ءمىرجاقىپتىڭ "جاستارعا" ۇندەۋى
قازاق ەلىنىڭ قامىن ويلاپ، حالقىنا ۇندەۋ تاستايتىن باتىل الاش زيالىلارىنىڭ ءبىرى - ءمىرجاقىپ دۋلاتوۆ. قايراتكەر وزگەرىستى تەك جاڭا تولقىن الىپ كەلەتىنىن بىلگەن. سول سەبەپتى، 1907 جىلى پەتەربۋرگتە شىققان "سەركە" گازەتىندە "جاستارعا" دەگەن ولەڭىن جاريالايدى. ءمىرجاقىپ:
"نايزامەنەن تۇرتسە دە،
جاتىرمىن، قازاق، ويانباي." - دەپ وتارشىلدىق ەزگىنىڭ سيپاتىن نايزاعا تەڭەيدى.
"مۇنشا قالىڭ ۇيقىنى
بەردىڭ بىزگە، وي، اللا-اي!
بار ما ەكەن بىزدەي عافىل جۇرت،
اتىرافقا كوز سالساق.
كوزى ىسكەنشە ۇيقىعا
كەلە جاتقان تويا الماي؟"-دەپ حالقىنىڭ توزىمدىلىگىنە قايران بولسا دا، بۇل ۇنسىزدىككە نالىعانىن ايتادى.
"ەتەمىن ءۇمىت جاستاردان،
جاڭا گۇل شاشقان باقشاداي،" دەگەن جولدار ءمىرجاقىپ جاستارعا ءۇمىت ارتىپ، ۇلكەن وزگەرىستەر كۇتەتىنىن اڭعارتقانداي.
ال: "مۇرادىن وڭاي كىم تابار،
جار سالىپ جۇرتقا قاقساماي؟"- دەپ پروبلەمانى ورتاعا شىعارۋ، ايتۋ كەرەك دەگەندى ايتقىسى كەلگەن. ارينە، اششى شىندىقتىڭ جولى دا تايعاق. ءبىراق ، ءمىرجاقىپ جاس تولقىننىڭ جانىپ تۇرعان جالىنى مەن شيراقتىعىن انىق كورگەن.
بۇل بۋىننىڭ كۇشى جاڭاشىلدىققا باستار دەپ:
"حالىققا، جاستار، باسشى بول!
قاراڭعىدا جەتەكتەپ." دەگەن.
"تەرەڭ سۋدان وتەر مە،
مىڭ قويدى سەركە باستاماي؟"- دەپ قازاق جاستارىنىن ءبىر وتار قويدى باستاعان سەركەدەي ، العا تارتار كوشباسشى بولۋعا ۇندەگەن.
الاش ۇلى ءمىرجاقىپ دۋلاتوۆتىڭ باتىلدىعى، كورەگەندىگى مەن پاراساتى بۇل ۇندەۋدەن كورىنىپ تۇرعانى انىق دەر ەدىم.
كاليمۋراتوۆا ايانا اسىلحان قىزى ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى
You Might Also Like
-
شوقان ءۋاليحانوۆ جايلى ايتقاندا، ول كىسىنىڭ عالىم ەكەندىگىن، زەرتتەۋشى، ەتنوگراف ەكەندىگىن بىردەن ايتامىز. راسىمەن دە، بۇل كىسى قازاقتىڭ ماڭدايىنا بىتكەن التىن جۇلدىز. ونىڭ ءومىرى، قىزمەتى، كوزقاراست...
-
ءححى عاسىر - الەۋمەتتىك جەلىلەردىڭ دامۋى قارقىن العان كەزەڭ. الەۋمەتتىك جەلى قازىرگى تاڭدا كوپتەگەن الەم ەلدەرىن قامتىپ وتىر، تيىسىنشە قوعامعا دا ءوز اسەرلەرىن بەرىپ جاتقانى بەلگىلى.
