جەزدەگە قۇتتىقتاۋ، تىلەكتەر
ءقادىرلى جەزدە!
ءسىزدى بۇگىن الپىستىڭ تورىنەن، ابىرويدىڭ بيگىنەن كورىپ وتىرعانىمىزعا قۋانىشتىمىز. بۇل تورگە قالاي شىققانىڭىز، بيىككە قالاي كوتەرىلگەنىڭىز ءبىزدىڭ كوز الدىمىزدا، كوڭىلىمىزدە. ءسىزدىڭ قانشالىقتى اسقاق بولعان سايىن، سونشالىقتى بيازى كىسىلىك، كىشىلىلىك قاسيەتتەرىڭىزدى ەل الدىندا ۇنەمى ۇلگى ەتىپ ايتىپ جۇرەمىز، اعايىن ماقتان ەتىپ كەلەدى.
ادامدا ءۇش قۋانىش بولادى دەگەن حالىقتىڭ دانالىق ءسوزى بار. ولار – العىس الۋ، ءوزىڭدى كوپتىڭ ىزدەۋى جانە ءىسىڭنىڭ وشپەۋى ەكەن. بۇگىن ءبىز وسىنىڭ ءبارىن ءسىزدىڭ ءوز باسىڭىزدان، وتباسىڭىزدان، ورتاڭىزدان كورەمىز.
ءسىزدىڭ توڭىرەگىنە نۇرىن توگەتىن جارىق شامداي اشىق تا كوپشىل، باۋىرمالدىق قاسيەتتەرىڭىزدى ءبىز ۇنەمى سەزىنىپ كەلەمىز. مۇنى سىزبەن جاناسقان ءاربىر جاننىڭ سەزىنبەۋى مۇمكىن ەمەس دەپ ويلايمىن. ناق وسى مىنەز بايلىعى، پاراسات كەڭدىگى، قابىلەت قۇنارى ءسىزدى بۇگىنگى كۇنى تۋعان ەلدىڭ، وسكەن ورتانىڭ، ەڭبەكتەس ۇجىمنىڭ، ارىپتەستەرىڭىزدىڭ تەرەڭ دە زور قۇرمەتىنە بولەپ وتىر.
اپايىمىز مارتەبەلى قىزمەتتى تىڭعىلىقتى اتقارۋمەن قاتار ءسىزدىڭ بابىڭىزدى تابا بىلگەن جايلى مىنەزى، ەلگەزەكتىگى ءوز الدىنا بولەك اڭگىمە. سوندىقتان حالقىمىز ايتا بەرەر ءۇش بيىك: داڭق، داۋلەت، دانالىق توعىسقان، ەردىڭ جاسى الپىسقا كەلىپ تولىسقان شاعىڭىزدا شالقار تويىڭىزعا قۇتتى بولسىن ايتامىز، قۋانامىز.
اللا تاعالا وسى ابىرويىڭىزدان ايىرماسىن، ەلىم، وتانىم دەپ سوققان جۇرەگىڭىز قارتايماسىن. اپايىما ەكەۋىڭىز كوپكە جاساعان يگى ىستەرىڭىزدىڭ، بالالارعا جۇمساعان بەينەتتەرىڭىزدىڭ جەمىسىن كورە بەرىڭىزدەر.
قۇرمەتپەن، بالدىزىڭىز
*** *** *** ***
ازات، ءبىلال، باۋىرجان تاتۋ – ءتاتتى باجالار
بالدىز دەگەن جەزدەسىن، اكەسىندەي باعالار
قارىنداسىم قىزىم دەپ اعاسىنداي ايالار
جاقسى بولسا جەزدەلەر جازا بەرسەك تابىلار
ءبىزدى جازباي كەتتى كەيبىرەۋى ناز قىلار
تۇسىنسەڭدەر كۇيەۋلەر، اقىلعا سالىپ بارلىعىن
جامان كۇيەۋ شۋ قىلار،
اقىلدى كۇيەۋ انىقتاپ، جوق نارسەنى بار قىلار
تاتۋ – ءتاتتى تۋىسقان ءبارىن ويلاپ ار قىلار.
*** *** *** ***
ءبىراز بولدى اۋىلعا بارماعالى-اي،
دەنساۋلىعى جەزدەمنىڭ ءقازىر قالاي...
كۇلاش اپامنىڭ دەمدەگەن كۇرەڭ شايىن
ۇرتتاپ ءىشىپ جاتىر ما جانتايىپ-اي.
*** *** *** ***
You Might Also Like
-
BilimUstaz پەداگوگتەر قاۋىمداستىعى قىزمەتىنىڭ ماڭىزدى باعىتتارىنىڭ ءبىرى — پەداگوگتەردىڭ بىلىكتىلىگىن ارتتىرۋ. ول، نەگىزىنەن، بىلىكتىلىكتى ارتتىرۋ كۋرستارىن ۇيىمداستىرۋ جانە ۆەبينارلار وتكىزۋ ...
-
گەندەر قىزمەتى نەمەسە اسەرى دەگەنىمىز (ەكسپرەسسياسى) ول گەندەردىڭ ءوزىنىڭ قاسيەتىن باقىلاۋىن نەمەسە دالىرەك، بەلوكتاردىڭ سينتەزىن باقىلاۋىن ايتادى. گەندەردىڭ اسەرى ولاردىڭ فەنوتيپتىك كورىنۋ دەڭگەيى،...
