كۇلە المايتىن ەكەۋ
بىردە جانۋارلار الەمىندە دۇركىرەگەن توي ءوتتى. كوپشىلىكتىڭ قۋانىشتى كۇيدە. تەك داستارحان شەتىندە وتىرعان ەكى شوشقا، قارسى الدىناعى قوناقتىڭ تۇرىنە قاراپ كوڭىل كۇيلەرىنىڭ ءراسۋاسى شىقتى. ول، ءپىل ەدى. ونىڭ پەيىلىندە ەش كۇمان جوق، سالتاناتتىڭ قۋانىشىمەن بولىسۋدە. ەكى اعايىندى بولسا، ونىڭ كۇشىنە دە، دەنەسىنە دە ەمەس، ونىڭ مۇرىنىنىڭ ۇزىندىعىن قىزعانىشپەن باقىلاۋدا. تىلەك كەزەگى ءۇي جانۋارلارىنا كەلدى. ەكەۋى تىلەكتەرىن جەتكىزە سالا تەز-تەز جينالىپ ءجۇرىپ كەتتى.
ءپىلدىڭ ۇيىنە باراتىن جولدا جۇگىرىپ كەلەدى. ويداعى نۇكتەگە جەتە «وسى جەر» دەپ، توقتاي قالىپ ءبىرى قازۋعا، ەكىنشىسى جاپىراق جيناپ كەلۋگە كەتتى. سول، سول ەكەن جولدىڭ بەتىندە كيتتى دە كۇللى دەنەسىمەن جۇتىپ قوياتىن كولەمدە ور دەسە ور پايدا بولدى.
ەندىگى ماسەلە سول جەردەن ەكىنشىسىن شىعارىپ الۋ بولدى. جوسپار بويىنشا، وردىڭ بەتىن جاۋىپ ءپىلدى سول جەرگە ءتۇسىرۋ. ول قۇلاعان سوڭ قايتا بەتىن تەگىستەپ كەتىپ قالۋ ەدى. ءبىراق، ءبارى جوسپار بويىنشا قالدى. ونىڭ ورىندالۋىنا وردىڭ كەرەمەت تەرەڭ قازىلعانى بوگەت بولدى. بىرى-ەكىنشىسىن شىعارۋ ءۇشىن قولىنا تۇسكەننىڭ ءبارىن جۇمسادى. ءبىراق، تارتام دەگەندە ەكىنشىسى ءوزى دە كۇمپ ەتىپ، اعاسىنىڭ قاسىنا قۇلاپ كەتتى.
ەكى شوشقا وردىڭ ىشىندە كۇن باتقانعا دەيىن جان-جاعىنان جاردەم شاقىرىپ، اقىرىندا ۇمىتتەرىن ۇزە باستادى. اقىر-سوڭى قازىلعان تۇزاق ىشىندەگى ەكەۋدى الدەكىم، ۇزىن مۇرىنىن ءتۇسىرىپ شىعارىپ الدى. ولار قۇتقارۋشىلارىن كورگەندە العىس ورىنىنا ودان ءارى ىزاعا بۇلىعىپ ۇيلەرىنە قاشىپ كەتتى.
كۇندەر وتە العىس حات كەلدى. اشىپ وقىسا: «اعايىندى ەكەۋ، كوپتەن بەرى شومىلاتىن ورىن قازعىم كەلىپ جۇرگەن، كوكەيىمدەگىنى تاپقاندارىڭا راقمەت. سەندەردى ۇيىمدە كورۋگە ءارقاشان قۋانىشتىمىن. قۇرمەتپەن ءپىل مامونت ۇلى». الدىنداعى ءبىر پاراق بەتتەن بار ىزالارىن الماق بولسا دا، اشۋ ىرقتارىنا كونبەي، تاعى دا ۇدەي باستادى. سول كۇننەن بەرى قاباقتارى ءتۇسىپ، ءاعالى-ىنىلى ولار كۇلە المايتىن بولدى.
You Might Also Like
-
كۇيەۋى كورشى بولمەدە تەلەفون بەتىنە قاراپ، اراسىندا «تىرق-تىرق» كۇلىپ قويادى. كەشكى تاماق قامىنا كىرىسەيىن دەسە، جاسىنان اسقان بالاسى ەتەگىنەن جابىسىپ مازاسىن قاشىرىپ قويمادى. ۇلىن قولىن...
-
كولىكتەر قاراڭعىلىق الەمىنىڭ مازاسىن قاشىرىپ، الىستان كوزدەرىن جارق ەتكىزىپ بىر-بىرىنە سالەمىن بەرىپ زىمىراۋدا. ولاردىڭ جارىقتارىنان كىرپىكتەرىنە ۇيقى ىلىنگەن تالعاتتىڭ كوزى ودان ءارى جۇمىلىپ، بۇكىل...
