ءومىر قۇندىلىقتارى
ءومىر – تەڭىز، تاعدىر – كەمە، ال كەمەڭ سۋعا باتپاس ءۇشىن ءوزىڭ كاپيتان بولۋىڭ كەرەك.
حالىق ناقىلى
ءومىر – ءاربىر ادام بالاسى ءۇشىن ءبىر رەت بەرىلەتىن سىناق. ءومىر – ءسۇرۋ بارىنە بىردەي بەرىلگەن مۇمكىندىك. حالىق اراسىندا «ومىرگە ادام بولىپ كەلۋ – اللادان، ال ومىردەن ادام بولىپ ءوتۋ – ادامنان» دەگەن تۇجىرىم بار. سوندىقتان ءاربىر ادامنىڭ ءومىرىنىڭ ءماندى بولۋى تىكەلەي وزىنە بايلانىستى. ءبىراق ، وكىنىشكە وراي كەيبىر ادامدار ءوز ومىرلەرىن باعالاي بىلمەيدى.
ءومىر، ەڭ الدىمەنەن ءوز وتباسىمەن قۇندى. وزىڭىزگە جاقىن: ەركەلەتەر مەيىرىمدى – اناڭىز بولسا، اسقارتاۋداي ارقا سۇيەر – اكەڭىز بولسا، ءوز وسيەتىمەن ءجون سىلتەر – اتاڭىز بولسا، رۋحاني ادامگەرشىلىك تاربيەمەن سۋسىنداتاتىن ەرتەگىشىل – اجەڭىز بولسا، ءاردايىم قول ۇشىن بەرەر جاناشىر – باۋىرلارىڭىز بولسا، - بۇل ومىردە ءسىز ەڭ باقىتتى جانسىز. سەبەبى،كەي ادامدار مەن بالالار ۇيىندەگى بالالار وتباسىنىڭ جىلۋلىعىن سەزبەي دە ، بىلمەي دە ءوسىپ كەلەدى.
ءومىر - جان-جاعىمىزعا جاقسىلىق جاساپ، قۋانىش سىيلاۋمەنەن قۇندى. «سىيلىق العاننان گورى، سىيلىقتى وزگەگە بەرگەن جاقسى» دەمەكشى، بۇل ومىردە جاقسىلىق جاساعان سايىن ول وزىڭە اللادان ەكى ەسە بولىپ قايتادى. بۇل ارقىلى ءبىز ءومىر – بۋمەرانگ ەكەنىن تۇسىنەمىز. ايگىلى پسيحولوگ ۆيكتور فرانكل دا ءومىر ءمانىن وسىلاي تۇسىندىرەدى.
ءومىر - ءار شۋاق شاشقان كۇنىمىزبەن قۇندى. ەل اراسىندا «ءبىر كۇنىم ءوتتى دەگەنشە، ءومىرىمنىڭ ءبىر ءساتى ءوتتى دەسەيشى» دەگەن ءسوز بار ەمەس پە؟! سوندىقتان ءار مينۋتىمىز، ءتىپتى ءار سەكۋندىمىز ءبىز ءۇشىن باعا جەتپەس قۇندى بايلىق.
ءومىر - ءبىز ءوسىپ كەلە جاتقان تابيعاتىمىزبەن، تىنىش بەيبىت ومىرىمىزبەن قۇندى. قورشاعان ورتا – ءبىزدىڭ ەكىنشى ءۇيىمىز، انامىز! تابيعات ءبىزدىڭ انامىز دەگەندەي ، ءبىز، سول تابيعاتتىڭ بەرگەن نارىنەن قۋات الىپ ءوسىپ كەلەمىز.
ءومىر - ءبىز جاساپ جۇرگەن يگى ىستەرىمىزبەن قۇندى. ءاربىر ىس-ارەكەتىمىز – ءبىزدىڭ بولمىسىمىز. ول ءبىزدىڭ جۇرەگىمىزبەن تىعىز بايلانىستا. جۇرەك ەشقاشان الدامايدى. سەبەبى ءابىش كەكىلبايەۆ «جۇرەك – اقيقاتتىڭ مەكەنى» دەپ ءدال ايتقان.
