مىسىق تىشقان اۋلاۋدى قويعاندا
جانۋارلار الەمىندە عالامشار كولەمىندە بولماعان وزگەرىس جۇزەگە استى. پاتشالىق ءۇي مىسىعىنىڭ قولىنا كوشتى. سول ەكەن، كوپ ۋاقىت وتپەي ءوز-وزىن قۇداي كوردى. بيلىگىن اسىرا پايدالانۋدى ۇيرەندى. ءوزىنىڭ ەسۋاستىعىمەن پاتشالىق اسپانىنداعى كۇندى بۇركەدى. بارلىعى شوشيتىن امىرلەرىنىڭ ءبىرى يت اتاۋلىنى جويۋ ەدى.
جەندەتتەر ۇكىم ورىنداماي قويادى ما، شەتىنەن ءبارىن قىرعىنعا ۇشىراتتى. سوڭعى يت قالعاندا ۇكىم شىعارۋشى ءوز كوزىمەن كورۋگە كەلەدى. الدىڭعى قاتارعا قاس دۇشپاندارى ۇستىنەن جەڭىسكە جەتكەنىنە ماسساتتانا، شىرەنە جايعاستى. ۇكىم جۇزەگە اسىرىلاتىن ساتتە، قارقىلداپ كۇلگەن ايۋاننىڭ اۋىزىنا ءيتتىڭ قانى شاشىراپ كەتتى.
سول كۇننەن ۇرى-قارىلار كوبەيدى. كوشەدەن شۇبىرعان ماس مىسىقتار ءتۇننىڭ مازاسىن قاشىردى. كەيبىر جانۋارلار ءبىر پوپۋياسيا ولگەن كۇنىنە لاعىنەت ايتسا، كەيبىرى قۋاندى. سەبەبى، سول كۇننەن بەرى باسشىلارىن ەشكىم كورمەدى. ول، سارايداعى بولمەسىنەن اتتاپ شىققان جوق. قىزمەتكەرلەرى ونىڭ قىڭسىلاعان داۋىسىن عانا ەسىتىپ ءجۇردى.
«اۋرۋعا شالدىعىپ قالعان شىعار» - دەگەن ويمەن ساراي دارىگەرى ەسىگىن ۇركە اشتى. تىلگە دە كەلە الماي دىرىلدەپ يت جاتىر. جۇرەگى ارتقا تارتىپ، «انا جولعى... سوڭعى ەمەس ەكەن»- دەۋگە زورعا ءتىلى كەلدى. سو زامات جەندەتتەر قاپتاپ، توسەك ۇستىندەگىن جانۋاردى ۇستاپ تۇرمەگە جاپتى. كۇللى پاتشالىقتىڭ تۇكپىر-تۇكپىرىنە شەيىن ىزدەۋ باستالدى. ناتيجە بەرگەن جوق. شەشىم شىعاراتىن باسشىسىز ول سول جەردە جان تاپسىردى.
ەل اراسىندا «ءامىرشى يتكە اينالىپتى»، «ونى تۇرمە ىشىنە كومۋ كەرەك ەدى»، «وزىنە دە سول كەرەك» دەگەن سىڭدى قاۋەسەت اڭگىمەلەر تولقىن ايداعان كوبىكتەي كوپىرە بەردى.
پاتشالىق تاعىنا ارىستان وتىردى. ءتاج كيگىزۋ راسىمىندە اسپانداعى بۇلتتار كەتىپ، پاتشالىق اسپانىنا كۇن شىقتى. ال، مىسىقتار تىشقان اۋلاعا كىرىستى.
You Might Also Like
-
ول — جالعاندا اداسىپ جۇرگەن پەندە مە، الدە ماقساتىنا جەتە الماعاننىڭ ءبىرى مە؟ كىم؟...
-
ءبىر كۇنى قارىنى جارىلارداي تويعان مىسىق، اس تارقاتۋ ءۇشىن كوشە بويلاپ قىدىرىپ كەلە جاتسا، جولىندا تەرىسى قابىرعالارىنا جەلىممەن جاپسىرىپ قويعانداي، اشتىقتان بۇرالعان ءيتتى كەزدەستىرىپ قالدى. ۇندەمەي ...
