مۇعالىمدەردىڭ جالاقىسىن كوتەرۋ كوەففيسەنتى بەكىتىلدى - بعم
ق ر ءبىلىم جانە عىلىم ءمينيسترى كۇلاش ءشامشيدينوۆا ءبىلىم قىزمەتكەرلەرىنىڭ جالاقىسىن كوتەرۋ شارالارى تۋرالى ايتتى. اتالعان تاپسىرمانى ق ر تۇڭعىش پرەزيدەنتى بەرگەن بولاتىن. وعان سايكەس، جالاقىسى تومەن بيۋدجەتتىك سالا قىزمەتكەرلەرىنىڭ جالاقىسى 30 پايىزعا كوتەرىلۋى كەرەك.
ءمينيستردىڭ ايتۋىنشا، ق ر ەڭبەك جانە xالىقتى الەۋمەتتىك قورعاۋ مينيسترلىگى جاڭا تاريفتىك كوەففيسەنتتى بەكىتتى. ال ق ر ءبىلىم جانە عىلىم مينيسترلىگى ەسەپتەۋ جۇمىستارىن باستاپ كەتتى.
"وسى ورايدا ايتا كەتەتىن ماسەلە، جالپى بيۋدجەت سالاسىنداعى جالاقىسى تومەن قىزمەتكەرلەردىڭ ايلىعىن كوبەيتۋگە ارنالعان قارجىنىڭ 75 پروسەنتى ءبىلىم سالاسىنا ءبولىنىپ وتىر. جالاقى 1 ماۋسىمنان باستاپ كوتەرىلەتىن بولادى. نەگىزگى پەرسونالدىڭ ايلىعى كوتەرىلەدى. ولاردىڭ ىشىندە ەڭبەك ءوتىلىن ەندى عانا باستاعان جاس مۇعالىمدەر، كوللەدج ۇستازدارى، پسيxولوگتار، بالاباقشالاردىڭ جەتەكشىلەرى، تاربيەشىلەرى مەن كومەكشىلەرى، سونىمەن قاتار، قوسىمشا ءبىلىم بەرۋ جۇيەسىندە جۇمىس ىستەيتىن قىزمەتكەرلەر بار"، - دەدى ك.ءشامشيدينوۆا ۇكىمەت ۇيىندە وتكەن باسپا ءسوز ءماسليxاتىندا.
ونىڭ سوزىنە قاراعاندا، كومەكشى پەرسونالدىڭ جالاقىسى دا ارتادى. ولار - ەدەن جۋۋشىلار، كۇزەتشىلەر، وت جاعۋشىلار، سانتەxنيكتەر مەن ەلەكتريكتەر. "سوسىن باسقارۋشى پەرسونال بار. ولار - مەكتەپ ديرەكتورلارى مەن ولاردىڭ ورىنباسارلارى"، - دەپ اتاپ كورسەتتى ك.ءشامشيدينوۆا.
You Might Also Like
-
ۋولت ديسنەي — اتاقتى امەريكالىق سۋرەتشى-مۋلتيپليكاتور، اتى الەمگە تانىلعان رەجيسسەر، اكتەر، سەناريست ءارى پروديۋسەر، تولىق مەتراجدى مۋلتفيلمدەردىڭ تولىق سەرياسىن جاساۋشى. الەمدەگى بۇكىل بال...
