كەشەگى كۇندەي ءتۇستى بۇلت باسقان،
ەڭسەسى تومەن ءتۇسىپ ءالى قاشقان.
بۋلىعىپ تاماعىنا ىزالى ويلار،
كوزدەرى كورىنبەيدى تولعان جاستان.

نە عاجاپ: كەشە تولعان، بۇگىن سولعان،
باسىنا اۋىر داۋلەت قايعى قونعان.
تۇرعان جاس كوزدە تولىپ، ساۋلاپ كەتتى،
«ال، قوش!» دەپ ايىرعاندا قولدى قولدان.

ەلجىرەپ، ەرىپ، جانىپ جۇرەك، وكپە،
اۋىزدان بۇرقىراتار ءتۇتىن كوككە.
ول جەردىڭ قىلمىستارىن، تۇرمىستارىن
مىڭ جىلدا كەلتىرە المان سويلەپ ەپكە.

مەن سوندا ءجۇرىپ كەتتىم اياق ساناپ،
ارتىمنان ول مۇڭايىپ قالدى قاراپ.
ىلگەرى باسقان اياق كەيىن تارتىپ،
بۇ كۇندە مەنىڭ كوڭلىم الەپ-جالاپ.

---