InfoHub Logo

BilimUstaz پەداگوگتەر قاۋىمداستىعى قىزمەتىنىڭ ماڭىزدى باعىتتارىنىڭ ءبىرى — پەداگوگتەردىڭ بىلىكتىلىگىن ارتتىرۋ. ول، نەگىزىنەن، بىلىكتىلىكتى ارتتىرۋ كۋرستارىن ۇيىمداستىرۋ جانە ۆەبينارلار وتكىزۋ ارقىلى جۇزەگە اسىرىلادى. پەداگوگتەر بىلىكتىلىگىن ارتتىرۋعا ارنالعان ونلاين-كۋرستار bilimustaz.kz پلاتفورماسىندا قازاق جانە ورىس تىلدەرىندە ۇسىنىلعان ءارى پەداگوگيكا مەن پەداگوگيكالىق تەحنولوگيالاردىڭ، مەكتەپ پسيحولوگياسىنىڭ جانە سيفرلىق رەسۋرستاردى قولدانا وتىرىپ وقىتۋدى ۇيىمداستىرۋدىڭ وزەكتى ماسەلەلەرىنە ارنالعان.

مىناداي وزەكتى تاقىرىپتار بويىنشا تەگىن كۋرستان وتۋگە بولادى:

●    ءبىلىم بەرۋدىڭ سيفرلىق ترانسفورماسياسى جاعدايىندا پەداگوگتىڭ زاماناۋي قۇزىرەتتەرىن قالىپتاستىرۋ؛      
●     پەداگوگتىڭ سيفرلىق ساۋاتتىلىعى: ءبىلىم بەرۋ پروسەسىنە ءتيىمدى سيفرلىق قۇرالداردى ەنگىزۋ؛     
●     سيفرلىق ساۋاتتىلىق؛  
●     باعالاۋ جانە رەفلەكسيا؛     
●     مۇعالىمدەرگە ارنالعان ادىستەمەلىك شەبەرحانا؛      
●     OnlineMektepء-تى قولدانىپ، قاشىقتان وقىتۋدى قالاي ۇيىمداستىرۋعا بولادى؟ (مۇعالىمدەرگە ارنالعان)؛   
●     OnlineMektepء-تى قولدانىپ، قاشىقتان وقىتۋدى قالاي ۇيىمداستىرۋعا بولادى؟ (وقۋشىلارعا ارنالعان)؛     
●     ادىستەمەلىك شەبەرحانا: مۇعالىمدەرگە ارنالعان تەوريا مەن تاجىريبە؛  
●     پەداگوگيكا نەگىزدەرى جانە وقىتۋ ادىستەمەلەرى؛     
●     ينكليۋزيۆتى ءبىلىم بەرۋگە كىرىسپە؛
●     Microsoft OneNote سىنىپتىڭ جازۋ كىتاپشاسىن قولدانىپ، تاپسىرمالار قۇراستىرۋ؛    
●     Microsoft Teams باعدارلاماسىمەن تانىسۋ؛
●     ۇيرەنۋدى ۇيرەنۋ؛
●     ەسسە قالاي جازىلادى؟

«پەداگوگتەردىڭ بىلىكتىلىگىن ارتتىرۋ كۋرستارىنىڭ ءبىلىم بەرۋ باعدارلامالارىن ازىرلەۋ، كەلىسۋ جانە بەكىتۋ قاعيدالارىن بەكىتۋ تۋرالى» ق ر بعم 2020 جىلعى 4 مامىرداعى № 175 بۇيرىعىنا سايكەس «ءبىلىم بەرۋدىڭ سيفرلىق ترانسفورماسياسى جاعدايىندا پەداگوگتىڭ زاماناۋي قۇزىرەتتەرىن قالىپتاستىرۋ» (اباي اتىنداعى قازۇپۋ ينفورماتيكا جانە ءبىلىمدى اقپاراتتاندىرۋ كافەدراسىمەن بىرلەسىپ ازىرلەنگەن) جانە «پەداگوگتىڭ سيفرلىق ساۋاتتىلىعى: ءبىلىم بەرۋ پروسەسىنە ءتيىمدى سيفرلىق قۇرالداردى ەنگىزۋ» باعدارلامالارى قازاقستان رەسپۋبليكاسى ءبىلىم جانە عىلىم مينيسترلىگى ساراپتاما كەڭەسىنىڭ ساراپتاماسىنان ءوتتى.

كۋرستاردى وتكەندە ءدارىس ماتەريالى، ۆيدەو، وقىعان تاقىرىپتاردى بەكىتۋگە ارنالعان جاتتىعۋلار، ءوز بەتىنشە وقۋعا ارنالعان ماتەريالدار، زەرتحانالىق جۇمىستار جانە ءار ساباقتان كەيىن ءوزىن-وزى باقىلاۋعا ارنالعان تەست تاپسىرمالارى بەرىلەدى. سونداي-اق پەداگوگتەرگە كۋرستان كەيىن دە قولداۋ كورسەتىلەدى. كۋرس قورىتىندى تەستىلەۋمەن اياقتالادى، ەگەر ودان ءساتتى وتسە، پەداگوگكە سەرتيفيكات الۋعا (اقىلى) مۇمكىندىك بەرىلەدى.
ونلاين-كۋرستار مەن ۆەبينارلار وندىرىستەن قول ۇزبەي-اق پەداگوگتىڭ بىلىكتىلىگىن ارتتىرۋعا جانە وزىنە ىڭعايلى ۋاقىتتا جانە ىڭعايلى جەردە وقۋعا  مۇمكىندىك بەرەدى.

BilimUstaz قاۋىمداستىعىنىڭ پەداگوگتەرىنە اقپاراتتىق قولداۋ كورسەتۋ ءۇشىن https://t.me/ustazbilimland تەلەگرامم-ارناسى ىسكە قوسىلدى. وندا مەكتەپتەگى ءبىلىم بەرۋ جۇيەسىنىڭ سوڭعى وزگەرىستەرى، سيفرلىق پەداگوگ ءۇشىن جاڭا مۇمكىندىكتەر، سونداي-اق رەسپۋبليكالىق ماڭىزى بار تەگىن بايقاۋلار مەن ۆەبينارلار تۋرالى اقپارات بەرىلەدى.

BilimUstaz اتتەستاتتاۋدان ءوتۋ كەزىندە مۇعالىمدەردى قولداۋ بويىنشا دا ۇلكەن جۇمىس اتقارادى. BilimLand ەكوجۇيەسىندە پەداگوگتىڭ ەلەكتروندىق پورتفوليوسىن قۇرۋ – وسى جۇمىستىڭ ءبىر باعىتى. پەداگوگ پورتفوليوسى – ءمۇعالىمنىڭ كاسىبي دەڭگەيىن كورسەتەتىن ماتەريالداردى بەكىتۋ مەن جيناقتاۋدىڭ سيفرلىق قۇرالى. سونداي-اق مۇعالىمدەرگە ارنالعان BilimUstaz –  كوممۋنيكاسيا جانە تاجىريبە الماسۋ الاڭى (ادىستەمەلىك ماتەريالدار، سيفرلىق ساباقتار كاتالوگتەرى، ءبولىمدى جانە توقساندى جيىنتىق باعالاۋ بويىنشا باقىلاۋ جۇمىستارى).

---