ءمۇعالىم
ءمۇعالىم اۋلاداعى بالالاردى جيناپ الىپ وقىتا باستاعان كەزدە، ادامدار تاڭدانىسىپ قالدى.
سويتسە دە بالالاردىڭ ساباققا دەگەن ىنتاسى ادەتتەگى مەكتەبىنە بارعان كەزدەگىدەن دە اناعۇرلىم جوعارىراق ەدى. ولار ساباق ۋاقىتى جاقىنداعان كەزدە دەرەۋ ويىندارىن دوعارا سالىپ، داپتەرلەرى مەن قالامساپتارىن العان كۇيى الگى ءمۇعالىمنىڭ پاتەرىنە قاراي اسىعىپ بارا جاتاتىن.
وسى ءبىر پاتەرگە قونىستانعان ەرلى-زايىپتى جاندارعا جۇرتتىڭ نازارى الابوتەن اۋعان ەدى. ادامدار ولاردى ەرلى-زايىپتى مۇعالىمدەر ەكەن دەيدى.
كيىم كيىسى مەن ءوزىن-وزى ۇستاۋى جاعىنان وقىعان-توقىعان جان ەكەندىگى بايقالىپ تۇراتىن وسى ءبىر ەر ادام مەن ونىڭ جانىنداعى سۇلۋشا ءجۇزدى جۇبايىن اۋلادان كورۋگە بولار ەدى. ولار جاراسىمدى تۇردە قولتىقتاسقان كۇيى قاتارلاسا كەتىپ بارا جاتادى.
جۇرتتىڭ نازارى، اسىرەسە، ەر ادامنىڭ جۇبايىنا كوبىرەك اۋادى. سەبەبى ايەل مۇسىلماندىق عۇرىپ ۇلگىسىمەن كيىنەتىن.
- ولار ءوزى سەندەرگە نە وقىتىپ ءجۇر؟ - دەپ سۇرايدى اتا-انالار بالالارىنان.
- ولار بىزگە تۇرىك ءتىلىن ۇيرەتەدى، ءبىز تۇرىك ءتىلىن ۇيرەنىپ ءجۇرمىز، - دەيدى بالالار اتا-انالارىنا. - بىزگە ساباقتى ەر ءمۇعالىم جۇرگىزەدى. ول ارىپتەردى اسىقپاي، ىجداعاتپەن ۇيرەتە باستايدى. بۇل كەزدە ونىڭ جۇمىسىنا جۇبايى ارالاسپايدى. ول اس بولمەدە بولادى جانە بىزگە تاتتىلەر پىسىرەدى. ال كۇيەۋى ساباعىن اياقتاپ بولعاننان كەيىن، ول ءبىزدى تاتتىلەرمەن سىيلايدى.
- ولار، شىنىندا دا، بالالاردى جاقسى كورەدى ەكەن، - دەيدى اتا-انالاردىڭ ءبىرى. - مەن ولارمەن سويلەسكەن ەدىم. بۇل ولاردىڭ تابيعي مىنەزى مە، الدە كاسىبىنە ساي ۇستانىمى ما، بىلمەدىم؟ وزدەرى بالالاردى قاتتى جاقسى كورەتىندىگى تۋرالى ايتتى.
بالالار بىرتە-بىرتە قارا تاني باستادى. ولار ءتىپتى كەيبىر جەكەلەگەن سوزدەردىڭ ماعىناسىن اجىراتىپ ايتىپ تا بەرە الاتىن بولدى.
ال ءبىر كۇنى ەرلى-زايىپتى جاندار باسقا پاتەرگە قونىس اۋدارىپ كەتتى.
سول-اق ەكەن، اۋلاداعى جاعداي باز باياعى قالپىنا تۇسكەن ەدى. بالالار ەندى داپتەرلەرى مەن قالامساپتارىن ۇستاپ ساباققا اسىعىپ بارا جاتاتىن ۋاقىتتارىندا اۋلادا بۇرىنعىسىنشا اسىر سالىپ ويناپ جۇرەتىن بولدى. ولاردىڭ داپتەرلەرى دە ءبىر بۇرىشتا ۇمىتىلىپ قالدى. وزدەرى دە بىرتە-بىرتە بىلگەندەرىن ۇمىتا باستادى.
ال ءبىر كۇنى ولار وسى ءبىر پاتەردە وسىنداي ءبىر ەرلى-زايىپتى جانداردىڭ تۇرعاندىعىن دا مۇلدە ۇمىتىپ كەتتى.
You Might Also Like
-
بۇرىنعى وتكەن زاماندا حاسەن دەگەن پاتشانىڭ جالعىز ۇلى بولىپتى. بالاسى ىدىرىس ەل ارالاپ ءجۇرىپ، ءساتباي دەگەن ءبىر ديقاننىڭ سۇلۋ قىزىنا عاشىق بولعان ەكەن. قىزدىڭ اتى ءدۇريا ەكەن. ءبىر كۇنى ىدىرىس ق...
-
اتامنان باستالار، اجەممەن قوستالار وتباسىم مىنالار: ەڭ جاقىن ادامدار-
