ءمۇعالىم جانە ونەر
(مۇعالىمدەردىڭ «ناۋرىز شاپاعاتى» ونەر فەستيۆالى حاقىندا)
مۇعالىمدەر بىلىمگە اسقاق كەنەلگەن،
شاكىرت كەۋدە سول ارقىلى ەلەنگەن.
بي بيلەسە، ءان سالسا ولار – ونەرپاز،
تۇلابويىن كەندە ەتپەگەن ونەردەن.
(«مۇعالىمدەر» ولەڭىنەن)
سىر وڭىرىندە باستاۋ العانىنا دا 20 جىل تولعان «ناۋرىز شاپاعاتى» ونەر فەستيۆالى تۋرالى رەسپۋبليكالىق «حالىق» گازەتىنىڭ وسىدان ەكى جىل بۇرىنعى 2015 جىل، 19 ناۋرىزداعى سانىندا ارال اۋداندىق ءماسليحاتىنىڭ دەپۋتاتى نۇرباي ءجۇسىپ وبلىستىق ءبىلىم جانە عىلىم قىزمەتكەرلەرى كاسىپوداق كوميتەتىنىڭ ءتورايىمى، وبلىستىق ءماسليحات دەپۋتاتى رايكۇل مانسۇر قىزى باينازاروۆا جونىندە جازعان «كيەلى سالاعا ۇلەس قوسقان اياۋلى جان» اتتى ءوزىنىڭ ماقالاسىندا بىلاي دەيدى:
«...رايكۇل مانسۇر قىزى ەل تاۋەلسىزدىگىنىڭ العاشقى قيىن كەزەڭىندە دە رۋحانيات سالاسىن وركەندەتۋدى مىقتاپ قولعا الدى. ول ءوزى ۇستاز رەتىندە، ۇلى ۇستاز ءابۋ ناسىر ءال-فارابيدىڭ «تاربيەسىز بەرىلگەن ءبىلىم ادامزاتقا اپات اكەلەدى» دەگەن ۇلاعاتتى ءسوزىن استە ەستەن شىعارمادى. 1995 جىلدان باستاپ ءبىلىم قىزمەتكەرلەرى اراسىندا ونەر دارىندىلارىن ىزدەپ تاۋىپ، ولارعا ونەرلەرىن شىڭداۋعا بارىنشا كومەك كورسەتۋ ماقساتىندا 2 جىلدا ءبىر رەت «ناۋرىز شاپاعاتى» فەستيۆالىن ۇزبەي ۇيىمداستىرىپ كەلەدى...»
ءتاڭىرىم تۋعان جەرگە بەرگەن ەدى،
ەلى دە ونەرىنە سەنگەن ەدى.
1922 – قازالىدا
ومىرگە روزا ءانشى كەلگەن ەدى.
انمەنەن ءوڭى كىرىپ اجارىنىڭ،
تەك قانا قىزى بولمادى قازالىنىڭ.
جايىلىپ شارتاراپقا ءانشى ەسىمى،
اينالدى ماقتانىنا قازاعىنىڭ.
وتكەنگە وي نازارىن سالامىز با،
جەتەيىك وسىلاي شىن باعامىزعا.
قازاقتىڭ تەاترى 26-دا
اشىلدى قىزىلورداداي قالامىزدا.
وسىلاي مادەنيەتىم تاسقان ەدى،
ارتىنا وشپەس ءىزىن تاستاپ ەدى.
دراما تەاترىم ءوز جۇمىسىن
«ەڭلىك-كەبەكپەنەن» باستاپ ەدى.
ەكى جىلدا ءبىر رەت وتكىزىلەتىن ۇستازداردىڭ «ناۋرىز شاپاعاتى» ونەر سايىسىنىڭ 2000 جىلعى III فەستيۆالىنىڭ اقپان ايىنداعى اۋماقتىق تۋرىنا №25 قوجاباقى مەكتەبى سول جىلعى «مادەنيەتتى قولداۋ جىلىنا» وراي جاسالعان «سىر ۇققان ونەر قۇستىڭ قاناتىنان، ەلىم بار ءان مەن جىردان جاراتىلعان» باعدارلاماسىمەن قاتىسقان ەدى. جوعارىداعى ولەڭ جولدارى وسى باعدارلاما اياسىنا «شەجىرە سىر شەرتەدى» دەگەن تاقىرىپپەن ەنگىزىلگەن بولاتىن.
1998 جىل. ءبىلىم قىزمەتكەرلەرىنىڭ II «ناۋرىز شاپاعاتى» ونەر فەستيۆالىنىڭ اۋماقتىق تۋرىنا قوجاباقى مەكتەبىنىڭ ۇستازدارى «مەن قازاقپىن تاراعان كوك تۇرىكتەن» باعدارلاماسىمەن قاتىستى.
تاعى دا نۇرباي ءجۇسىپتىڭ جوعارىداعى ماقالاسىنا كەزەك بەرەيىك:
«...فەستيۆالگە قاتىسۋشىلار ءان، بي، كوركەم ءسوز وقۋ، ۆوكالدى توپتار، انسامبلدەر، وركەستر، قولونەر شەبەرلەرى، ت.ب ونەر جانرلارىندا ءوز شەبەرلىكتەرىن تانىتىپ، سايىسقا تۇسەدى.
