قازىرگى قوعامداعى الەۋمەتتىك جەلىنىڭ ءرولى
ءححى عاسىر - الەۋمەتتىك جەلىلەردىڭ دامۋى قارقىن العان كەزەڭ. الەۋمەتتىك جەلى قازىرگى تاڭدا كوپتەگەن الەم ەلدەرىن قامتىپ وتىر، تيىسىنشە قوعامعا دا ءوز اسەرلەرىن بەرىپ جاتقانى بەلگىلى.
«ايشىلىق الىس جەرلەردەن،
كوزىڭدى اشىپ - جۇمعانشا،
جىلدام حابار العىزدى...»، دەپ ىبىراي اتامىز ءوز ولەڭدەرىنە قوسقانداي، بۇگىندە الەۋمەتتىك جەلى بىزگە جىلدام حابار الۋعا كومەگىن بەرىپ جاتىر. ياعني، بۇرىندارى حات جولداپ، ونىڭ جاۋابىن الۋ ءۇشىن اپتالاپ-ايلاپ كۇتكەن ەدى. ال ءقازىر الەۋمەتتىك جەلى ارقىلى كوزدى اشىپ- جۇمعانشا ساۋالىمىزدى جولداپ، جاۋاپ الىپ وتىرمىز. ميلليونداعان ادام كۇندەلىكتى الەۋمەتتىك جەلىلەردى قولدانۋدا: بىرەۋ اقپارات ىزدەۋ ءۇشىن قولدانسا، ەندى ءبىرى ۋاقىت وتكىزۋ ءۇشىن، ادامدارمەن تىلدەسۋ ءۇشىن پايدالانۋدا. ارينە، الەۋمەتتىك جەلىلەر بارىنە بىردەي اسەر بەرمەيدى. باستىسى ادام ونى ءوز كەرەگىنە، دۇرىس جولدا پايدالانۋى قاجەت.
الەۋمەتتىك جەلىنىڭ زياندى تۇستارىنا توقتالىپ وتسەك، قازىرگى زامان جاستارى ءۇشىن الەۋمەتتىك جەلى جول سىلتەگىش قۇرال دەپ سانالادى. وندا بەرىلىپ جاتقان اقپاراتتىڭ ءبارىن سارالاۋ وڭايعا سوقپايدى. وسى الەۋمەتتىك جەلى اسەرىنەن تيىم سالىنعان ويىندارعا، سايتتارعا كىرىپ ءوز ومىرلەرىنە وزدەرى بالتا شاۋىپ جاتقان جاستارىمىز قانشاما. مەنىڭ ويىمشا، الەۋمەتتىك جەلىلەردى شەكتەن تىس پايدالانۋ ادامدى تاۋەلدى ەتەدى. ۆيرتۋالدى الەم مي قىزمەتتەرىن تەجەپ، پسيحولوگيالىق تۇرعىدا دامۋىنا كەرى اسەرىن بەرەدى. وسى اسەرلەردىڭ سەبەبىنەن قوعام دەرتكە ۇشىراپ، تەرىس وزگەرىستەر الىپ كەلۋى ابدەن مۇمكىن.
الەۋمەتتىك جەلىلەر ءبىزدىڭ التىننان دا قىمبات ولشەۋلى عانا ۋاقىتىمىزدى ۇرلاۋدا. پايداسى جوق بەينەروليكتەردى كورىپ، ادامداردان جاۋاپ كۇتىپ ساعاتتارىمىز بايقاماي وتۋدە. وكىنىشتىسى قوعام بۇل تۇستارىنا نازار اۋدارماۋعا تىرىسادى، بايقاسا دا بەيعام قاراۋدا. الەۋمەتتىك جەلى قولدانىسى ارتىپ، جۇزبە-جۇز سويلەسۋ كەمۋدە دەپ ويلايمىن. جاستاردىڭ قوعامنان الشاقتانىپ، ورتاسىمەن، جاقىندارىمەن بايلانىسى ازايۋدا. ۋاقىتتى تەككە وتكىزىپ، ءتۇرلى سكوليوز، نەرۆ جۇيەسى، كوز اۋرۋلارىنا شالدىعۋدا.
الەۋمەتتىك جەلىلەردىڭ تەك زيانىن عانا ەمەس، پايداسىن دا ايتار بولساق، عالامتور اقپارات الۋمەن شەكتەلمەيدى، سونىمەن قاتار، ودان پايدا تابۋعا دا بولادى. قازىرگى زامان تالابىنا ساي، قوعام ۇيدە وتىرىپ-اق دامۋ ۇدەرىسىندە. ءتۇرلى الەۋمەتتىك جەلىلەرگە جارناما ورنالاستىرۋ ارقىلى تابىس تاۋىپ وتىرعاندار جەتەرلىك.
قورىتىندىلاي كەلە، الەۋمەتتىك جەلى قوعامدا وڭ جانە تەرىس تۇستارىن دا بەرىپ جاتقانىن بايقاي الدىق. جەلىدە بوسقا ۋاقىت وتكىزىپ، دەنساۋلىعىمىزعا زاقىم كەلتىرگەنشە تەك وزىمىزگە كەرەكتى دۇنيەنى عانا پايدالانايىق!
You Might Also Like
-
قازاق ەلىنىڭ قامىن ويلاپ، حالقىنا ۇندەۋ تاستايتىن باتىل الاش زيالىلارىنىڭ ءبىرى - ءمىرجاقىپ دۋلاتوۆ. قايراتكەر وزگەرىستى تەك جاڭا تولقىن الىپ كەلەتىنىن بىلگەن. سول سەبەپتى، 1907 جىلى پەتەربۋرگت...
