InfoHub Logo

05.06-16.06.2017 ج. ارالىعىندا قاراعاندى قالاسىنداعى پەداگوگيكالىق شەبەرلىك ورتالىعى ۇيىمداستىرعان « بيولوگيا» جانە «جاراتىلىستانۋ» پاندەرى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ كۋرسىنىڭ ءبىلىم بەرۋ باعدارلاماسى» اتتى ەكى اپتالىق كۋرستا تولىق نۇسقاسىن مەڭگەرۋدىڭ ءساتى ءتۇستى. بىلىكتىلىكتى ارتتىرۋ كۋرسىنىڭ ماقساتى مۇعالىمدەردى وقىتۋدىڭ جاڭا ادىس-تاسىلدەرىن ەنگىزۋ ارقىلى قازاقستاننىڭ ورتا ءبىلىم بەرۋ مازمۇنىن جاڭارتۋ باعدارلاماسىمەن تانىستىرۋ بولىپ تابىلدى. كۋرس بارىسىندا قولداۋ كورسەتۋگە ارنالعان وقۋ ماتەريالدارىمەن قامتىلدى. وقۋ بارىسىندا مۇعالىمدەر باعدارلامانىڭ بولىمدەرىمەن تانىسىپ، وقۋ قاعيداتتارى مەن تابىستى مۇعالىمگە ادىس-تاسىلدەر مەن داعدىلار جان-جاقتى زەردەلەندى. 
كۋرس بارىسىندا مۇعالىمدەردىڭ بيولوگيا جانە جاراتىلىستانۋ پاندەرى بويىنشا باعدارلامانىڭ جاڭارتىلعان مازمۇنىن ءبىلۋى قامتاماسىز ەتىلدى. سونىمەن قاتار مۇعالىمدەر بيولوگيا ءپانى بويىنشا جاڭارتىلعان باعدارلاماعا سايكەس ءتيىمدى پەداگوگيكالىق تاسىلدەر مەن وقۋ ماتەريالدارىن قولدانۋدىڭ جولدارىن، ءپان بويىنشا جاڭارتىلعان باعدارلاماداعى وقۋ ماقساتتارىنا قول جەتكىزۋ ءۇشىن كريتەريالدى باعالاۋ جۇيەسىن قولدانۋدى مەڭگەردى.
ءبىلىمنىڭ بارلىق سالاسىنداعى اقپاراتتاردىڭ ۇلكەن لەگى، قازىرگى قوعامنىڭ جىلدام كاسىبي قايتا باعدارلاۋدى، بىلىكتىلىكتى جوعارىلاتۋدى، ادامنىڭ ءومىر جولىنىڭ كەز كەلگەن بولىگىندە ءوزىن-وزى دامىتا الۋى مۇمكىندىكتەرىن قامتيتىن يكەمدى، بەيىمدەلگەن ءبىلىم بەرۋ جۇيەسىنە قاجەتتىلىگى «ءومىر بويعى ءبىلىم» قاعيداتىنا نەگىزدەلگەن زاماناۋي ءبىلىم بەرۋ پاراديگماسىنا اۋىسۋعا الىپ كەلدى. ەلباسى ن.ءا. نازاربايەۆتىڭ 2010 جىلعى قازاقستان حالقىنا جولداۋىندا «زاماناۋي ءبىلىم بەرۋ جۇيەسى مەن ۇشقىر، اۋقىمدى، جاڭاشا ويلايتىن زاماناۋي مەنەدجەرلەرسىز ءبىز يننوۆاسيالىق ەكونوميكا جاساي المايمىز» دەگەن ەدى. سوندىقتان قازىرگى ۋاقىتتا دايىن بىلىمدەردى يگەرۋ مەن جالپىلاۋ ماقسات ەمەس، ال ادامنىڭ ينتەللەكتۋالدى دامۋىنىڭ كومەكشى قۇرالى بولىپ تابىلادى. ال قاجەتتى اقپاراتتاردى ءوز بەتىنشە تابۋ، ماسەلەلەردى انىقتاۋ جانە ولاردى شەشۋ جولدارىن ىزدەۋ، الىنعان بىلىمدەردى سىن تۇرعىسىنان تالداي ءبىلۋ جانە ولاردى جاڭا تاپسىرمالاردى ورىنداۋدا قولدانۋ جاڭارتىلعان ءبىلىم مازمۇنىنىڭ ناتيجەسى. 
نەگىزىنەن جاڭارتىلعان ءبىلىم جۇيەسى قۇزىرەتتىلىككە جانە ساپاعا باعىتتالعان باعدارلاما. جاڭارتىلعان ءبىلىم بەرۋدىڭ ماڭىزدىلىعى – وقۋشى تۇلعاسىنىڭ ۇيلەسىمدى قولايلى ءبىلىم بەرۋ ورتاسىن قۇرا وتىرىپ سىن تۇرعىسىنان ويلاۋ، زەرتتەۋ جۇمىستارىن جۇرگىزۋ، تاجىريبە جاساۋ، اقت –نى قولدانۋ، كوممۋنيكاتيۆتى قارىم-قاتىناسقا ءتۇسۋ، جەكە، جۇپپەن، توپتا جۇمىس جاساي ءبىلۋ، فۋنكسيونالدى ساۋاتتىلىقتى، شىعارماشىلىقتى قولدانا ءبىلۋدى جانە ونى ءتيىمدى جۇزەگە اسىرۋ ءۇشىن قاجەتتى ءتيىمدى وقىتۋ ادىس-تاسىلدەردى كۋرس بارىسىندا تۇسىنىك بەرىلدى. جاڭارتىلعان ءبىلىم بەرۋ باعدارلاماسىنىڭ ەرەكشەلىگى ءسپيرالدى قاعيداتپەن بەرىلۋى. وعان وقۋ ماقساتتارى زەردەلەي وتىرىپ تاپسىرمالاردى ىقشام ساباقتاردى قۇراستىرۋ.
ساباق كەزىندە تىڭداۋشىلارمەن بىرگە  ءبىلىم مازمۇنىن جاڭارتۋدا كاسىبي قۇزىرەتتىلىگى مەن قىزمەتىن ناتيجەلى قالىپتاستىرۋداعى كوكەيكەستى سۇراقتاردى تالقىلاپ، رەفلەكسيا جاساپ، توپتاعى پىكىرتالاس پەن كەرى بايلانىستى جۇزەگە اسىرىلدى. جاڭارتىلعان ءبىلىم بەرۋ باعدارلاماسىنىڭ مازمۇنىنا وراي، مۇعالىمدەردىڭ بىلىمدەرى جەتىلدىرىلىپ، كەڭەيتىلدى. جاڭا ءبىلىم مازمۇنىنىڭ باعدارلاماسىن يگەرۋ ارقىلى وقۋدا ناتيجەگە جەتۋدە ءتيىمدى ادىستەردى قولدانا وتىرىپ، وقۋ ماتەريالدارىن ىزدەستىرۋدىڭ ەرەكشەلىكتەرىنە نازار اۋدارۋ قاجەتتىلىگى تالقىلاندى.
قورىتا كەلە، جاڭارتىلعان ءبىلىم بەرۋ مازمۇنى بويىنشا مۇعالىمدەر بيولوگيا پانىندە باعدارلامانىڭ نەگىزگى يدەيالارىن تۇسىنە وتىرىپ، باعدارلامانىڭ ماقساتى مەن مىندەتتەرىن، قۇرىلىمىن مەن مازمۇنىن ءبىلدى جانە ونى ىقشامساباقتار دايىنداۋ بارىسىندا مەڭگەردى. سونداي-اق، مۇعالىمدەر بيولوگيا ءپانى بويىنشا جاڭارتىلعان باعدارلاماعا سايكەس پەداگوگيكالىق تاسىلدەردى قولدانۋدىڭ ءتيىمدى ءادىس-تاسىلىن ۇيرەنە وتىرىپ، قۇندىلىقتار مەن داعدىلاردى قالىپتاستىرۋ جولدارىن ۇيرەندى جانە وقۋ ماتەريالدارىن دۇرىس قولدانا بىلۋگە داعدىلاندى. سونداي-اق باعدارلامانىڭ ءمانى، وقۋشىنىڭ فۋنكسيونالدى ساۋاتتىلىعىن قالىپتاستىرۋ. وقۋشى مەكتەپتە العان ءبىلىمدى ومىرىندە قاجەتكە اسىرا ءبىلۋى كەرەك. سوندىقتان بۇل باعدارلامانىڭ تۇپنەگىزى «ومىرمەن بايلانىس» ۇعىمىنا قۇراستىرىلعان. ۇستازدارعا ۇلكەن جاۋاپكەرشىلىك مىندەتتەلدى. 

بالاپانوۆا كۋندىز سەريكوۆنا، 
 قاراعاندى قالاسىنداعى پەداگوگيكالىق شەبەرلىك ورتالىعىنىڭ ترەنەرى 

پايدالانعان ادەبيەت:
1.    ترەنەرگە ارنالعان نۇسقاۋلىق
2.    مۇعالىمگە ارنالعان نۇسقاۋلىق
 

---