كەزەكتەگى ىستەرىم
«ءبىزدىڭ تۇرمىس»
بىلتىردان بەرى «ءبىزدىڭ تۇرمىس» اتتى ءبىر رومان جازعان بولىپ ءجۇرمىن. ءبىراق، ونى ءالى دە قاداعالاپ وتىرىپ جازعانىم جوق. بۇل روماندى 3 ءتۇرلى ورتامەن بايلانىستىرىپ، سول 3 ءتۇرلى ورتانىڭ تۇرمىسىن (دۇرىس جاعىن دا، تەرىس جاعىن دا) جازباقپىن: ونىم: قالا، كولحوز، زاۋىت. ارينە، بۇل 3 ورتاداعى قوعامنىڭ بارلىق قىرتىستارىنىڭ تۇرمىستارىن تۇگەل سۋرەتتەي الام دەپ ويلامايمىن. ايتكەنمەن، تۇرمىستارى باياندالاتىن ادامدارىم قالا، كولحوز، زاۋىت بولمىستارىمەن بايلانىسادى.
«قىزىل ات»
«قىزىل ات» جازىلىپ، باسپاسوزدە جاريالاندى دا. ءبىراق ونىڭ سوڭعى ءبولىمى تۇگەل جازىلىپ جاريالانعان جوق. ەندى «قىزىل اتتىڭ» سول سوڭعى ءبولىمىن تۇگەلدەپ شىعارماقپىن.
«قىزىل اتتاعى» زور ماقساتىم:
1) ولكەلىك پارتيا كوميتەتىنىڭ (كرايكومنىڭ) جاڭا باسشىلىعىنىڭ دۇرىس لەنينشىل جولباسشىلىعىن ەڭبەكشى جۇرتقا كوركەم ءسوز ارقىلى جار قىلۋ.
2) قازاقستاننىڭ ومىرىندەگى كولىك رەتىندە ەڭ قيىن حالدە بولعان 1933-جىلعى جازعى ەگىسكە ەڭبەكشى تاپتىڭ بار كۇشىن قىزۋ تۇردە جۇمساۋعا شاقىرۋ ەدى.
3) سول 1933-جىلعى كۇش-كولىك رەتىندە كۇيسىز قالعا كەلتىرگەن تەك ەسكى باسشىلىقتىڭ عانا قاتە جول باسشىلىعى ەكەنىن كورسەتۋ ەدى.
«الباتروس»
«الباتروستىڭ» ءبىرىنشى ءبولىمى جاڭادا عانا باسپادان كەلدى. كىشكەنتاي كىتاپشا 14 ايدا تۇپتەۋسىز باسىلىپ شىقتى. 1932 جىلى وكتيابر مەيرامىنا ارنالعان ەدى. سول، 1932 جىلعى وكتيابر مەيرامىنا قارسى شىعارامىز دەپ قازاق باسپاسى اسىقتىرىپ الىپ ەدى. سونى 14 ايدان كەيىن شىعاردى. ەندى سول «الباتروستىڭ» 2- ءشى ءبولىمىن دايارلاماقپىن.
مىنە، ازىرشە، وسى 3 نارسەنى ايتسام. باسقاسى تاعى دا بولا جاتار.
1934 جىل
You Might Also Like
-
بيلەر داۋىرىنە كىرگىزىلگەن ادەبيەتتىڭ 2ء-شى بولىمىنە ەرتەدەگى باتىرلار جىرلارى مەن ەلدىڭ ىشكى تۇرمىسىن سۋرەتتەيتىن اڭگىمە-جىرلار كىرەدى. قازاق اتانعان ەلدىڭ اۋىز ادەبيەتىندە باتىرلار تۋرالى اڭگىمە-ج...
-
اقىن اقاننىڭ تۋعان جىلى 1843 جىل، ولگەن جىلى 1913 جىل. تۋىپ-وسكەن جەرى — كوكشەتاۋ. اقان سول كوكشەتاۋدى مەكەن قىلعان ورتا ءجۇز ارعىن، قاراۋىل قورامسا دەگەن كىسىنىڭ ۇلى. قورامسا باي بولعان، ساۋد...
