قايعى جولى نەمەسە اتىراۋ-استراحان تاس جولى
ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ III كۋرس ستۋدەنتى سارگۋبەنوۆا شولپان
ەۋروپا مەن ازيانى، رەسەي مەن قازاقستاندى، ەدىل مەن جايىق بويىندا ورنالاسقان، قازاق ەلىنە ءمالىم اتىراۋ-استراحان جولىنىڭ جاعدايى قاشاندا نازار اۋدارتادى.
اتىراۋ-استراحان تاس جولىنىڭ جالپى ۇزىندىعى — 277 شاقىرىمدى قۇرايدى. 30 جىلدان بەرى تاس جول جوندەۋ كورمەگەن. جول وتە تار، تاكسيگە وتىرىپ وسى ەكى ەلدىڭ شەكەراسىنداعى جولمەن جۇرسەڭىز شۇڭقىردان كوز اشپايسىز. اجال قۇشقان وسى تاس جولدىڭ بىرنەشە شاقىرىمدارى قانشاما ادامنىڭ ءومىرىن قيدى. 2018 جىلدىڭ وتكەن ايلارىندا ورىن العان جول اپاتتارىندا — 7 ادام قازا تاۋىپ، 10 زارداپ شەككەن .
جول — بۇل كۇتىمدى قاجەت ەتەتىن جانە وعان قاراپ، ەلدىڭ جالپى ءال-اۋقاتى تۋرالى قورىتىندى جاساۋعا بولاتىن كەز كەلگەن مەملەكەتتىڭ ءبىرىنشى ايناسى .
اتىراۋ-استراحان تاس جولىنىڭ بويىمەن ءوتىپ بارا جاتىپ، سوعىس بولىپ نەمەسە بومبا جارىلعان جەر دەرسىز. جولدار تار، ۇڭىرەيگەن شۇڭقىرلار. وسى تاس جولمەن جۇرگەن ءاربىر بەسىنشى جەڭىل اۆتوكولىكتىڭ دوڭگەلەگى جارىلادى. ال كورشىلەس رەسەي مەملەكەتىنە جولعا شىقساڭىز، قازاقستاندىق كەدەننەن وتكەن كەزدە عانا الدىڭىزدان تەپ-تەگىس اسفالت شىعادى.
ەكى مەملەكەت بىر-بىرىنە ەتەنە جاقىن ورنالاسسا دا، جولدارى ەكى ءتۇرلى، ءتىپتى سالىستىرۋعا كەلمەيدى. راسىمەن دە جول مۇراتى — جەتۋ دەگەندەي، سوڭعى نۇكتەگە جەتكەنشە، شارشاپ، ۇنەمى ماشينا قۇلاپ كەتەدى-اۋ، نەمەسە قارسى شىعىپ قالاما دەپ ويلايسىڭ. ءتىپتى باسقا قالالاردان كەلگەن قوناقتار وسى تاس جول تۋرالى ەستىسە قورقىنىشتى سەزىمدە بولادى. نەگە دەيسىز عوي؟ سەبەبى كولىكتى وسى جول ارقىلى جاڭا كولىكتى "ءولتىرۋ" ابدەن مۇمكىن عوي. مۇنايلى ولكە اتىراۋ قازاقستاننىڭ باي، ەكونوميكاسى دامىعان، الدىڭعى قاتارلى قالالاردىڭ ءبىرى. ەكى قۇرلىق پەن ەكى ەلدى بايلانىستىراتىن تاس جولىن جوندەۋ جوباسى اعىمداعى جىلدىڭ قىركۇيەك ايىنان باستاۋ الدى.
ءقازىر العاشقى 60 كيلومەتردىڭ قۇرىلىسى جۇرگىزىلۋدە. جوسپار بويىنشا جول ەكى جىل ىشىندە اياقتالۋى ءتيىس.
تاس جولدىڭ اتىراۋدان رەسەيمەن شەكاراعا دەيىنگى ۇزىندىعى 277 شاقىرىمدى قۇرايدى. جول قۇرىلىسىندا 500-دەن استام ادام قىزمەت ەتۋدە. بۇگىنگى كۇنى "قايعى-جولى" دەپ اتالعان جولدىڭ، جوندەۋدەن كەيىن ءوز قالپىنا كەلىپ ەڭ تەگىس جولدىڭ بىرىنە اينالاتىنىنا سەنىمدىمىن.
You Might Also Like
-
مۇباراك جامانبالينوۆتىڭ ولەڭدەرىن كەزىندە «بالدىرعان» جۋرنالىنان، ءوزىنىڭ كىتاپتارىنان وقىپ وستىك. ول كىسىنىڭ ولەڭدەرىنىڭ بالالار انتولوگياسىنا كىرگەنىن دە جاقسى بىلەمىز.
-
«تاراز-بولاشاق» مەديسينالىق كوللەدجىنىڭ وقىتۋشىسى ايدابولوۆا فاريزا ەركينوۆنا
