InfoHub Logo

تەلەفونعا تەلمىرىپ، تۇككە تۇرعىسىز سان مىڭ اقپاراتتى الۋعا ماشىقتانىپ قالعان جاستاردىڭ سانالارى، كوپ نارسەگە الاڭدامايدى. ال بۇنداي جاستارعا يە مەملەكەتتىڭ بولاشاعى بۇلىڭعىر.

ءوز ەلى، حالقى ءۇشىن، تۋعان جەرى ءۇشىن ءبىر حايىرلى ءىس ىستەۋ، ونى جۇرەكپەن ءسۇيۋ، ءتىلىن، ادەپ عۇرپىن قۇرمەتتەۋ، ۇلتىنىڭ سان عاسىرلىق تاريحىن ءبىلۋ بۇل ءاربىر ازاماتتىڭ بورىشى. ەگەردە ءدال وسىنداي سانا سەزىممەن بالا تاربيەلەنىپ وسەتىن بولسا، ونىڭ حايىرى كوپ بولارى انىق. "ەل ماسەلەسى-مەنىڭ ماسەلەم" دەپ وسكەن بالادان قالاي عانا اينالىپ كەتپەيسىڭ. ادام ءوزىنىڭ سۇرگەن ومىرىندە تەك ءوز قامى ءۇشىن ەڭبەك ەتپەۋى كەرەك. ءوز ەلى ءۇشىن، اينالاسىنداعىلار ءۇشىن قام جەگەنى ابزال. قازىرگى تاڭدا جاستاردىڭ كوپ بولىگى، ۋايىمداتارلىق ءىس تانىتىپ ءجۇر. دامۋ جولىندا ەمەس، كۇيرەۋ جولىندا ايانباي ەڭبەك ەتەدى. ساناعا سىيمايتىن مىڭ-سان جامان، ەرسى نارسەلەرگە قۇمار. ۇلتتىق سانا سەزىم مەن ۇلتتىق بولمىستان ادا.
الەۋمەتتىك جەلىدە ءوزىنىڭ ءقادىر قاسيەتىن كەتىرىپ، قازاققا ءتان ەمەس، قازاقى بىلاي تۇرسىن جالپى ادامزات بالاسىنا ءتان ەمەس قىلىقتار جاسايدى. ال بۇل ءىسىنىڭ ۇيات، دۇرىس ەمەستىگىن ايتساڭ وزىڭە قارسى شابادى.

قازىرگى كەزدە كورشى ەلدەرگە ەلىكتەۋشىلىك بەلەڭ العان. مۇحتار شاحانوۆ اتامىزدى"باتىستىڭ سيۆيليزاسياسىن الامىن دەپ، كاناليزاسياسىنا ءتۇسىپ كەتپەڭدەر" دەگەن سوزىنەن، قازىرگى جاستاردىڭ قايدا ءتۇسىپ كەتكەنىن بايقاۋعا بولادى.

مەنىڭ ويىمشا بۇل كورشى ەلدەردىڭ ساياساتى. ۇلتتىق قۇندىلىقتارىن جوعالقان، ءوزىنىڭ كىم ەكەنىن بىلمەيتىن حالىقتى باسىپ الۋ وپ وڭاي.
قازىرگى جاس جەتكىنشەكتەر، 20-30 جىل ىشىندە مەملەكەت باسشىسىنا اينالادى. بۇنىمەن نە دەگىم كەلەدى. بولاشاق، جاستاردىڭ قولىندا. ال سول جاستاردىڭ بۇگىنگى ەسسىزدىگى، كەيىن تۇتاس ەلدىڭ قاسىرەتىنە الىپ كەلەدى. سوندىقتاندا ەلدىڭ تۇتاستىعىمەن، بولاشاقتىڭ جارقىندىعى ءۇشىن ەسىمىزدى جيىپ، سانامىزعا سانالى نارسە ويلاتايىق.

ومار زاكيروۆ

---