مەن كورگەن امىرە
ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ III كۋرس ستۋدەنتى ابايەۆا اقتىلەك
امىرەنىڭ ارۋاعى ءبىر سىلكىنگەن شىعار....
ءفيلمدى مۋزىكا قۇتقارعان عوي. شىركىن، مۋزىكانىڭ قۇدىرەتى دەيسىڭ. پروفەسسيونال تۇسىرگەنى كورىنىپ-اق تۇر. تەك كىمدى تۇسىرگەنىن تۇسىنبەگەن عوي، قايران! قازاقيانىڭ قانىنداعى قاسيەتتى ءجىتى تۇسىنە الماعان رەجيسسەر دجەفف ۆەسپا ونى قايدان ءبىلسىن؟!
مۇستافا تۋرالى "باسقاشا" وي قالىپتاستىرعان. سونىڭ كەسىرىنەن امىرەگە تاياقتىڭ ۇشى ءتيدى. شوقايمەن كەزدەسپەگەندە عوي دەپ قالاسىڭ. فرانسۋجەنكامەن بولعان سەناعا ءسوزىم جوق، وعان تىپتەن توقتالعىم دا كەلمەيدى.
سانجار ءبىر ومىرگە قۇلشىنىس جوق، اسپاننان تۇسكەن، ەموسيادان جۇردايعا جاقىندايتىن امىرەنى ويناپ شىعىپتى. ءبىراق كيگەن كيىم سىپتاي بوپ جاراسا كەتىپ، كەلبەتىمەن تالاي اكتوردى شەتتە قالدىرعان. تەك ءسال سال-سەرىگە ءتان سەرىلىكتى قاجەت ەتتى.
ءان ايتقاندا داۋىس سانجاردىكى ەمەس ەكەنى بايقالادى. امىرەنىڭ ۆوكالدىق داۋىسىن سومداعان سەرجان مۇسايىننىڭ داۋىسىنا ەرەم دەگەن اكتور بار شەبەرلىگىن سالعانىمەن ىلەسىپ، شىڭىنا جەتكىزە المادى. دەسە دە دومبىرانى ۇيرەنىپ، ءوزى شەرتىپ تۇرعانىنا العىس.
بۇل ەل تاريحىنداعى گولليۆۋد پەن قازاق فيلم بىرلەسە تۇسىرگەن تۇڭعىش تۋىندى. ارينە، گولليۆۋدتىق سارىن بايقالادى.
مادەنيەت ءمينيسترى ارىستانبەك مۇحامدي ۇلى اتالمىش كينونىڭ تانىستىرىلىمىندا: " فيلم ەلىمىزدىڭ اۋديتورياسىنا ەمەس، شەتەلدىك كورەرمەندەر ءۇشىن تۇسىرىلگەن" دەگەن ەدى. شەتەلدىك كورەرمەنگە ارنالعانىمەن بۇل ءبىزدىڭ تاريح ەدى عوي!
قورىتىندىلايتىن بولسام، مۋزىكانى جانىنداي جاقسى كورەتىن جان رەتىندە ايتارىم، فيلمدە مەنى مۋزىكا "ۇستاپ" وتىردى. اسىرەسە، لەونيد سوبينوۆ جانە جورج ءتيلدىڭ داۋىستارى.
ايتپاقشى، 1925 جىلى بۇل كىسىلەر امىرەمەن سايىسقا تۇسپەگەن. ميعا سىيىمسىز دۇنيەنى رەجيسسەر كوركەمدىك ءۇشىن قولدانعان عوي، ءقايتسىن. مەن كورگەن "امىرە" وسىنداي ەندى...
You Might Also Like
-
بالا — بۇل اكە-شەشەنىڭ پەرزەنتى، ۇرپاعى. ال ەڭبەك — ادامنىڭ ايانباي تەر توگىپ ارەكەت ەتۋىنىڭ ناتيجەسىنەن بولاتىن ادال اقى.
-
كوكشەتاۋدا «قازاقستان» دەگەن سوۆحوزدا تۇراتىن مەيىربان ۇلى ءىلياس اقساقال ءبىرجان تۋرالى اڭگىمەسىن بىلايشا باستايدى:
