مەنىڭ اجەم
قوستاناي وبلىسى، رۋدنىي قالاسى
№19 ورتا مەكتەبىنىڭ
3 «ب» سىنىپ وقۋشىسى: جۇماش ارسەن مادي ۇلى
جەتەكشىسى: احبەرگەنوۆا ماريا تۋلەس قىزى
كەز-كەلگەن بالانىڭ جاقسى كورىپ، قۇرمەتتەيتىن اجەسى بولادى. مەنىڭ دە اجەم بار. ونىڭ ءاتى-جونى مۋحامبەتوۆا اقكەنجە. ەڭ قىزىعى اجەمنىڭ ەكى ەسىمى بار. شىن اتى - تاڭسىق. اكە-شەشەسىنىڭ ەركە قىزى بولعان سوڭ اقكەنجە دەپ اتاعان ەكەن. اجەم ءوز اتىنا ساي ادام. وتە اجارلى، مىنەزگە باي، اقجارقىن.
ول مەنى كىشكەنتايىمنان ءوسىرىپ باعىپ كەلەدى. جاسى 75-تەن اسسا دا انام مەن اكەم جۇمىستا بولعان سوڭ، مەنى ساباققا دايىنداپ، شىعارىپ سالادى. ول قارىنداسىم جانارعا دا قارايلايدى. ءبىزدى قاتتى جاقسى كورەدى. كۇن سايىن تاتتىلەر الىپ بەرىپ ەركەلەتەدى.
ول مەن ءۇشىن ومىردەگى ەڭ قىمبات جان. ونىڭ دايىنداعان سۇتكە قوسىلعان كۇرىشى ءتىل ۇيىرەدى. ءتاپ-تاتتى. قايتا-قايتا جەي بەرگىڭ كەلەدى. اجەمە سول ۇشىندە ريزامىن.
جىلدان-جىلعا اجەم قارتايىپ بارا جاتقان سياقتى. شاشى اعارعان. كوپ جۇرسە قاتتى شارشاپ قالادى. مەن اجەمە كوپ اۋىرتپالىق تۇسىرمەۋگە تىرىسامىن. ساباعىمدى جاقسى وقيمىن. بوس ۋاقىتىمدا قازاق اقىندارىنىڭ ولەڭدەرىن جاتتايمىن. اجەم مەنىڭ العاشقى تىڭداۋشىم. ول قاتەلىگىمدى تۇزەپ، ماقتاپ وتىرادى.
اق اجەم كۇن سايىن اقىل–كەڭەس ايتۋدان شارشامايدى. ۇنەمى: «ساباعىڭدى جاقسى وقى. وقىعان ادام عانا ءوز ارمان-ماقساتىنا جەتە الادى. جالقاۋ بولما، ەڭبەكشىل بول. وتىرىك ايتپا. قيانات جاساما». بولاشاقتا اجەمنىڭ ايتقانىن ورىنداۋعا تىرىسامىن.
بۇل ومىردەگى ۇلكەن ارمانىم اجەمنىڭ دەنساۋلىعى مىقتى بولىپ، جانىمدا جۇرە بەرسە ەكەن. مەن ءوز اجەممەن ماقتانامىن.
You Might Also Like
-
ادام تەكتەس مايمىلدار وزگە جانۋار الەمىنەن ءارقاشان بولەكتەنىپ تۇرادى. بىزگە ۇقساس، ولار قاشان دا عالىمدار مەن زەرتتۋشىلەردىڭ اقىلىن العان. مايمىلدارعا جۇرگىزىلگەن كوپتەگەن تاجىريبەلەردىڭ اراسىندا ن...
