InfoHub Logo

ادامدار ىقىلىم زاماننان بەرى سۋ بەتىندە ساياحاتتاي باستادى. قازىرگى زەرتتەۋشىلەر تاريحتا ەجەلگى مىسىرلىقتاردىڭ سۋ بەتىندە ءجۇزىپ، كەمە قۇرىلىسىمەن تۇڭعىش بولىپ اينالىسا باستاعانىن ايتىپ وتىر.

ءبىزدىڭ زامانىمىزعا دەيىنگى شامامەن 5 مىڭ جىل بۇرىن پايدا بولعان كەمەلەر پاپيرۋستان جاسالعان. بۇل كەمەلەردىڭ سيپاتىن نورۆەگتىڭ تانىمال ساياحاتشىسى تۋر حەيەردالدىڭ را دەپ اتالاتىن پاپيرۋس قايىقتارىنا قاراپ وتىرىپ ەلەستەتۋگە بولادى، ساياحاتشى ونى ەجەلگى مىسىرلىقتاردىڭ كەمەلەرىنە قاراپ جاساعان. كەمەنى قۇراستىرۋ ءۇشىن پاپيرۋستى جيناپ بايلاپ، باسى مەن اياعىنا دەيىن قايىسا جالعاناتىن، مۇنىمەن قاتار، پاپيرۋستار تروستار اقىلى كەمە قاڭقاسىنىڭ ەنىنەن تارتىلاتىن. مىسىرلىقتاردىڭ كەمەسىندە ەسكەكپەن بىرگە جەلكەندەر دە بولعان. بۇل كەمەلەر نەگىزىنەن ءنىل وزەنىندە جۇزۋگە ارنالدى، ءبىراق ولار ودان دا ۇزاق ۋاقىتقا جۇزۋگە ارنالعان بولۋى دا مۇمكىن. را-2 كەمەسىمەن التانت مۇحيتىن كەسىپ وتكەن تۋر حەيەردال مىسىرلىقتاردىڭ كەمەسىنىڭ تەڭىزگە دە شىعا الاتىنىن كورسەتىپ بەردى.  

كەمە سوعۋ ىسىندە فينيكيالىقتار اسا شەبەر بولعان، ولار ءوز كەمەلەرىن ءوز ەلدەرىندە قالىڭ وسەتىن بالقاراعايدان جاساعان. فينيكسيالىقتار شپانگوۋتتى ويلاپ تاپقان دەسەدى، شپانگوۋتتار كەمەلەردىڭ قاڭقاسىن قاتتى ەتە ءتۇستى. زەرتتەۋشىلەردىڭ باسىم بولىگى فينيكيالىقتاردىڭ بۇل ونەرتابىستى كريت ارالىنىڭ كەمە سوعۋشىلارىنان الدى دەپ ەسەپتەيدى، بەلاعاشتى دا سولاردان كورگەن دەلىنەدى.

قالاي بولعاندا دا، ءبىزدىڭ زامانىمىزدان ءۇش مىڭ جىل بۇرىن كەمەلەر بۇگىنگە دەيىنگە ساقتالىپ كەلە جاتقان فورمادا جاسالا باستاعان. ولاردىڭ قاڭقاسى بەرىك شپانگوۋتتار مەن ۇزىنا بويى قاپتالاتىن سترينگەر كاركاستان جاسالا باستادى، ال كەمەنىڭ تۇراقتىلىعى بەلاعاش ارقىلى قامتاماسىز ەتىلدى. باستاپقى كەزدە بەلاعاشتى ەكى بورەنەنى بەلگىلى ءبىر بۇرىشىن بىرىكتىرۋ ارقىلى جاسالسا، بەلاعاشتىڭ قازىرگى قۇرىلىمى كەيىندەۋ شىعارىلدى. كەمەنىڭ دىڭگەگى مەن ءقارادۇرسىن جەلكەنى بولدى.

جەلكەننىڭ جەتىلدىرىلمەۋى ولاردىڭ تەك كومەكشى قۇرال رەتىندە تۇسىنىلگەنى بولسا كەرەك، وسىلايشا كەمەنىڭ نەگىزگى قوزعالتقىشى ەسكەك بولدى. كەمەنىڭ جىلدامدىعى ەسكەكشىلەردىڭ سانىنا تىكەلەي بايلانىستى بولدى. باستاپقىدا كوپ ەسكەكشىگە ارنالىپ، ۇزىن كەمەلەر سوعىلدى، كەيىن بولسا بەس دەڭگەيلى قاباتقا وتىرعىزا باستادى.

---