InfoHub Logo

ەرتە زاماڭدا حۋاندي مەن ءيانديدىڭ اراسىندا بولعان ۇلكەن شايقاستا حۋاڭدي جەڭىسكە جەتىپ، اسپاننىڭ بيلىگىن ءوز قولىنا الادى. قايىرىمدى ياندي ءارى قاراي سوعىسقىسى كەلمەي، وڭتۇستىككە شەگىنىپ، كىشكەنە ءبىر جەردىڭ پاتشاسى بولادى.

ءيانديدىڭ شيڭ تيان دەگەن باتىر قولباسشىسى بولدى. ونىڭ كۇشى مىقتى، دەنەسى الىپ، مىنەزى تىك، سوعىسۋ ونەرى وتە پاراساتتى. ول بىرنەشە رەت حۋانديدەن ءوش الايىن دەپ يانديدەن وتىنەتىن. ءبىراق ياندي ۇنەمى باسىن شايقاپ، كەلىسپەيتىن. شيڭ تيان ەندى ءياندينىڭ ءوز ويىنان قايتپايتىنىن ءبىلىپ، ءوزى ارەكەت جاساۋعا بەل بۋدى. اقىرى نە بولسا دا، ول حۋانديمەن كۇرەسۋدى ارمان ەتەدى. سول قولىنا قالقان، وڭ قولىنا بالتا الىپ، حۋاندي ورداسىنا قاراي اتتانادى. جولدا وعان قارسى شىققان حۋاندي اسكەرىن تالقانداپ، حۋاندي ورداسىنىڭ قاقپاسىنا دەيىن باسىپ كىرەدى. حۋاندي بۇنى ەستىپ، اشۋلانىپ، قولىنا قىلىشتى الىپ، شيڭ تيانعا قاراي قارسى جۇگىرەدى. ەكەۋى ۇزاق ۋاقىت بويى كۇرەسىپ، بىرەسە شيڭ تيان، بىرەسە حۋاندي جەڭىلىپ تۇرادى. سوعىسىپ كەلىپ، ولار چاڭ يااڭ شان تاۋىنىڭ ماڭىنا دەيىن جەتەدى. اڭىز بويىنشا، بۇل تاۋ – ءيانديدىڭ تۋعان جەرى. ال ودان سولتۇستىككە قاراي جۇرسەڭ، ءحۋانديدىڭ وتارلانعان مەملەكەتىنە تاپ بولاسىن. سوعىس ءالى دە جالعاسا بەردى. ءبىر كەزدە حۋاندي شيڭ تياننىڭ قورعانباي قالعان كەزىن پايدالانىپ، ونى قىلىشىمەن شاۋىپ تاستايدى... شيڭ تياننىڭ ۇلكەن باسى جەرگە دومالاپ ءتۇسىپ، تاۋدىڭ ىشىنە قاراي دومالاپ كەتەدى. حۋاڭدي شيڭ تيان ءوز باسىن تاۋىپ الىپ، موينىنا قايتا جالعاپ، سوسىن مەنىمەن قايتا سوعىسادى دەگەن ۋايىممەن ءوزىنىڭ قىلىشىن قايتا قولىنا الىپ، چاڭ يااڭ شان تاۋىن ورتاسىنان شابادى. گۇرس ەتكەن دىبىس شىعىپ، تاۋ ەكىگە ءبولىنىپ كەتەدى. سوسىن چاڭ يااڭ شان تاۋى قايتا بىرىگىپ، قالپىنا كەلەدى. حۋاندي قارسىلاسىن جەڭە الماسا دا، ءوزىنىڭ رۋحىن جوعالتپادى.

ونىڭ قاجىماس-قايتپاس ەرلىگى بۇگىنگە ۇلگى. بۇل ەرلىكتى تاڭ زامانىنىڭ اتاقتى اقىن تاۋ يۋان ميڭ دا جىرلاعان ەدى.

---