قازاقستاندىق ستۋدەنتتەردىڭ ستيپەندياسى 25% ارتتى
قازاقستاننىڭ جوعارى وقۋ ورىندارىندا 25% ارتتىرىلعان ستيپەنديا بەرىلە باستادى.
«ق ر پرەزيدەنتى ق. توقايەۆ جاستار جىلىنىڭ جابىلۋ سالتاناتىندا 2020 جىلدىڭ قاڭتارىنان باستاپ جوعارى وقۋ ورىندارى مەن كوللەدج ستۋدەنتتەرىنىڭ ستيپەندياسى 25% كوتەرىلەتىنىن مالىمدەدى. ق ر ءبىلىم جانە عىلىم مينيسترلىگى جەرگىلىكتى اتقارۋشى ورگاندارمەن بىرلەسە وتىرىپ، مەملەكەت باسشىسىنىڭ تاپسىرماسىن ورىنداۋ بويىنشا شارالار قابىلدادى. بۇگىندە ەلىمىزدىڭ 30-دان استام جوعارى وقۋ ورنى ستۋدەنتتەردىڭ ستيپەندياسىن 25% جوعارىلاتتى. جەرگىلىكتى اتقارۋشى ورگاندار تاراپىنان كوللەدج ستۋدەنتتەرىنە ستيپەنديا تولەنە باستادى. وسىلايشا، 179 مىڭ جوو ستۋدەنتى مەن 136 مىڭ كوللەدج ستۋدەنتى ستيپەندياسىنىڭ كولەمى ارتادى»، - دەدى ق ر ءبعم-نىڭ باسپا ءسوز قىزمەتىنەن.
ايتا كەتكەن ءجون، باكالاۆريات ستۋدەنتتەرىنىڭ ستيپەندياسى 20 949 تەڭگەدەن 26 186 تەڭگەگە دەيىن، ينتەرناتۋرا –37 945 تەڭگەدەن 47 431 تەڭگەگە دەيىن، ماگيستراتۋرا – 53530 تەڭگەدەن 66 913 تەڭگەگە دەيىن، دوكتورانتۋرا – 81 998 تەڭگەدەن 102 498 تەڭگەگە دەيىن ءوستى. كوللەدج ستۋدەنتتەرىنىڭ ستيپەندياسى 16 759 تەڭگەدەن 20 948 تەڭگەگە ارتتى.
You Might Also Like
-
قۇداي راحمەت قىلسىن! جاڭاباتىر بي كارتايعان كۇنىندە، ەل قىستاۋ-قىستاۋىندا وتىرعان مەزگىلىندە تۇيەلەرىن قايىرىپ، جيناستىرىپ جۇرسە، ءبىر بەساتتى كىسى ءبىرىن-بىرى قۋىسىپ، سابالاسىپ، ولاي-بۇلاي ۇيتقىپ شا...
-
ەسەنكەلدى قۇداينازار ۇلى — جوڭعار شاپقىنشىلىعى كەزىندە عۇمىر كەشكەن قازاقتىڭ بەلدى بيلەرىنىڭ ءبىرى. قازاق شەجىرەسىندە ەسەنكەلدى ءبيدىڭ ارعى تەگى بايدىبەك بابانىڭ ءۇشىنشى زايىبى دومالاق انادان تار...
