كۇرەڭوت
كۇرەڭوت (يۆان-چاي، بوتانيچەسكوە نازۆانيە كيپرەي ۋزكوليستنىي، Epilobium angustifolium) — بيىكتىگى 2 مەترگە دەيىن جەتەتىن، كوپ جىلدىق، ءشوپ تەكتەس وسىمدىك. جاپىراقتارى ۇزىنشا، كەزەكتەسىپ ورنالاسقان. ساباعى تىك وسەدى، گۇلدەرى قىزىل، كەيدە اق ءتۇستى ۇزىن، ماساق تارىزدەنىپ شوعىرلانىپ تۇرادى. جەمىسى - ۇزىنشا كەلگەن جىڭىشكە قاۋاشاق، ىشىندە كوپتەگەن داندەرى بار.
تاۋ بەتكەيلەرىندەگى شابىندىقتاردا وسەدى. دارىلىك ماقسات ءۇشىن وسىمدىكتىڭ جاپىراعىن جينايدى. قۇرامىندا حەروفيللين دەگەن الكالويد، يلىك زاتتار، س ءۆيتامينى بار. بۇدان جاسالعان دارىلەردىڭ نەرۆ جۇيەسىن تىنىشتاندىراتىن، قابىنۋعا قارسى اسەر ەتەتىن قاسيەتتەرى بار. م.ن.بارينانوۆتىڭ مالىمەتتەرىنە قاراعاندا، سالىستىرىلعان 50 وسىمدىكتىڭ ىشىندە كۇرەڭوت قابىنۋعا قارسى اسەر ەگۋى جاعىنان ءبىرىنشى ورىن الادى. حالىق مەديسيناسىندا اسقازانعا جارا تۇسكەندە، باس اۋىرعاندا، ىشەك قابىنعاندا بۇل وسىمدىكتى شاي رەتىندە دەمدەپ ىشەدى.
ءدارىنى دايىنداۋ جانە قولدانۋ ءتاسىلى
15 گرامم وسىمدىكتى 1 ستاكان كايناپ تۇرعان سۋعا سالىپ، 20 مينۋت تۇندىرادى دا، 1 اس قاسىقتان كۇنىنە 3 رەت تاماق الدىندا ىشەدى.
You Might Also Like
-
قازاقستاندا قايىڭنىڭ 15 ءتۇرى وسەدى. سونىڭ ءبىرى — قوتىر قايىڭ. ول — بيىكتىگى 20 مەترگە دەيىن جەتەتىن تەگىس، جىلتىر اق قابىقتى اعاش. قابىعىندا كولدەنەڭ قارا سىزىقتارى بار. بۇتاقتارى ءجىڭىش...
-
بۋنگە كيىكوتى، رايحان (زيزيفورا بۋنگە، لات. Ziziphora bungeana) بيىكتىگى 40 سانتيمەترگە دەيىن جەتەتىن، كوپ جىلدىق، جارتىلاي بۇتالى وسىمدىك. بۇتاقتارىپ سۇر ءتۇستى، تومەن سالبىراعان قىسقا، ءبىراق قالىڭ...
