InfoHub Logo

ءقادىرلى جەڭگەي!
 
ءسىزدى ادام ءومىرىنىڭ ايتۋلى بەلەسى .... جاسقا تولۋىڭىزبەن شىن جۇرەكتەن قۇتتىقتايمىز! سىزدەر ءوز زاماندارىڭىزدا ەلگە، حالىققا قىزمەت ەتكەن، ۇرپاق وسىرگەن بۋىنسىزدار. ەندى سونىڭ جەمىسىن–بەينەتتىڭ زەينەتىن كورەر كەز كەلدى. بۇل اركىمنىڭ-اق قىزىعار تويى. ۇلكەنى بار ءۇيدىڭ قۇتى بار. ءبىزدىڭ قادىرمەندى جەڭگەمىز رەتىندە ءوزىڭىزدى ورتامىزدىڭ قۇتى، اعايىننىڭ ىرىسى، بالا-شاعانىڭ بەرەكەسى دەپ بىلەمىز. ۇلكەنى بار ەلدىڭ قازىناسى بار دەپ بەكەر ايتىلماعان. سىزگە ءارقاشاندا زور دەنساۋلىق، ۇزاق جاس، ءومىردىڭ، ۇرپاقتىڭ قىزىعىن كورە بەرۋدى تىلەيمىز.

*** *** *** ***

نازىكتىك بويىڭىزعا جاراسقانداي،
بيكەشتەر وزىڭىزبەن تالاسقانداي.
كەلبەت پەن جان سۇلۋلىق قاتار كەلىپ،
ءتاڭىرىم بارىن سالا قاراسقانداي.
 
جانارى توگەتۇعىن ەرەكشە نۇر،
جەڭگەيگە ارنالادى بولەكشە جىر.
بۇگىنگى تۋعان كۇنىڭ قۇتتى بولسىن!
قۇلپىرىپ شىعا كەلشى بەلەسكە ءبىر!
 
جىل سايىن قۋانىشقا بولەنىڭىز،
باقىتقا وتباسىلىق كەنەلىڭىز!
جۇمىستا ەڭبەگىڭىز باعالانىپ،
شاتتىقتا، قۋانىشقا كەنەلىڭىز!

*** *** *** ***

ەرتەلى-كەش تىنباستان تومپاڭدايتىن، جەڭەشەم،
قاس-قاباققا قارايلاپ جاۋتاڭدايتىن جەڭەشەم.
قىز جىبەكتىڭ ءوزى دەپ اعا العان،جەڭەشەم،
پەرى مە؟ دەپ كوپشىلىك اڭ-تاڭ قالعان، جەڭەشەم.
 
جەرگە تيەر تىك تۇرساڭ قولاڭ شاشىڭ،جەڭەشەم،
ەسكە سالار ايدى قالام قاسىڭ، جەڭەشەم.
تالاي جىگىت قالدى-اۋ اتتەڭ-ايلاپ، جەڭەشەم،
بۇيىرماستان بىزدەرگە كەتكەنى-ايلاپ، جەڭەشەم.
 
ىستىق بۋى پالاۋدىڭ شۇباتىلدى، جەڭەشەم.
قىز-عۇمىرىڭ كەيىننەن ۇزاتىلدى، جەڭەشەم.
ەندى وتىرسىڭ ءۇيىڭنىڭ قۇراپ باسىن، جەڭەشەم.
تورتەۋ ەتتىڭ اعامنىڭ ءبىر-اق باسىن، جەڭەشەم.
 
ءالى كۇنگە قاينىڭىز ءسۇر بويداق ءجۇر، جەڭەشەم،
سۇلۋ ءسىڭلىڭ بولسا ەگەر ءبىزدى ويلاپ ءجۇر، جەڭەشەم.
ءسوز تابا الماي قىزدارعا وتىرامىن، جەڭەشەم،
قول ۇستاتساڭ ار جاعىن قاتىرامىن، جەڭەشەم...

*** *** *** ***