تاۋەلسىزدىككە 30 جىل
بيىلعى، 2021 جىل ەلىمىزدىڭ تاۋەلسىزدىگىنە 30 جىل تولادى. بۇل ءبىزدىڭ اتا-بابالارىمىز ارمانداعان ماڭىزدى كۇن. تاريح ءۇشىن 30 جىل بۇل تەز ءوتىپ كەتەتىن ۋاقىت بولسا، كوپتەگەن حالىقتار ءۇشىن بۇل قيىندىقتار مەن قۋانىشتاردىڭ، داعدارىستار مەن كوتەرىلىستەردىڭ ءداۋىرى بولۋى مۇمكىن. ءبىز وسى جولمەن ءجۇرىپ وتتىك. قازاق حالقىنىڭ تاريحىندا كوتەرىلىستەر مەن قۇلدىراۋ، جەڭىستەر مەن جەڭىلىستەر از بولعان جوق.
ءبىز تاۋەلسىز مەملەكەت رەتىندە قالىپتاسقان جاس مەملەكەت بولىپ سانالعانىمىزبەن، تاريحى تەرەڭدە جاتقانى ءمالىم. بۇگىندە حالقىمىز تىنىش بەيبىت ءومىر ءسۇرىپ وتىرعانى حالىقتى قۋانتادى. سوندىقتان دا ءبىز دوستىق پەن بەيبىتشىلىكتى قادىرلەۋدى ۇيرەنۋىمىز كەرەك. قازاقستاندىقتاردىڭ ءوزارا تاتۋلىق پەن كەلىسىمدە، تولەرانتتىلىق جاعدايىندا بولۋى كەلەشەك ۇرپاق ءۇشىن ۇلكەن باقىت.
ءبىزدىڭ وتانىمىزدىڭ ەكى ەلورداسى بار، باي ءارى قۋاتتى دەرجاۆا، ياعني ەلىمىزدىڭ سولتۇستىگىندە - زاماناۋي نۇر-سۇلتان قالاسى، ال وڭتۇستىگىندە – اسەم الماتى قالاسى ورنالاسقان.
قازاقستان دامۋدىڭ جاڭا جولىنا ءتۇسىپ، حالىقتىڭ بوستاندىعىنىڭ سان عاسىرلىق ارماندارىن جۇزەگە اسىردى. قازىردە حالقىمىز ءوز مادەنيەتىن، ءتىلىن، ءدىنى مەن ءداستۇرىن ءارى قاراي دامىتۋعا مۇمكىندىك الدى. ەلىمىزدىڭ ءاربىر ازاماتى ەل تاۋەلسىزدىگىن ماقتان ەتەدى. ەلىمىزدىڭ تاۋەلسىزدىگى - ءۇش ءجۇز جىلعا ۇزىلگەن ۇلتتىق بوستاندىقتى قالپىنا كەلتىرگەن قازاق حالقىنىڭ ەڭ قاسيەتتى يەلىگى ەكەنى بەلگىلى. ءبىزدىڭ پارىزىمىز - رەسپۋبليكامىزدىڭ تۋىن، ەلتاڭباسىن جانە ءانۇرانىن باعالاۋ جانە قۇرمەتتەۋ. مەملەكەتتىك رامىزدەرىمىز ارقىلى ءبىز ءبىرتۇتاس اجىراماس وتباسى مۇشەسى ەكەنىمىزدى سەزىنەمىز. بۇكىل الەم ءبىزدى رامىزدەر نىشاندارى ارقىلى تانيدى. قازاقستاننىڭ ەڭ باستى بايلىعى - ۇزاق جىلدار بويى جەر بەتىندە سالتانات قۇرىپ وتىرعان بەيبىتشىلىك ەكەنى ءمالىم. ەلىمىزدە مەكەندەگەن كوپتەگەن ۇلتتار مەن حالىقتاردىڭ ءوز ءتىلى، ءسالت-داستۇرى، ادەت-عۇرپى بار. سوندىقتان دا بارلىق ۇلتتار مەن حالىقتىڭ وكىلدەرىن دوستىق پەن تۇسىنىستىك بىرىكتىرەدى. ەلباسى ن.نازاربايەۆتىڭ «قازاقستان حالقى اسسامبلەياسىن» قۇرۋ يدەياسى وتە ۋاقتىلى ءارى دانا بولعان دەپ سانايمىن. مۇنداي ينستيتۋتتاردىڭ كۇش-جىگەرىنىڭ ارقاسىندا قازاقستاندا تۇراتىن بارلىق ۇلت وكىلدەرى وزدەرىن جايلى جانە ءقاۋىپسىز سەزىنەدى. ۇلتارالىق كەلىسىمنىڭ بۇل بىرەگەي مودەلى ەلىمىزدىڭ ەكونوميكالىق تابىستارىنىڭ قوزعاۋشى كۇشىنە، الەۋمەتتىك، ساياسي جانە مادەني مىندەتتەردى شەشۋدىڭ ىرگەتاسىنا اينالدى.
ەلباسى كەڭەس داۋىرىندە السىرەپ، وتپەلى كەزەڭدە دامۋىن توقتاتقان ەكونوميكانى نىعايتىپ، قازاقستاندى الەمدىك قوعامداستىق قۇرمەتتەيتىن مەملەكەتكە اينالدىردى. ول ۇلتتىق بايلىقتىڭ قالىپتاسۋىنا، كەڭەستىك قۋدالاۋ مەن ايىرۋ جىلدارىندا تۋعان جەرلەرىنەن الىس كەتۋگە ءماجبۇر بولعان مىڭداعان وتانداستاردىڭ تاريحي وتانىنا ورالۋىنا جاعداي جاسادى. ۇلتتىق رۋحتىڭ، ۇلتتىق سانا-سەزىمنىڭ، ەلباسىنىڭ ساليقالى ساياساتىنىڭ جاندانۋىنىڭ ارقاسىندا ەلدە ءوز حالقى مەن وتانىنا جانقيارلىقپەن قىزمەت ەتۋگە دايىن جاستاردىڭ جاڭا بۋىنى ءوستى. ۇلت كوشباسشىسى ن. نازاربايەۆ: «مەنىڭ وتانداستارىمنىڭ قامقورلىعى مەن قايعىسى - مەنىڭ تاعدىرىم. قانداي بولماسىن، مەن ءبارىن ەلمەن بىرگە وتكىزەمىن، ءبىز بىرگە جەڭەمىز». ەلباسى جاستاردى شابىتتاندىرادى، پاتريوتتىق سەزىمدى وياتادى. دەگەنمەن، وتىز جىل ىشىندە ەل وزگەردى، حالىقتىڭ تۇرمىسى جاقساردى. ەل تاعدىرى سىڭعا تۇسكەن شاقتا ەل بولىپ بىرىگىپ، بۇكىل الەمدى الاڭداتقان پاندەميانى جەڭىپ شىعۋ ءوز قولىمىزدا. بولاشاقتا ەلىمىزدىڭ وركەندەپ دامۋىنا، ارى قاراي جىلجۋىمىز ءۇشىن ءبىلىمدى، بەلسەندى قوعام قاجەت. ەلىمىزدىڭ كەلەشەگى جاستاردىڭ قولىندا، سوندىقتان جاقسى ءبىلىم الىپ، حالقىمىز ءۇشىن ادال قىزمەت ەتەمىن.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
د.س.جۇمامۇرات ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1 كۋرس ستۋدەنتى
You Might Also Like
-
ايەلى كىشى قىزىنا جۇكتى كەزىندە ارىستانبەك «وسى جولى ۇل بولار» دەپ قاتتى دامەلەندى.
