مەنىڭ تاڭداۋىم - قازۇۋ
جوعارعى وقۋ ورىندارى جايىندا ءسوز قوزعالسا، مەكتەپ ءبىتىرۋشى تۇلەك بولىپ جۇرگەن ۋاقىتىم ەسىمە تۇسەدى. ۇبت. ماماندىق تاڭداۋ. ءپان تاڭداۋ. تاڭداپ تۇرعان ماماندىعىڭ ۇناسا، ونىڭ تاڭداۋ پاندەرى نەمەسە تاڭداۋ پاندەرى ۇناسا ول پاندەردىڭ ماماندىقتارى كوڭىلدەن شىقپاي، قانداي تاڭداۋ جاسارىڭدى بىلمەي، اينالاڭنان قولداۋ كۇتىپ، ىشتەي تورىعىپ جۇرەتىن ۋاقىت. ءبىراق مەنىڭ تاڭداۋىم ناقتى استانا قالاسىنداعى ەۆرازيا ۇلتتىق ۋنيۆەرسيتەتى بولاتىن.
نەگە ەكەنىن بىلمەيمىن ەلوردامىزدىڭ تورىندە ورنالاسقان ۋنيۆەرسيتەت دەگەن اتى مەنى باۋراپ العان بولار دەپ ويلايمىن قازىرگى ۋاقىتتا. سەبەبى مەن ءوزىم شىمكەنت قالاسىنىڭ تۋماسى بولعاندىقتان، جازى ىستىق، قىسى وتە جايلى مەكەندە وسكەندىكتەن سۋىق اۋا رايىنان قاشاتىنمىن. ايتپاعىم استانا قالاسىنىڭ اۋا رايى وتە سالقىن ەكەنى بارشامىزعا ءمالىم، مەن ول جاعىن ەسكەرمەگەن ەكەنمىن، سەبەبى مەنىڭ قالاۋىم جىلى شۋاقتى اۋا رايلى مەكەن بولاتىن. مەنىڭ تاڭداۋ پاندەرىم دجت+انگ بولدى تۇلەكتەردىڭ تىلىمەن ايتقاندا. ءوزىم تاڭداۋ پاندەرىمدى دە، ونىڭ ىشىندەگى ماماندىقتاردى دا قاتتى ۇناتتىم. مەن مەكتەپ بىتىرەتىن جىلى (2019) وسى تاڭداۋ پاندەرىندە نەبارى 6 ماماندىق قانا بولدى. ولار: حالىقارالىق قاتىناستار؛ اۋدارما ءىسى؛ تۇركولوگيا جانە شىعىستانۋ؛ ەكى شەت ءتىلى؛ ساياساتتانۋ؛ مادەنيەتتانۋ. مەنىڭ تاڭداۋىم، ارمانىم حالىقارالىق قاتىناستار ماماندىعىنا گرانتقا ءتۇسۋ بولدى. تەست تاپسىردىم، 116 بالل جينادىم. ەندى وقۋعا دوكۋمەنت تاپسىراتىن ۋاقىت تا كەلىپ جەتتى. اكەم ءوزى الىپ ءجۇردى، بارىنشا قولداۋ ءبىلدىردى، ماماندىق تاڭداۋعا، ۋنيۆەرسيتەت تاڭداۋعا بارلىعىنا كومەكتەسىپ ءوزىنىڭ اقىل-كەڭەستەرىن ايتىپ ءجۇردى.
