InfoHub Logo

قۋانىش اعامىزدىڭ "ەكىنشى بولما" كىتابى ادامدى جەتىستىككە جەتەلەيتىن،شابىت بەرەتىن،ەرەكشە ءور-تۇلعالى كىتاپ.باسقا كىتاپتاردان ايىرماشىلىعى دا وسىندا.كىتاپتى وقىساڭ،"مىناۋ مەن عوي" دەپ تاڭىرقاپ قالاتىن جەرلەرى دە بولادى.ءتىپتى،جاعداياتتاردى سيپاتتاپ،ودان شىعۋ جولىن دا كورسەتەدى.ەكى ادامدى مىسالعا الا وتىرىپ سيپاتتاپ،ايىرماشىلىعىن بەينەلەيدى.بىرىنشىمەن ەكىنشىنىڭ ايىرماسىن دالەلدەر كەلتىرە وتىرىپ سيپاتتايدى.بۇل اتاۋىنا دا تىكەلەي بايلانىستى.ءبىرىنشى ادام،ەڭبەكقور،ادال،ۇنەمشىل،ءوز الدىنا ماقسات قويىپ جەتە بىلەتىن جان.ال ەكىنشى ادام،جالقاۋ،جاتىپ ىشەر،اقشانى دۇرىس جۇمساي بىلمەيتىن،ماقساتى جوق،ىڭعايلى شەڭبەردەن شىعا المايتىن ادام.وسىلاردىڭ ايىرماشىلىعىن قاراستىرىپ،ەكىنشى ادام بولما دەپ ايتىپ وتىر.

اۆتوردىڭ كىتابىندا كوتەرىلگەن ماسەلەلەر مەن تۇيىتكىلدەر ءار قازاق ءۇشىن،ءار ادام ءۇشىن ماڭىزدى دۇنيە.كىتاپتاعى كەڭەستەردى پايداعا اسىرا بىلسەڭ،ءومىر جولىڭ ءوز ويلاعانىڭداي قالىپتاسادى.قازىرگى قوعامدا "اۋزىنا بەرىپ تۇرعان تالشىقتى" شايناي المايتىندار كوپ.قاراپ وتىرىپ تاڭىرقايسىڭ.تۇسىنىكسىز تىلدە جازىلماعان.ءبارى دە قازاقشا،ءتىلى تۇسىنىكتى ءارى جەڭىل.بۇل كىتاپ ءسىزدى جاڭا دەڭگەيگە شىعارۋعا كومەكتەسەدى.ماعان سەنىڭىز.ءبارى كەش ەمەس.

دامىپ ءومىرىڭدى وزگەرتۋ دە،الەمدى ءوز ەركىڭمەن وزگەرتۋ دە ەشقاشان كەش ەمەس.قانداي تۇرمىستىق جاعدايدا دا،قانداي سيپاتتا دا سەن "جەڭىمپاز" بولۋعا لايىقتىسىڭ.جەڭىمپازدىڭ ارەكەتى دەر كەزىندە ارەكەت ەتۋ،جىلدام ويلاپ،جىلدام ءارى ءتيىمدى شەشىم قابىلداۋ.ال قۇربان-بۇل سيندروم.ونىمەن سەن ومىرگە وكپەلەپ جاتىپ الاسىڭ.ول دەر كەزىندە جەتىستىككە جەتۋ جولىن ىزدەمەيدى.كەيبىرەۋلەرگە بۇل-"زونا كومفورت".ەگەر مۇنداي پروبلەمامەن ءومىر سۇرسەڭىز،بۇل ءسىزدى تۇڭعيىق شىرماۋعا اكەتەتىن تاڭداۋىڭىز.ەكىنشى بولما كىتابىندا دا،قۇربان بولماۋ كەرەكتىگىن ايتادى.

ەسىڭدە ساقتا "سەن سىلتاۋدى قۇرتپاساڭ،سىلتاۋ سەنى قۇرتادى".

تۇرعانبەك ءبيبىفاتيما

---