InfoHub Logo

ءلايلا-ماجنۇن وتكەن زاماڭداعى اراب ادەبيەتىنىڭ داۋىرلەپ تۇرعان كەزىندە شىققان بەلگىلى ءبىر سۇلۋ داستانى سانالادى. بۇل داستان دۇنيە جۇزىندەگى مادەنيەتتى ەلدەردىڭ كوبىنىڭ تىلدەرىنە اۋدارىلعان بەلگىلى جىر. قازاق اراسىندا دا «ءلايلا-ماجنۇننىڭ» اتى كەپ جايىلعان. قازاق ەلىنىڭ ادەبيەتىندە اۋىز اڭگىمەلەرىندە «ءلايلا-ماجنۇن»، «جان قۇربان»، «كىرسىز» عاشىقتىققا ۇلگى، مىسال بولعان نارسە. بىر-ەكى ادامنىڭ عاشىقتىعىن اڭگىمە قىلعاندا «ءلايلا-ماجنۇن» سياقتى دەپ اڭىز قىلىساتىن.

سول داۋىرلەپ تۇرعان كەزىندەگى اراب ەلىنىڭ باي ادەبيەتىنىڭ ىشىندەگى «ءلايلا-ماجنۇن» ەڭ سۇلۋ، ەڭ كوركەم قۇرىلعان، ۇشقىر قيالدى، نازىك سىرشىلدىقپەن ايتىلعان ءىرى داستان. سوندىقتان دا اراب ادەبيەتىن تەكسەرۋشىلەردىڭ كەزىنە الدىمەن تۇسەتىن نارسەلەردىڭ ءبىرى وسى «ءلايلا-ماجنۇن» بولاتىن. «ءلايلا-ماجنۇن» سياقتى شىعارمالار دۇنيە جۇزىندەگى مادەنيەتتى ەلدەردىڭ ەسكى ادەبيەتتەرىندە بىرەن-ساران عانا كەزدەسەدى.

ءبىز دۇنيە جۇزىندەگى مادەنيەتتى ەلدەردىڭ بەلگىلى ادەبيەت شىعارمالارىنىڭ بارىمەن تانىسۋىمىز كەرەك. ونىڭ ىشىندە، قازاق اراسىندا عاشىقتىققا ۇلگى، مىسال بولعان «ءلايلا-ماجنۇن» داستانىمەن دە تانىسۋىمىز كەرەك. ەسكىلىكتى زەرتتەپ تەكسەرگەندە «ءلايلا-ماجنۇن» سياقتى ءبىر بەلگىلى ءداۋىردىڭ قيالىن، نانىمىن، تىلەگىن، وي-ورىستەرىن، جان-سەزىمدەرىن، تۇرمىسىن سۋرەتتەيتىن نارسە ۇلكەن دەرەك بولادى. سوندىقتان «ءلايلا-ماجنۇننىڭ» قازاقشاسىنىڭ كىتاپ بولىپ شىققانىن دۇرىس كوردىك.

داستاندى قازاقشا ولەڭگە اۋدارعان بەلگىلى اقىن شاكارىم قۇدايبەردى ۇلى.

1935 جىل

---