مىنە، جوو تاڭدايتىن ۋاقىت تا كەلدى. مەنىڭ تاڭداۋىم قازۇۋ جانە شىمكەنت قالاسىنداعى م. اۋەزوۆ اتىنداعى ۋنيۆەرسيتەت بولدى. ارينە، ماماندىق بەلگىلەيتىن ساتتە ەڭ ءبىرىنشى ءوزىمنىڭ جان دۇنيەمنىڭ قالاۋى حالىقارالىق قاتىناستار ماماندىعىن بەلگىلەدى دەپ ويلاماڭىزدار. سەبەبى مەنىڭ ول ۋاقىتتا ماماندىققا بايلانىستى ويلارىم وزگەرگەن بولاتىن. ءبىرىنشى قازۇۋ ساياساتتانۋ ماماندىعى، ەكىنشى ەكى شەت ءتىلى ماماندىعى قازۇۋ، ءۇشىنشى ەكى شەت ءتىلى ماماندىعى م. اۋەزوۆ اتىنداعى تەحنيكالىق ۋنيۆەرسيتەت، ءتورتىنشى مادەنيەتتانۋ ماماندىعى قازۇۋ ەتىپ تاڭدادىم. بارلىق تاڭداۋلارىم وزىمە ۇنادى. ەندىگى تىلەگىم وسى ماماندىقتاردىڭ بىرىنە گرانت ۇتىپ الۋ بولدى. مەن مادەنيەتتانۋ ماماندىعىنا سوڭىنان ساناعاندا ەكىنشى بولىپ گرانتقا ءتۇستىم. قاتتى قۋاندىم. قۋانىشتان كوزىمنەن جاس اقتى. ۋنيۆەرسيتەتكە دوكۋمەنت تاپسىرۋعا كەلگەندەگى سەزىمدەرىم ءۇشىن تاعدىرىما ريزامىن. مەنىڭ فاكۋلتەتىم فيلوسوفيا جانە ساياساتتانۋ فاكۋلتەتى. سونداي كەرەمەت سەزىمدەردى باستان وتكەردىم، شۇكىر.
دوكۋمەنت تاپسىرۋداعى ءوز كافەدرامنىڭ مۇعالىمدەرى وزىمە قاتتى ىستىق كورىندى، ولار دا وتە جىلى قابىلدادى. ۋنيۆەرسيتەتكە كەلگەن العاشقى ساباق كۇندەرى سونداي اسەرلى بولدى. وزىمىزدەن جوعارعى كۋرس ستۋدەنتتەرى بىزگە ارنايى كەزدەسۋلەر ۇيىمداستىرىپ وزدەرىنىڭ تاجىريبەلەرىمەن ءبولىسىپ، بىزدەرگە ۇلكەن قولداۋ ءبىلدىردى. سونداي كەرەمەت ەستەلىكتەر ويدا قالدى. كافەدرامىزدىڭ مۇعالىمدەرى دە كەرەمەت ۇستازدار. ءقازىر مەن 4-كۋرس ستۋدەنتىمىن. ۋنيۆەرسيتەتىمىزدە باكالاۆردى بىتىرەتىن شاعىم. وسى ۋاقىت ارالىعىندا مەندە ەش وكىنىش بولماپتى، جوو ءۇشىن، ماماندىعىم، وقيتىن فاكۋلتەتىمنىڭ قۇرىلىسى بولسىن، ەشقانداي وكىنىشىم بولماپتى، سول ءۇشىن اللاعا سانسىز شۇكىرلىك ەتەمىن، جانە راقمەتىمدى ايتامىن. مەكتەپ ءبىتىرۋشى تۇلەكتەرگە ءوزىمنىڭ ماماندىعىما، ءدال مەن وقىپ جاتقان ۋنيۆەرسيتەت قازۇۋ-عا، ءدال مەن وقىپ جاتقان كافەدراعا وقۋعا تۇسۋگە كەڭەس بەرەر ەدىم. قازۇۋ – ەلىمىزدەگى جەتەكشى ۇلتتىق ۋنيۆەرسيتەتتەرىنىڭ ءبىرى. قازۇۋ تەك ق ر مەن تمد جوعارى وقۋ ورىندارى اراسىندا عانا ەمەس، حالىقارالىق رەيتينگتەردە دە جەتەكشى ورىنعا يە. مىسالى، بەلگىلى QS World University Rankings حالىقارالىق ۇيىمىنىڭ رەيتينگى بويىنشا قازۇۋ الەمنىڭ ەڭ تەحنولوگيالىق دامىعان 500 ۋنيۆەرسيتەتىنىڭ قاتارىنا كىرىپ، رەيتينگتە 165ء-شى ورىنعا يە بولدى.
