InfoHub Logo

مۇنداي پىكىرىن ول بۇگىن اتالعان جوعارى وقۋ ورنىندا وتكەن ونلاين-كورسەتىلىم ءدارىستى اياقتاي كەلە قالجىڭ تۇرىندە ءبىلدىردى.

كريستين لاگارد نازاربايەۆ ۋنيۆەرسيتەتى ستۋدەنتتەرىنە جاھاندىق جانە وڭىرلىك احۋال، سونىمەن بىرگە قازاقستان ءۇشىن سىن-قاتەرلەر مەن مۇمكىنشىلىكتەر تاقىرىبىندا ءدارىس وقىدى. ءدارىس سوڭىندا ول ستۋدەنتتەردىڭ ساۋالدارىنا جاۋاپ بەردى.

وسىدان كەيىن ءسوز العان شيگەو كاتسۋ مۇنىڭ ستۋدەنتتەردىڭ ۋنيۆەرسيتەتتىڭ بولاشاق پرەزيدەنتىنىڭ ءدارىسىن تىڭداعاندىقتارى دا بولۋى مۇمكىن ەكەندىگىن قالجىڭ رەتىندە ايتتى.

ايتا كەتەرلىگى، ك.لاگارد قازاقستانعا كەلگەنگە دەيىن «قازاقپارات» حالىقارالىق اقپارات اگەنتتىگىنە ەكسكليۋزيۆتى سۇحبات بەرگەن بولاتىن. 24 مامىردا قازاقستان پرەزيدەنتى استانا ەكونوميكالىق فورۋمى اياسىندا ەلىمىزگە حالىقارالىق ۆاليۋتا قورىنىڭ وڭىرلىك كونفەرەنسياسىنا قاتىسۋ ءۇشىن كەلەتىن حالىقارالىق ۆاليۋتا قورىنىڭ وكىمشى-ديرەكتورى كريستين لاگاردپەن كەزدەسۋ وتكىزەدى دەپ كۇتىلۋدە.

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسىمەن قۇرىلعان «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ  العا قويعان مىندەتى - قازاقستاننىڭ حالىقارالىق دەڭگەيدەگى تۇڭعىش زەرتتەۋ ۋنيۆەرسيتەتى بولۋ، سەبەبى ونىڭ قىزمەتى ەلدىڭ نەگىزگى باسىمدىقتارىنىڭ ىسكە اسىرىلۋىنا، ونىڭ ىشىندە زەرتتەۋ الەۋەتىنىڭ جەدەل قارقىنمەن وسۋىنە، ەلدىڭ يندۋستريالىق-يننوۆاسيالىق دامۋىنا، وزگەرىپ وتىراتىن جانە جاھاندىق ىقپالداستىرىلعان ەكونوميكا تالاپتارىنا ساي كەلەتىن ءبىلىم بەرۋگە كوشۋدىڭ قامتاماسىز ەتىلۋىنە بايلانىستى.

ۋنيۆەرسيتەتتەگى وقۋ پروسەسى حالىقارالىق ءبىلىم بەرۋ ستاندارتتارى نەگىزىندە قۇرىلعان، بۇل قازاقستان رەسپۋبليكاسى ءبىلىم جانە عىلىم جۇيەسىنىڭ قارقىندى دامۋىنا جانە الەمدىك دەڭگەيگە كوتەرىلۋىنە مۇمكىندىك بەرەدى. بۇل - قىزمەتى دەربەستىك جانە اكادەميالىق ەركىندىك قاعيداتتارىنا نەگىزدەلگەن قازاقستانداعى ەڭ العاشقى ۋنيۆەرسيتەت. ۋنيۆەرسيتەتكە دەربەستىك مارتەبەسى «نازاربايەۆ ۋنيۆەرسيتەتى»، «نازاربايەۆ زياتكەرلىك مەكتەپتەرى» جانە «نازاربايەۆ قورى» مارتەبەسى تۋرالى» قازاقستان رەسپۋبليكاسىنىڭ 2011 جىلعى 19 قاڭتارداعى زاڭىنا سايكەس بەرىلدى.