ءومىر - ءبىزدىڭ سۇيىسپەنشىلىگىمىزبەن جانە ريزاشىلىعىمىزبەن قۇندى. ءبىز ءاربىر اتقان تاڭىمىزعا، ءاربىر قۋانىشتى ساتىمىزگە العىس ايتۋىمىز قاجەت. قۋانىشتى ساتتەرىمىز، ومىردەگى باقىتتى كەزدەرىمىز جادىمىزدان وشپەسى انىق. ويتكەنى ول ءبىزدىڭ ومىرىمىزدەگى قۇندى ەستەلىكتەرىمىز. سوندىقتان ءاربىر ءىستى سۇيىسپەنشىلىكپەن جانە جاۋاپكەرشىلىكپەن جاساۋىمىز قاجەت. سوندا عانا ءاربىر جاساعان ءىسىمىز ءساتتى بولىپ ، ناتيجەلى بولماق.
ءومىر - ۇلكەن ومىردە ءاربىرىمىز ءوز ورنىمىزدى قاتەلەسپەي انىقتاپ، تابا بىلۋىمىزبەن قۇندى. ياعني ءبىز مەكتەپتە العان ءبىلىمىزدى جوعارى وقۋ ورنىندا جالعاستىرىپ، وزىمىزگە تيەسىلى ماماندىقتى مەڭگەرۋ. سول ماماندىقتى اتقارۋدا تانىمىزبەن سەزىنىپ ءلاززات الا بىلسەك، حالقىمىزعا ادال قىزمەت جاساساق، - مىنە ناعىز ءومىرىمىزدىڭ شىنايى قۇندى ءمانى بولماق.
ءومىر - اباي قۇنانبايەۆ: «ادامزاتتىڭ ءبارىن ءسۇي باۋىرىم دەپ!» دەپ ايتقانىنداي ، بىر-بىرىمىزگە دەگەن شەكسىز مەيىرىمىزبەن قۇندى. سەبەبى جۇرەگى مەيىرىمگە تولى ادام ەشقاشان قيانات جاسامايدى.
ءومىر - ءبىزدىڭ ءومىر ءسۇرىپ جاتقانىمىزبەن قۇندى. بۇل ومىردە ءبىزدىڭ بار بولعانىمىزدىڭ ءوزى سىيلىق، ءارى باقىت ەمەس پە؟! ناق وسى ساتتە مەن وسى ەسسەنى جازىپ وتىرمىن. مىنە، ناعىز باقىتتى ءساتتىڭ كورىنىسى ەكەنى، ول –اقيقات!
قورىتىندىلاي كەلە، مەن ءومىردىڭ اششىسى مەن تۇششىسىن كوتەرە ءبىلۋ – كەيبىر دامدارعا قيىن سوعاتىنىن ءتۇسىندىم. ءومىرىمىزدى ءماندى ەتۋ –ول ءاربىرىمىزدىڭ قولىمىزدا. سوندىقتان: اقىلدى بولعىڭ كەلە مە - ءوزىڭدى جانە وزگەلەردى ءتۇسىنۋدى ۇيرەن.
سۇيىكتى بولعىڭ كەلە مە - ءوزىڭدى جانە وزگەلەردى جاقسى كورۋدى ۇيرەن.
سەنى باعالاعانىن قالايسىڭ با - ءوزىڭنىڭ جانە وزگەلەردىڭ ەڭبەگىن باعالاپ ۇيرەن.
داۋلەتتى بولعىڭ كەلە مە - قولىڭدا بارعا قاناعات ەت.
ەركىن بولعىڭ كەلە مە - وزىڭە كەرەك ەمەس ادامداردى جىبەرۋدى ۇيرەن، - دەگىم كەلەدى. سول ءۇشىن ءومىرىمىزدى باعالاي بىلەيىك! ءومىرىمىزدى مەيلىنشە ءتۇرلى - ءتۇستى بوياۋمەن بوياپ، جان - جاعىمىزعا نۇرىمىزدى توگە جۇرەيىك!
ۋميرزاق ءمولدىر جانىبەك قىزى
№52 م. وزتۇرىك اتىنداعى جالپى ورتا مەكتەپتىڭ 9-سىنىپ وقۋشىسى
You Might Also Like
-
ەرتەدە حالقىنا قايىرىمدى ءبىر حان بولىپتى. حالقىنا قايىرىمدى بولعان سوڭ، حانعا توڭىرەگىندەگىلەر دە قۇرمەتپەن قارايدى ەكەن.
-
ابىلاي حان، وتەگەن باتىر ۇلىتاۋدىڭ بوكتەرىندە اڭ اۋلاپ ءجۇرىپ، ءبىر سايعا كەلىپ از-كەم ايالداپ، دەمالۋعا وتىرادى. قاپىسىز وتىرعان حان مەن باتىردىڭ ۇستىنە جاۋدىڭ قالىڭ قولى كەزدەيسوق تاپ بولىپ، ەكەۋىن ...
