭنىڭ قۇرالى دا شىندىعىن
ساعان اشتى – قولىڭدا ويناپ تۇر بۇگىن.
شىندىعىندا، مامانىسىڭ سەن ءىستىڭ،
قازىردەن-اق تاجىريبەڭدى ءبولىستىڭ.
سەن بۇگىنگى جاس ورتانىڭ وكىلى،
ىزدەنۋىڭ – جەمىسىڭنىڭ كەپىلى.
تابىستارىڭ تابىسپەنەن جالعاستى،
ءار شاكىرتىڭ عىلىممەنەن سىرلاستى.
سەن ولارعا ءبىلىم نۇر بوپ اشىلدىڭ،
ۇستازىسىڭ العا اپارار عاسىردىڭ.
تالاپتىعا تاعىلادى ءدۇيىم سىن،
دوس ءسۇيىنىپ، دۇشپاندارىڭ كۇيىنسىن.
جايا بەرسىن قانات قاعىپ وركەنىڭ،
وسى باقتىڭ جىعىپ الما جەلكەنىن!
باعدارىنا اينالا العان بالانىڭ،
جاس ۇستازعا ءۇمىت ارتتى زامانىڭ.
ءوزىڭ جايلى بەرىلەتىن باعا كوپ،
سەن بۇگىنگى ناعىز ۇستاز – پەداگوگ!
You Might Also Like
-
ءبىز ءاربىر زاتتىڭ بەلگىلىگى ءبىر نارسەگە ارنالۋىنا ۇيرەنىپ قالعانبىز. الايدا ولاردىڭ كوپشىلىگى باستاپقىدا مۇلدەم باسقا تۇرگە يە بولعان جانە ءتىپتى باسقا ماقساتتاردا پايدالانىلدى.
-
05.06-16.06.2017 ج. ارالىعىندا قاراعاندى قالاسىنداعى پەداگوگيكالىق شەبەرلىك ورتالىعى ۇيىمداستىرعان « بيولوگيا» جانە «جاراتىلىستانۋ» پاندەرى بويىنشا پەداگوگ قىزمەتكەرلەردىڭ ب...
