InfoHub Logo

قاراپايىم جەمىستەرگە شوكولاد پەن كىلەگەي قوسىپ ءدامدى تاڭعى اس، ديەتالىق جەڭىل تاماق نەمەسە حوش ءيىستى دەسەرتتى وڭاي دايىنداۋعا بولادى.

1. قاراجيدەك پەن اپەلسين شىرىنىنان جاسالعان جەمىستى سالات

قۇرامى:
•    1 ستاقان قۇلپىناي؛
•    1 ستاقان شيە؛
•    ½ ستاقان قاراجيدەك؛
•    ½ بولىك قىزىل الما؛
•    ½ بولىك شابدالى؛
•    1 كيۆي؛
•    2 اس قاسىق ليمون شىرىنى؛
•    1 ستاقان اپەلسين شىرىنى.

دايىنداۋ ءادىسى:

شيەنى ەكىگە ءبولىپ، سۇيەگىن تازالاڭىز. جەمىستەردى ورتاشا ەتىپ تۋراپ الىڭىز. ىدىسقا ليمون شىرىنىن قۇيىپ، جەمىس جيدەكتەردى قوسىپ، ارالاستىرىڭىز. اپەلسين شىرىنىن قوسىپ، حوش ءيىسىن ءسىڭدىرۋ ءۇشىن، قويىپ قويىڭىز دا، ودان كەيىن شىرىنىن توگىپ تاستاڭىز. سالاتتى سالقىنداتىلعان نەمەسە جىلى كۇيىندە دە ۇسىنۋعا بولادى.

2. شوكولاد پەن كوپىرشىتىلگەن كىلەگەي قوسىلعان جەمىس سالاتى

قۇرامى:
•    2 بانان؛
•    2 دانا الما؛
•    1 كيۆي؛
•    1 ستاقان بۇلدىرگەن؛
•    1 اپەلسين؛
•    100 گ شوكولاد؛
•    دامىنە قاراي كوپىرشىتىلگەن كىلەگەي.

دايىنداۋ ءادىسى:
بانان، الما، كيۆي جانە اپەلسيندى بولشەكتەپ تۋراپ الىڭىز دا، ارالاستىرىپ، وعان ءبىر ستاقان بۇلدىرگەندى قوسىڭىز. شوكولاد جۇمسارۋى ءۇشىن ءبىراز ۋاقىت بولمە تەمپەراتۋراسىندا ۇستاڭىز. ودان كەيىن ونى ءتورتبۇرىشتاپ تۋراپ، جەمىستەرگە قوسىڭىز. سالاتتىڭ ۇستىنە كىلەگەيدى قوسىپ، بەتىنە شوكولادتى ۇككىشتەن وتكىزىپ، سەبىڭىز.

3. تروپيكالىق جەمىستەردەن جاسالعان سالات

قۇرامى:
•    1 اناناس؛
•    2 مانگو؛
•    2 بانان؛
•    ½ ستاقان انار داندەرى؛
•    2 اس قاسىق كوكوستىڭ ءتاتتى جاڭقاسى.

دايىنداۋ ءتاسىلى:
اناناس، مانگو، باناندى تۋراپ، ولاردى اناردىڭ دانىمەن ارالاستىرىڭىز. سالاتتى بىرنەشە ساعاتقا توڭازىتقىشقا سالىپ قويىڭىز نەمەسە تۇنگى ۋاقىتقا قالدىرساڭىز دا بولادى. داستارحانعا قوياردا بەتىنە كوكوس جاڭقاسىن سەبىڭىز.

4. پەچەنە مەن يوگۋرت قوسىلعان جەمىس سالاتى

قۇرامى:
•    1 ءتىلىم قاربىز؛
•    1 الما؛
•    1 كيۆي؛
•    2 ءتىلىم كونسەرۆىلەنگەن اناناس؛
•    15–20 ءجۇزىم؛
•    ½ ستاقان گرەك جاڭعاعى؛
•    200 گ جۇمساق پەچەنە؛
•    3 اس قاسىق قوسپاسىز يوگۋرتا؛
•    دامىنە قاراي ۇنتاقتالعان دارشىن.

دايىنداۋ ءادىسى:
قاربىز، الما، كيۆي جانە كونسەرۆىلەنگەن اناس تىلىمدەرىن ارالاستىرىڭىز. ءجۇزىمدى ەكىگە ءبولىپ، سۇيەگىنەن تازارتىپ، جەمىستەرگە قوسىڭىز. جۇمساق پەچەنەنى ۇساق بولىكتەرگە سىندىرىپ، جاڭعاق قوسىڭىز. پەچەنە مەن جاڭعاقتى جەمىستەرگە قوسىپ، ونى يوگۋرتپەن ارالاستىرىپ، دامىنە قاراي دارشىن سەبىڭىز.

5. اۆوكادودان جاسالعان جەمىس سالاتى

قۇرامى:
•    3 ورتاشا كولەمدى اۆوكادو؛
•    2 اس قاسىق ليمون شىرىنى؛
•    ½ ستاقان قوسپاسىز يوگۋرت؛
•    2 اس قاسىق بال؛
•    1 ءشاي قاسىق ليمون قابىعىنىڭ ۇگىتىندىسى؛
•    1 الما؛
•    1 بانان؛
•    1 ستاقان سۇيەگىنەن تازارتىلعان ءجۇزىم؛
•    300 گ كونسەرۆىلەنگەن ماندارين.
 

دايىنداۋ ءادىسى:
پىسكەن اۆوكادو جەمىسىنى سۇيەگىنەن تازارتىپ، ونى ءتورتبۇرىشتاپ تۋراڭىز. وعان ليمون شىرىنىن قوسىپ، 5 مينۋتقا قويىڭىز دا، شىرىنىن توگىپ تاستاڭىز.

بىرنەشە اس قاسىق يوگۋرتتى بالمەن جانە ليمون قابىعىنىڭ ۇگىتىندىسىمەن بىرگە ارالاستىرىپ، دامدەۋىشىن دايىنداپ الىڭىز.

اۆوكادوعا بانان، الما، ءجۇزىم جانە كونسەرۆىلەنگەن ءمانداريندى قوسىپ، ارالاستىرىڭىز دا، دامدەۋىشىن قوسىڭىز.

---