فەستيۆالدىڭ ءوتىلۋ جۇمىس تاسىلىندە اۋداندىق ءادىل قازىلار القاسى اۋماقتىق تۋرلارعا قاتىسىپ، اۋداندىق تۋرعا لايىقتى ونەرپازداردى تاڭداپ، كونسەرتتىك باعدارلاما دايىندايدى. اۋداندىق تۋرعا وبلىستىق دەڭگەيدەگى ءادىل قازىلار القاسى كەلىپ، وبلىستىق تۋرعا ۇزدىك نومەرلەردى تاڭدايدى. وبلىستىق قورىتىندى كونسەرتكە قاتىسۋشىلار وبلىستىق «ناۋرىز شاپاعاتى» فەستيۆالىنىڭ لاۋرەاتى اتاعىنا يە بولادى.
قورىتىندى كونسەرت ناۋرىز ايىنىڭ اياعىندا قىزىلوردا قالاسىندا ن.بەكەجانوۆ اتىنداعى تەاتردا وتەدى...»
جوعارىدا ايتىلعانداي، 1998 جىلعى II فەستيۆالدىڭ اۋماقتىق تۋرىندا كەلەسى تۋرعا ونەرپاز تاڭداۋعا كەلگەن قازىلار القاسى №25 مەكتەپتىڭ كونسەرتتىك ۇجىمىن اۋداندىق فەستيۆالعا قاتىسۋعا شەشىم شىعاردى.
اۋداندىق فەستيۆال بارىسىندا كونسەرتتىك ۇجىمنىڭ كوركەمدىك جەتەكشىسىنە جانە 1998 جىل «حالىق بىرلىگى مەن ۇلتتىق تاريح جىلى» بولعاندىقتان، ونەر مەن تاريحتى ۇشتاستىرىپ جاساعان №25 مەكتەپتىڭ «مەن قازاقپىن تاراعان كوك تۇرىكتەن» باعدارلاماسىنىڭ اۆتورىنا، وسى جولداردىڭ اۆتورى، اتالعان سەناريي-باعدارلاماسى ءۇشىن ءبىلىم قىزمەتكەرلەرى اۋداندىق «ناۋرىز شاپاعاتى» ونەر فەستيۆالىنىڭ لاۋرەاتى اتاعى بەرىلىپ، ديپلوم جانە باعالى سىيلىقپەن ماراپاتتالدى جانە مەكتەپكە اۋداندىق فەستيۆالدىڭ III ورنى بەرىلىپ، باعالى سىيلىقپەن ماراپاتتالدى.
تاعى دا ونەر مەن مادەنيەتكە بايلانىستى جازىلعان 2000 جىلعى III فەستيۆالداعى «شەجىرە سىر شەرتەدى» ولەڭىنەن ءۇزىندى:
ول جىلدار ونەر قىرعا ورلەپ ەدى،
بۇل توپتى وزگەگە كىم تەڭگەرەدى.
1967 – «دوسمۇقاسان»
قۇرىلىپ، ونەر جولعا كەلگەن ەدى.
مىنەكي، وسى توپتىڭ باعى مىندا –
ب ا ق سىنادى جاڭاشا جول اعىمىندا.
قازاقتىڭ مۋزىكالىق فولكلورىن
جاڭعىرتتى ەسترادا جانرىندا.
سۇيگەن جان شىن سەزىمگە جازالى ما،
عاشىقتىق سالعان ەدى ازابىنا.
1970-تە «قازاقفيلم»
ۇسىندى «قىز جىبەكتى» قازاعىنا.
قازاعى ءا دەگەننەن ەلەڭ ەتتى،
جانى مەن رۋحىنا كەرەك ەتتى.
وسىنداي وشپەس فيلم جاساپ كەتكەن
قوجىقوۆ سۇلتان قانداي كەرەمەت-تى.
پەرزەنتى ونەرىمەن سۇيەر ەلدى،
ول-داعى تالانتىنا سۇيەنگەن-دى.
1977 – روزا قىز
باس جۇلدە «التىن ورفەي» يەمدەندى.
بۇل جەڭىس سەزىنگەنگە بالداي ءتاتتى،
«ءاليا» ءانى شەت اسپاندا سامعاي قاپتى.
قارشاداي قازاق قىزىنا بولگار ەلى
ءسۇيسىنىپ، قولىن سوعىپ تاڭداي قاقتى.
«ۇستازدىقتىڭ اسقاقتاپ تۇنىق باعى، ونەردەن كەلدى بۇگىن سىر ۇققالى» اتتى باعدارلامامەن قاتىسقان 2002 جىلعى IV فەستيۆالدىڭ اۋماقتىق تۋرىندا قازىلار القاسى №25 مەكتەپتەن اۋداندىق فەستيۆالعا بارۋعا 1999 جىلى جازىلعان، مەكتەپتىڭ 50 جاسقا تولۋىنا جانە 50-تۇلەكتەرىن ۇشىرۋ قۇرمەتىنە بايلانىستى دۇنيەگە كەلگەن «قوجاباقى مەكتەبىنىڭ ءۆالسى» (ولەڭىن جازعان – ع.قوجاحمەت، ءانى – ك.وتەپ) ءانىن ايتقان ۇستاز قىزداردان قۇرالعان توپتى ىرىكتەپ الدى.
You Might Also Like
-
تاۋەلسىزدىكتىڭ شيرەك عاسىرى رەسپۋبليكا كولەمىندە اتالىپ ءوتىلىپ جاتىر. جەر-جەردە بولىپ جاتقان ءىس-شارالار وتە كوپ. وسىنداي ءىس-شارالار امانكەلدى اۋدانىنا قاراستى امانتوعاي اۋىلىندا دا ءوز جالعاسىن تاپتى.
