كوللەدج تۇلەكتەرىن جۇمىسقا قابىلدايتىن ورتالىقتار اشىلدى
ەلوردالىق كاسىپكەرلەر پالاتاسى ءبىلىم جانە ەڭبەك پەن الەۋمەتتىك قورعاۋ باسقارمالارىمەن بىرلەسىپ، كوللەدج تۇلەكتەرىن جۇمىسپەن قامتۋدى جوسپارلاپ وتىر.
وسىعان بايلانىستى، بۇگىن «اتامەكەن» جۇمىسپەن قامتۋ ءموبيلدى ورتالىعىنىڭ مەنەدجەرلەرى تەحنيكالىق جانە كاسىپتىك ءبىلىم بەرەتىن ۇيىمدارعا كوشپەلى جۇمىسىن باستادى. ناتيجەسىندە نۇر-سۇلتان قالاسىنىڭ ونعا جۋىق كوللەدجىنىڭ تۇلەكتەرىنە وقۋدان كەيىن بىردەن جۇمىسقا ورنالاسۋ مۇمكىندىگى بەرىلىپ وتىر.
«ءبىز تۇلەكتەردىڭ ماماندىعى بويىنشا كوللەدج قاجەتتىلىكتەرىن جينادىق جانە ولارعا مىڭنان استام بوس جۇمىس ورنىن ازىرلەدىك. اقپان ايىندا 500-دەن استام كوللەدج تۇلەگى سىناق تاپسىرىپ، وقۋىن اياقتايدى. ولاردىڭ بىردەن جۇمىسقا ورنالاسۋى ءۇشىن قالاداعى 10 كوللەدجدە كوشپەلى جۇمىسپەن قامتۋ ورتالىقتارى جۇمىس ىستەيدى. ورتالىق ماماندارى ولاردى جۇمىسقا قابىلدايدى جانە تىركەيدى»، - دەدى نۇر-سۇلتان قالاسى كاسىپكەرلەر پالاتاسى ديرەكتورىنىڭ الەۋمەتتىك ماسەلەلەر جونىندەگى ورىنباسارى ايبولات ەسەنتەمىروۆ.
اتاپ ايتقاندا نۇر-سۇلتانداعى كوپبەيىندى كوللەدج، كولىك جانە كوممۋنيكاسيالار كوللەدجى، ەكونوميكا، تەحنولوگيا، ستاندارتتاۋ جانە ازىق ءوندىرۋ كوللەدجى، مەنەدجمەنت جانە بيزنەس كوللەدجى، قونايەۆ ۋنيۆەرسيتەتىنىڭ كوللەدجى، باسقارۋ كوللەدجى جانە قازاق تەحنولوگيا جانە بيزنەس ۋنيۆەرسيتەتى كوللەدجىنىڭ تۇلەكتەرى ءتۇرلى ماماندىق بويىنشا جۇمىس ىزدەي الادى.
«ستۋدەنتتەر ديزاينەردەن باستاپ، دانەكەرلەۋشى قىزمەتىنە دەيىن جۇمىسقا ورنالاسا الادى. ماسەلەن، ءىرى مۇناي كومپانيالارىنىڭ ءبىرى 20 بوس جۇمىس ورنىن ۇسىنىپ وتىر. وعان وقۋىن جاقسى اياقتاعان، ءوزىن جاقسى قىرىنان كورسەتە بىلگەن جاستاردى ىرىكتەپ الامىز»، - دەدى ا. ەسەنتەمىروۆ.
قازىرگى ۋاقىتتا كاسىپكەرلەر پالاتاسىندا جۇمىس بەرۋشىلەردىڭ وتىنىمدەرى بويىنشا بوس جۇمىس ورىندارىنىڭ بانكى قۇرىلدى.
سونداي-اق، بۇل بوس ورىنداردى Instagram جەلىسىڭدە @rabota.atameken پاراقشاسىنان كورۋگە بولادى.
You Might Also Like
-
ءبىر ساپار قاسىمدا ءىنىم قارپىش بار. 1956 جىلى جوسالىعا بارا قالدىق. ماشينادان تۇسە قالىپ، سويلەسىپ تۇرعان ءبىر ءۇش ايەلگە كەلىپ:
-
ەدىگە — ارعىن تايپاسىنىڭ سۇيىندىك اتاسىنان شىققان اتاقتى بي-شەشەن. فولكلورشى ماشھۇر ءجۇسىپ كوپەي ۇلىنىڭ جازۋىنا قاراعاندا ەدىگە تىپتەن 10-12 جاسىنان بيلىككە ارالاسقان ەستى بالا بوپتى. بۇعان ول...
