جەتۋى قيىن تريدرانگار شامشىراعى
يسلانديانىڭ ۆەستمان ارالدارىنداعى تريدرانگار شامشىراعى الەمدەگى وڭاشا تۇرعان ەڭ ۇرەيلى شامشىراقتاردىڭ ءبىرى بولىپ تابىلادى.
اتلانت مۇxيتىنان شامامەن 40 مەتر بيىكتىكتە جالعىز تۇرعان بۇل عيمارات 1939 جىلى تىكۇشاقتاردىڭ كومەگىنسىز سالىنعان بولاتىن. مۇنى قالاي جاساي العاندىعىن ەلەستەتۋدىڭ ءوزى قيىن!
بۇرىن شامشىراقپەن بىرگە بۇل ارالدا تەxنيكالىق قىزمەت كورسەتۋمەن اينالىساتىن جانە ءبىرىن-بىرى كەزەك-كەزەك الماستىراتىن بىر-ەكى جۇمىسشى تۇراتىن. بۇگىندە شامشىراق تولىعىمەن اۆتوماتتاندىرىلعان. كەيدە عانا جۇمىسشىلار شامشىراقتىڭ جاعدايىن ءبىلىپ كەتۋ ءۇشىن، مۇمكىن اقاۋلارىن جوندەۋ ءۇشىن وسىندا ۇشىپ كەلەدى.
تىكۇشاق الاڭى سالىنباي تۇرىپ، باقىلاۋشىلارعا جارتاسقا قايىقپەن ءجۇزىپ كەلىپ، شىڭ باسىنا ورمەلەپ شىعۋعا تۋرا كەلەتىن. شامشىراقتىڭ 1939 جىلى قالاي سالىنا باستاعاندىعى تۋرالى جۇمىسشىلاردىڭ ءبىرى اڭگىمەلەپ بەردى:
«بىزگە ءبىرىنشى كەزەكتە جارتاس شىڭىنا اپاراتىن جولدى قۇرۋ كەرەك بولدى. سول ىستە بىزگە ۆەستمانناەييار ارالدارىنان كەلگەن تاجىريبەلى جارتاسقا ورمەلەۋشىلەر كومەكتەستى. ءبىز ولارعا قاجەتتى بۇرعىلاردى، بالعالاردى، شىنجىرلار جانە شىنجىرلاردى بەكىتۋگە ارنالعان قىسقىشتاردى جەتكىزدىك.
شىڭ باسىنا ءسال قالعاندا ىلىگەتىن ەش مۇمكىندىك بولمادى. سوندىقتان، الپينيستەردىڭ بىرەۋى تىزەرلەپ، ەكىنشىسى ونىڭ ارقاسىنا ءمىندى، ال ءۇشىنشىسى سول ەكەۋىنىڭ ۇستىنە شىعىپ، سوندا عانا شىڭ باسىنا جەتە الدى. وسىنشالىقتى ءقاۋىپتى ءىستى باقىلاپ تۇرعاندا نە سەزىنگەنىمدى سوزبەن ايتىپ جەتكىزۋدىڭ ءوزى قيىن».
تريدرانگار شامشىراعى يسلانديالىق جازۋشى يرسا سيگۋرداردوتتيردى ءوز ەلىندە بەستسەللەرگە اينالعان «Why Did you Lie؟» دەتەكتيۆتى رومانىن جازۋعا شابىتتاندىردى.
You Might Also Like
-
ق ر پرەزيدەنتى نۇرسۇلتان نازاربايەۆتىڭ قازاقستان حالقىنا ارنالعان بيىلعى جولداۋىنداعى 10 نەگىزگى مىندەتتىڭ ءبىرى ادام كاپيتالىن جاڭا ساپاسىنا ارنالعان.
-
ەرتە، ەرتە، ەرتەدە ءبىر حانزادا بولعان ەكەن، ونىڭ قايتسەم دە حانشاعا ۇيلەنەم دەگەن اسىل ارمانى بار كورىنەدى، تەك ناعىز حانشاعا. مىنە، ول سول سەبەپتى دۇنيەنىڭ ءتورت بۇرىشىن تۇگەل كەزىپ شىعادى، الايدا ...