قازۇۋ - تمد-عا قاتىسۋشى ەلدەردىڭ عانا ەمەس، سونىمەن قاتار شىعىس جانە ورتالىق ەۋروپانىڭ جالعىز وكىلى بولىپ تابىلاتىنىن، سونداي-اق سينگاپۋرمەن جانە جاپونيامەن قاتار بۇكىل ازيا كونتينەنتىن ۇسىناتىنىن اتاپ وتكەن ءجون. سونداياق، قازۇۋ مەملەكەتتىك ءبىلىم بەرۋ تاپسىرىسىنىڭ وقۋعا ارنالعان گرانتتار سانى بويىنشا كوشباسشى ەكەنىن اتاپ وتكەن ءجون. ۋنيۆەرسيتەتتە مەملەكەتتىك ءبىلىم بەرۋ گرانتتارىنا قوسىمشا جىل سايىن رەكتوردىڭ گرانتتارى بەرىلەدى. قازۇۋ-دا اقىلى وقۋعا جەڭىلدىكتەر مەن جەڭىلدىكتەردىڭ يكەمدى جۇيەسى بار.
ەگەر ۋنيۆەرسيتەت تۇلەكتەرىنىڭ ءتىزىمىن قارايتىن بولساق، وندا كوپتەگەن جوعارى لاۋازىمدى تۇلعالاردى، قازاقستاندىق قوعامنىڭ ەليتاسىن تابامىز. بۇل-مينيسترلەر، دەپۋتاتتار، ءتۇرلى دەڭگەيدەگى اكىمدەر، قازاقستاننىڭ كوپتەگەن ۋنيۆەرسيتەتتەرىنىڭ رەكتورلارى، ەلىمىزدەگى جانە شەتەلدەگى ءىرى ونەركاسىپتىك كاسىپورىندار مەن بانكتەردىڭ باسشىلارى.
قازۇۋ-دا ساپالى ءبىلىم الۋعا جانە ءوز ءىسىنىڭ مامانى بولۋعا بىرەگەي مۇمكىندىك بەرىلگەن.
سوندىقتان مەن “مەنىڭ ۋنيۆەرسيتەتىم – مەنىڭ ماقتانىشىم” دەپ سەنىمدى تۇردە ايتا الامىن!
ءال-فارابي اتىنداعى قازاق ۇلتتىق ۋنيۆەرسيتەتى
فيلوسوفيا جانە ساياساتتانۋ فاكۋلتەتى
"مادەنيەتتانۋ" ماماندىعى
4-كۋرس ستۋدەنتى نۇرسارا باقىتبەك قىزى
عىلىمي جەتەكشى سامال مۋحامەتالي قىزى
You Might Also Like
-
ونەردىڭ بار بولۋى ونىڭ تابيعاتىندا جاتقان پارادوكسقا نەگىزدەلگەن. مىسالىعا، سۋرەتشىلەردى الاتىن بولساق. ءبىر جاعىنان، سۋرەتشى الەمگە ءوزىنىڭ جەكە كوزقاراسىن جانە دۇنيەدە كورگەنىنە ءوزىنىڭ جەكە كوزقارا...
-
ادام ءومىرىنىڭ ماڭىزدى ەرەكشەلىكتەرىنىڭ ءبىرى - الەمدەگى بىرەۋدىڭ بار ەكەنىن مويىنداۋ. ادام قاتىساتىن الەمدى ءبىلۋ ونىڭ ورتاسىندا تابىستى ىس-ارەكەتكە ىقپال ەتەدى. ادام دا، قوعام دا اشىق جانە كۇردەلى ج...
