مەنىڭ ناعاشىم
مەنىڭ ناعاشىم باۋىرجان باباجان ۇلى 1969جىلى 21 اقپاندا قارقالپاقستان رەسپۋبليكاسى قوڭىرات اۋدانى «لەنينيزم» دەگەن اۋىلدا دۇنيەگە كەلدى.اكەسى باباجان اۋىلدا زووتەحنيك،اناسى قاراپايىم جۇمىسشى.ۇلكەن اعاسى،وزىنەن كەيىن ءىنىسى جانە ەكى اپاسى ،ءبىر قارىنداسى بار. جاستايىنان جىر تىڭداپ،ولەڭ جازىپ ادەبيەتكە قىزىققان 1986 جىلى مەكتەپ ءبىتىرىپ ارمان قالا الماتىعا باردى.ءبىراق سول جىلى تۇسە الماي ،اۋىلىنا ءقايتىپ كەلەدى. ءوزى تۇراتىن اۋىلىندا سوۆحوزعا قاراپايىم جۇمىسشى بولىپ ىستەيدى. 1987جىلى قايتا وقۋعا بارادى ءبىراق تۇسە الماي كۇزدە اسكەر قاتارىنا قوسىلادى.سونىمەن 1990 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيولوگيا فاكۋلتەتىنە وقۋعا تۇسەدى. وسى ستۋدەنت كەزىندە اناسىن قاتتى ساعىنسا كەرەك، «اۋىلعا حات» دەگەن ولەڭى تۋىندايدى
اي، كۇنگە ۇلىن بالاعان،
ارمانى بيىك، ەڭسەلى،
جانىمنىڭ نۇرى-جان انام،
ساعىنىپ ءجۇرمىن مەن سەنى.
بەسىنگىن اردىڭ تەربەدىڭ،
سانانىڭ كوزىن جارىق قىپ.
جۇتاڭداۋ،جارلى دۇنيەنى،
قاناعاتىڭمەن قارىق قىپ.
بۇل ولەڭ سول ستۋدەنت شاعىندا قازىرگى تىلمەن ايتقاندا «حيت» بولدى.قازىرگى ۋاقىتتا بۇل ولەڭدى تاحمينا اشىمبەكوۆا ايتىپ ءجۇر تەك تاقىرىبىن وزگەرتىپ «جان انام» دەپ ايتىپ ءجۇر. اتالعان وقۋ ورنىن 1995 جىلى اياقتاپ،مۇحتار اۋەزوۆ اتىنداعى ادەبيەت جانە ونەر ينستۋتىندا كىشى عىلىمي قىزمەتكەر، رەسپۋبليكالىق «جالىن» جۋرنالىندا، «انا ءتىلى » جالىن بىرلەسكەن باسىلىمدارىندا ءبولىم مەڭگەرۋشىسى «التىن وردا» گازەتىندە باس رەداكتوردىڭ ورىنباسارى بولىپ قىزمەت اتقاردى.1996 جىلى وتباسىن قۇردى.قازىرگى تاڭدا ەكى قىز،ءبىر ۇل تاربيەلەپ وتىر.قازىرگى ۋاقىتتا ۇلى بەكسۇلتان الماتىدا ۋنيۆەرسيتەتتە،قىزى اسەل نۇر-سۇلتان قالاسىندا ۋنيۆەرسيتەتتە،كىشى قىزى اقبوتا 11 سىنىپ وقيدى.ناعاشىم اقتوبەگە 2000 جىلى كەلدى.بيىل ناعاشىم مەرەيلى 50 جاسقا تولدى.مەندە ناعاشىمدى قۇتتىقۇتاپ باردىم.مەن اقتوبەگە بارعان سايىن سالەم بەرىپ شىعامىن.وسى بەگىمسۇلۋ جيەنىم بولماسا دەپ ءماز بولىپ قالادى.50 جىلدىق كەشى ت.احتانوۆ اتىنداعى وبلىستىق دراما تەاترىندا «تاڭىرىمە ءبىر ۋادە بەرىپ ەم» اتتى كەشى ءوتتى.وعان ءبىر قاتار قازاقستانداعى قالامگەر اعالارى،ءوزىنىڭ دوستارى،كۋرستاستارى قاتىستى.الماتىدان كەلگەن جازۋشى تەمىرحان مەدەتپەكوۆ وسى مەنىڭ ناعاشىممەن كۋرستاس،قاتارلاس. دوستارىن كەزىندە بۇلاردى «التىن كوپىرشىكتەر»دەپ باعا بەرگەن.سول بۋىننىڭ باسىندا باۋىرجان باباجان ۇلى تۇر دەپ ايتتى.اقىن تۋرالى جىلى لەبىزدەر ءبىلدىردى.وسى كەشكە اقىن تولەگەن ايبەرگەنوۆتىڭ قىزى سالتانات ايبەرگەنوۆا دا قاتىستى.كەشتە ءان ايتىلدى،ولەڭدەر وقىلدى كەش قىزىقتى ءوتتى.سونىمەن قاتار اقىن ءبىر قاتار جەتىستىكتەرگە دە جەتتى.2003 جىلى التىنشى حالىقارالىق «شابىت» فەستيۆالىنىڭ «ادەبيەت» نوميناسياسى بويىنشا باس جۇلدەسىن ، «ق ر» كونسۋلتاسياسىنا 10 جىل، «ق ر» تاۋەلسىزدىگىنە 10 جىل مەدەلدارىنىڭ يەگەرى. قازىرگى ۋاقىتتا ناعاشىم وبلىستىق «اقتوبە» گازەتىنىڭ باس رەداكتورى بولىپ جۇمىس ىستەيدى.مەن وسى سايىسقا ماقالا جازاردا ءتۇرلى تاقىرىپتارردا جازۋدى ويلادىم. ءبىراق، ويلانا كەلە، ءوزىمنىڭ ناعاشىم تۋرالى جازۋدى ۇيعاردىم.
اقتوبە وبلىسى حرومتاۋ اۋدانى
تاسوتكەل ورتا مەكتەبىنىڭ 9 سىنىپ وقۋشىسى ەلۋتاي بەگىمسۇلۋ
You Might Also Like
-
بىردە بەس-التى جىگىت جولاۋشىلاپ كەلە جاتىپ، جولدا ءبىر ۇيگە توقتايدى. ءۇي يەسى ولاردى جاقسى قارسى الىپ، اتتارىنا جەم سالىپ، وزدەرىنە ەت اسادى. سودان اناۋ-مىناۋ شارۋاسىن جايعاپ كەلگەن سوڭ ءوزى دە اسقا ...
