كۋا فۋدىڭ كۇندى قۋالاۋى
ەرتەدە سولتۇستىك ساحارادا ۇلكەن تاۋ بولىپتى. تاۋدىڭ ۇستىندە اۋليەنىڭ ۇرپاقتارى تۇراتىن. ولار ارعى دۇنيەنىڭ باستىعى ەدى. دۇنيەدەگى بارلىق زاتتار قاپ-قارا ەدى. مىسالى: قۇس، جىلان، جولبارىس، ارىستان جانە ت.ب. وسى كەزدە كۇزەتشى تۋ بo دەگەن ۇلكەن ادام ءومىر سۇرەتىن. ونىڭ باسى جولبارىستىكىندەي، ءۇش كوزدى، دەنەسى سيىردىكىندەي. بۇل وتە قورقىنىشتى ادام توزگىسىز جەر ەكەن.
تاۋدا الىپ ادامدار تۇرىپتى. ولار قۇلاقتارىنا ەكى جىلان ءىلىپ، ال قولدارىنا ەكى جىلان ۇستاپ جۇرەتىن ەدى. ولار سىرتتان قاراعاندا قورقىنىشتى بولعانىمەن، جۇرەكتەرى وتە مەيىرىمدى ەدى. سولاردىڭ اراسىندا كۋا فۋ دەگەن ادام ءومىر سۇرەتىن. ول ۇزاق ۋاقىت وسى قاراڭعى دۇنيەدە ءومىر سۇرگەندىكتەن كۇن جارىعىن قاتتى اڭسايتىن.
ءبىر كۇنى ول حالقىنا كۇندى قۋالاپ، ونى ۇستاپ الىپ، جەرگە جارىق پەن جىلۋدى ورناتۋعا ۋادە بەرەدى. ول كۇننىڭ شىعىستان شىققانىن كورىپ، كۇندى قۋالايدى. ول كۇندى قۋالاپ، جىجياڭنىڭ تايجوۋ دەگەن جەرىندەگى فۋفۋ دەگەن تاۋعا كەلەدى. ونىڭ سول تاۋدا ۇلكەن اياق ىزدەرى قالدى. كوپ ۇزاماي كۇن باتىسقا باتىپ بارا جاتادى. ول جەر بەتىندە جەلدەي زۋلاپ، مىڭ شاقىرىم جول جۇرەدى. ول حۋناننىڭ يۋان ءليىڭ دەگەن جەرىنە كەلگەن كەزدە قارنى اشىپ، ءۇش ۇلكەن تاستان وشاق جاساپ، تاماق ءپىسىرىپ جەيدى. كەيىن وسى ءۇش تاس ءۇش ۇلكەن تاۋعا اينالادى. ول گانسۋدىڭ شىعىس جاعىنداعى جيڭ چۋان اۋدانىنا كەلگەندە توبىعى اۋىرا باستايدى. اياق-كيىمىن شەشىپ، اياق-كيىمىنە كىرىپ كەتكەن ۇساق تاستاردى توگىپ تاستايدى. وسى تاستار كىشكەنە توبەشىككە اينالىپ، ونى ادامدار «جىن فۋ» دەپ اتاپ كەتەدى.
كۇندەر وتە كەلە كۋا فۋ قاتتى شارشايدى. ول ءبىر ۇلكەن اعاشتى جۇلىپ الىپ، تايانا كۇندى قۋالايدى. ول كۇننىڭ باتاتىن جەرىنە كەلىپ، كۇندى ۇستاپ الامىن دەپ ويلايدى. ءبىراق كۇن نۇرىنىڭ كۇشتىلىگى سونشا، كۋا فۋدىڭ باسىن اينالدىرىپ قاتتى شولدەتەدى. شولدەگەنى سونشالىق، ول حۋاڭ حىنىڭ سۋىن ءبىر ۇرتتاپ تاۋىسادى. كۋا فۋدىڭ ءشولى قانباي، ۋي وزەنىنە بارىپ، سول جاقتىڭ سۋىن ىشەدى، ءبىراق وعان دا ءشولى قانبايدى. ءسويتىپ، ول سولتۇستىككە بارىپ، شەنسيدىڭ ءۇان مىن گۋان دەگەن جەرىنە بارا جاتىپ، شارشاپ جەرگە قۇلاپ، مەرت بولادى.
كۋا فۋ مەرت بولعان سوڭ ونىڭ دەنەسى ءبىر ۇلكەن تاۋعا اينالادى. ادامدار بۇل تاۋدى «كۋا فۋ» دەپ اتايدى. ونىڭ ەتتەرى توپىراق قۇنارلىعىن ارتتىرادى. كۋا فۋدىڭ قولىندىعى تاياعى ۇلكەن شابدالى اعاشىنا اينالىپ، كەيىنگى ۇرپاقتارعا مول جەمىس بەرەدى.
كۋا فۋ ولگەنىمەن، ونىڭ رۋحى ولمەيدى. ونىڭ رۋحى اسپانداعى اۋليەگە بارادى. اۋليەلەر ونىڭ باتىرلىعىنا اسەرلەنىپ، قۇدىرەتتى كۇشپەن ءارۋاعىن كۇننىڭ ۇستىنە شىعارادى. كۋا فۋدىڭ دەنەسى وسى ارقىلى اسپانعا كوتەرىلىپ، كۇننىڭ ۇستىنە بارىپ، ول ءوزىنىڭ اڭساعان ارمانىنا جەتەدى.
You Might Also Like
-
وڭتۇستىك سۋن داۋىرىندە لينگ-ان قالاسىنىڭ چيانتاۋگۋاننىڭ تيانجۋ دەگەن جەردە ءبىر اعاش قولونەرشىسى دجاڭشۋو ءومىر ءسۇرىپتى. ول اناسىمەن جانە ايەلىمەن بىرگە ءومىر سۇرەدى ەكەن. ولار باي بولماسا دا، باقىتتى ع...
-
گۇي جوۋ ولكەسىنىڭ مياۋ ۇلتىنىڭ قونىستانعان اۋدانىندا ءبىر تۇپ-تۇنىق وزەن بار. بۇل وزەننىڭ سۋى نياپديا اعاشىنىڭ سارقىراماسىنا دەيىن وتە بيىكتەن، وتە قاتتى داۋىسپەن سارقىلداپ اعادى. كۇن سۋ بەتىنە تۇسك...
