مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتىمىن. ارماندار ورىندالادى
ارمانسىز ادام قاناتسىز قۇسپەن تەڭ. بۇل ومىردە بارلىق ادام ارماندايدى. مەن دە ارماندادىم. مەن مەكتەپ وقىپ جۇرگەن شاقتارىمنان جۋرناليست بولۋدى ارماندادىم. تەلەديداردى كوپ كوردىم، ونداعى باعدارلامالاردى تاماشالاي وتىرىپ، تەلەجۇرگىزۋشى ماماندىعىنا قىزىقتىم. سول كەزدەردەن باستاپ ىنتام اشىلىپ، جۋرناليست بولعىم كەلەتىنىن ءتۇسىندىم. ءسويتىپ الدىما ماقسات قويدىم. سول ماقساتقا جەتۋ جولىندا جۇمىستار اتقاردىم. ىلعي دا ويىمداعىنىڭ بارلىعىن قالامنىڭ ۇشىمەن اق پاراق بەتىنە تۇسىرەتىنمىن، ولەڭ شىعارىپ، شىعارمالار جازاتىنمىن. بۇل مەنىڭ ارمانىما جەتەر جولىمنىڭ باستاماسى ەدى. كەلەسى قادام مەكتەپتى ءبىتىرىپ، ءوزىم قالاعان ءال-فارابي اتىنداعى قازاق ۇلتتىق ۋنيۆەرسيتەتىنە وقىعا ءتۇسۋ بولاتىن. سول ماقساتپەن كوپ وقىپ، تالپىندىم. ءسويتىپ مەكتەپتى دە امان-ەسەن ءبىتىرىپ، ارمان قۋىپ الماتى قالاسىنا كەلدىم. شىعارماشىلىق ەمتيحانداردى ويداعىداي تاپسىرىپ، ارمانىمنىڭ وشاعى بولعان ءال-فارابي اتىنداعى قازاق ۇلتتىق ۋنيۆەرسيتەتىنە وقۋعا ءتۇستىم. قازىرگى تاڭدا وسى ۋنيۆەرسيتەتتىڭ جۋرناليستيكا فاكۋلتەتىنىڭ 1 كۋرس ستۋدەنتىمىن. سول ءۇشىن دە مەن باقىتتىمىن. بولاشاقتا جۋرنالسيت بولامىن دەگەن ماقساتتا ساپالى ءبىلىم الىپ جاتىرمىن. العان ءبىلىمىدى ۇشتاستىرىپ، شىڭداپ، بولاشاقتا ءوز ماماندىعىمنىڭ شەبەرى بولاتىنىما سەنەمىن.
ءار ادام الدىنا ماقسات قويا ءبىلۋ كەرەك، ارمانداۋ كەرەك، ارمانداۋدان قورىقپاۋ قاجەت. سول ماقسات پەن ارمانعا جەتۋ جولىندا ايانباي كۇرەسە بىلگەن ادام عانا بيىك شىڭداردى باعىندىرا الادى. ارمانداڭىزدار، ارماندار ورىندالادى. تەك وعان سەنۋ كەرەك، تالپىنۋ قاجەت.
ماقالا اۆتورى: كاديروۆا روزا
جەتەكشىسى: قۇرمانبايەۆا الماگۇل ءالي قىزى
You Might Also Like
-
وڭتۇستىك قازاقستان وبلىسى شاردارا اۋدانى №16 كوللەدج مكقك ورىنداعان: ق-46 توپ ستۋدەنتى تاستانبەك باعداۋلەت تۋرسىنبەك ۇلى جەتەكشىسى: پارمانكۋلوۆ كانات جاكسىمبەكوۆيچ
-
زامان وزگەرگەن سايىن زامان تالابىنا ساي قوعامنىڭ بارلىق سالاسى وزگەرىستەرگە ۇشىراپ، جاڭارىپ، دامىپ، جەتىلىپ وتىرادى. سول سەكىلدى ەلىمىزدىڭ ءبىلىم بەرۋ سالاسىنا دا سوڭعى جىلدارى كوپتەگەن وزگەرى...
