كىشىقۇم
مىڭ شاقىرىمداي جول ءجۇرىپ، كوشپەلى قازاق ەلىنىڭ شەل ساحاراسىن كوكتەي ەتىپ كەلگەن ماعان كىشىقۇمداعى اۋىلدار ونشا توسىرقارلىقتاي بولىپ كورىنبەدى: بەلەس-بەلەس قۇمدارى عانا بولماسا، قالپى دا، سالتى دا ءبىرىڭعاي، مال باققان بىتىراڭقى اۋىلدار ەكەن.
جەرىنىڭ ەرەكشەلىگى تەك قانا قىر ەمەس، بەلەس-بەلەس، قىزىلشاعىل قۇم بولادى ەكەن. سول قۇمداردىڭ كەڭ قويناۋلارىن جايلاعان شوعىر-شوعىر اۋىلدار. قۇم قويناۋىنىڭ شەبى شۇيگىڭ وتى مول بولادى ەكەن. قويناۋ تابانىنىڭ سۋى دا جاقىن كورىنەدى. جارتى مەتر قۇدىق قازساڭ، تۇپ-تۇنىق، ءموپ-مولدىر مۇزداي سۋىق سۋى شىعا كەلەدى.
جەرىنىڭ تاعى دا ءبىر وزگەشەلىگى — جازى ۇزاق، قىسى ءارى قىسقا، ءارى جىلى بولادى ەكەن. از جاۋعان قارى كوپ جاتپاي ەرىپ كەتىپ، تۇتەگەن بورانسىز، ىسقىرعان ايازسىز قارا سۋىق بولادى دا تۇرادى. قىسى بەينە ءبىزدىڭ جەردىڭ قوڭىر كۇزى سياقتى.
ەلىندە قىستاۋ بولمايدى. ەلى جازىندا دا، قىسىندا دا كيىز ۇيدە وتىرادى ەكەن. بىرەن-ساران بايلاردا عانا مالدىڭ تولىنە ارناپ سالىنعان كىرپىش ۇيلەر بولادى ەكەن.
كىشىقۇمدى جايلاعان ەل تولاعاي بولىسىنداعى مالدى اۋىلدار ەكەن. كىشىقۇمنىڭ قويناۋىنان ءۇيىر-ۇيىر جىلقى، قورا-قورا قوي ورەدى.
سونشالىقتى توڭكەرىلىپ جاتقان قىرۋار مالدىڭ جۇزدەن سەكسەنى بايلاردىكى. ءاربىر بايدىڭ ءۇيىنىڭ قاسىندا 15-20 قاراشا كيىز ۇيلەر وتىر. ءبارى دە بايلاردىڭ تەگىن مالشىلارى؛ ءبىرى قويشى، ءبىرى جىلقىشى، ءبىرى تۇيەشى، بايدىڭ مالىن جايىپ، سۋاراتىن دا سولار. بايدان الاتىن اقىسى جارتىمسىز ساۋىڭ بىرەن ساران ات مايى. ءبىراق باي، كەدەيگە ءبۇيىرىن شىعارۋ ءۇشىن ەمەكسىتەدى. قىتىمىر بايدىڭ تاستاعان سۇيەگى سورلىلاردىڭ ەكى ءبۇيىرىن ەمەس، ەكى كوزىن شىعارارداي ەدى. كىشىقۇمداعى مەنىڭ كورگەن اۋىلدارىمنىڭ تابيعي جانە الەۋمەتتىك جاعدايلارى وسىنداي ەدى.
You Might Also Like
-
مەن الدەنەشە ىلاۋ الماستىرىپ ساپار شەككەلى جەتى كۇندەي بولعان. ۇشى-قيىرى جوق، قۇلازىپ جاتقان مەڭىرەۋ دالامەن ءجۇرىپ كەلەمىن. وسى دالا ەلسىز جەرىندە «قۇس ۇشپاس، قۇلان جورتپاس» شەل ساحاراع...
-
مەكتەپتىڭ ەسىگىن قوندىرتىپ، ءىشىن سىلاتىپ، ەدەنىن تەگىستەتكىزدىم. تاقتا جاساتقىزدىم. ۇلكەن ءۇش دوڭگەلەك ۇستەل قويدىرعىزدىم (بالالاردى اينالدىرا وتىرعىزىپ وقىتۋ ءۇشىن). قابىرعالارعا ارىپتەر جازىلعان كە...
