لەنين ءھام ويانىپ كەلە جاتقان كۇنشىعىس
لەنين ءولدى دەگەن حابار بۇكىل دۇنيە ەڭبەكشىلەرىنىڭ توبەسىنەن جايداي اعىپ ءتۇستى: ونىڭ بەر جاعىندا بۇرىن ەزىلگەن، ەندى ويانىپ كەلە جاتقان كۇنشىعىستىڭ توبەسىنە دالىرەك ءتۇستى.
شىعىستىڭ ءتۇرلى حالىقتارىنىڭ وتكەن زامانداردا تالاي ۇلى ادامدارى، دانىشپاندارى، پايعامبارلارى، قاھارماندارى بولعان؛ ول ادامدارىنان ايرىلىپ تا جۇرگەن. ءبىراق ول ۇلى ادامدار تەك بip حالىققا عانا، دۇرىسىنان ايتقاندا، ءبىر حالىقتىڭ اۋقاتتى تاپتارىنا عانا قىمبات ەدى.
لەنين — شىعىستىڭ بارلىق حالىقتارىنا قىمبات. بۇلاردىڭ ىشىندە لەنين — دانىشپاننىڭ دانىشپانى، كوزى قىراعى پايعامبار، ۇزدىك تۋعان قاھارمان.
توڭكەرىس تارتىسىنىڭ، جالشىلار توبى قۇرالدانىپ كوتەرىلۋىنىڭ ەڭبەكشىلدەر اكىمىنىڭ تۇتقاسى، جيھانگەرلىك تەگەۋىرىندە ەزىلگەندەردىڭ قورعانى شىعىس حالىقتارىنىڭ كوزىندە — لەنين ەدى.
ءبۇتىن شىعىستا، داليعان جالپاق شولدەردە لەنين اتىن بىلمەيتىن ءبىر ءۇي، ءبىر لاشىق جوق ەدى. سول ۇيلەر مەن لاشىقتار «سۇيىكتى باسشىسى دۇنيەدەن قايتتى» دەگەن حاباردى ەستىگەندە قالىڭ قايعىعا باتادى...
ۇلى كوشباسشىمىزدىڭ، دانىشپان ۇستازىمىزدىڭ سۇيەگى باسىندا قۇرمەتتى قاراۋىلدا تۇرعانىمدا جۇڭگو ىشىڭدەگى ءبىر قازاق ايەلىنىڭ مۇڭدى ولەڭى مەن زارى ەسىمە ءتۇستى. ول ولەڭدى لەنين جولداسقا ارناعان ەكەن. ولەڭ 1922 جىلى قازاق گازەتىندە باسىلىپ شىقتى.
ولەڭ بىلاي باستالادى:
كورسەڭدەر جولداس لەنيندى،
ايتىڭدار مىناۋ ولەڭدى.
ولەڭىم قايعى-زار مەنىڭ،
كۇندىكتە وسكەن ايەلمىن.
شىعىستىڭ سورلى ايەلى، لەنين ولگەنىن سەن دە ەستىرسىڭ!
سۇيىكتى ۇستازىمىز سۇيەگىنىڭ جانىندا تۇرىپ مەن قازاق ايەلىنىڭ وسى قايعىلى ولەڭىن مارقۇمعا ويىممەن جەتكىزدىم.
جۇرەگىمدى قايعى-دەرت باسىپ، ۇلى ۇستاز، سەنىڭ سۇيەگىنە باس ءيىپ، سالەم قىلامىن!
1924 جىل
You Might Also Like
-
1918 جىلى ءسىبىردىڭ بايشىلدارى، پاتشاشىلدارى تۋلاپ كەڭەس ۇكىمەتىنە قارسى شابۋىل جاساعان كەزدە، اقمولا قالاسىندا ۋەزنوي سوۆەتتىڭ چلەنى عابدوللا اسىلبەك بالاسى وزگەلەرىمىزبەن بىرگە جاۋىزداردىڭ قولىنا ...
-
كوممۋنيست پارتياسىنىڭ جالپىرەسەيلىك 12ء-شى جيىلىسىنىڭ ۇلت ماسەلەسىن دۇرىس شەشۋگە جول-جوبالار بەلگىلەنگەندە ىستەگەن قارالارىنىڭ ءبىرى: «بۇرىنعى كەمدىكتە بولعان ۋاق ۇلتتاردىڭ رەسپۋبليكالارىندا، م...
