نازاربايەۆتاي پرەزيدەنتى بار ەل باقىتتى
كورەگەندىكتەن تاعى ءبىر كوركەم كورىنىسى
سىنگا تۇسكەن ەكى ۇداي تۇستا مىنا،
قارامايدى ول باقىتقا، باس قامىنا،
لايىق ول بايقاساڭ قازاق تۇگىل،
الەمدى دە ادەمى باسقارۋعا.عافۋ قايىربەكوۆ
تىرەۋسىز اسپان جاراتقان، توڭكەرىلگەن كوك كۇمبەزدەي الىپ كوككە اي مەن كۇن ورناتقان قۇدىرەتى شەكسىز، مەيىرىم، شاپاعاتى مول اللا تاعالانىڭ قازاق حالقىنا سىيلاعان باعا جەتپەس ەڭ ۇلكەن باقىتى - عاسىرلار بويى ارمان بولعان تاۋەلسىزدىك! جاننان دا ءتاتتى، قاننان دا قىمبات تاۋەلسىزدىكتىڭ وشاقتىڭ ءۇش تىرەگىندەي مىقتى ءۇش دىڭگەگى بار. ولار: ەڭبەككەر قازاق حالقى، ۇلت باعىنا تۋعان ۇلى تۇلعا نۇرسۇلتان ءابىش ۇلى نازاربايەۆ، ۇلتارالىق كەلىسىم مەن بىرلىك. ەلى ەڭبەكسۇيگىش، كوش باستاعان كوسەمى كورەگەن بولسا اسپايتىن اسۋ، الىنبايتىن قامال جوق. قازاقستاننىڭ تمد-دا كوشباسشى بولۋىنىڭ ءبىر سىرى وسى. بار بولعانى جيىرما توعىز جىلدا عاسىر جۇگىن ارقالاعان قازاقستاننىڭ الەم تاڭقالعان تابىستارى ەلىمىزدىڭ بۇكىل حالىق سايلاعان تۇڭعىش جانە قازىرگى پرەزيدەنتى ن.ءا. نازاربايەۆتىڭ ەسىمىمەن تىعىز بايلانىستى. ماداق سوزگە ساراڭ، اسا ساق، اۋىزى دۋالى ساقا ساياساتكەر سۇلەيمان دەميرەل: «وعان تەڭدەسەتىن ەشكىم جوق» دەپ بەكەر تاڭداي قاعىپ، تامسانباسا كەرەك.
ميلليونداعان حالىقتىڭ كوشباسىسى، كوسەمى بولىپ، ءوز ەلىنىڭ جۇلدىزىنا اينالعان الەمدىك دەڭگەيدەگى ساياساتكەرلەردىڭ وسالى جوق. ولاردىڭ ءبارى دە ساياسات الەمىندەگى سۋ توگىلمەس جورعا. سول كەمەل ويلى كەمەڭگەر ساياساتكەرلەردەن نۇرسۇلتاننىڭ ەرەكشەلىگى، ارتىقشىلىعى دەسەك تە اسىرا ايتقاندىق ەمەس، اسا قيىن بيىكتەر مەن كۇردەلى مىندەتتەرى العا قويا الاتىندىعى، ەڭ ماڭىزدىسى - قيىن ءىستىڭ قيۋىن تاۋىپ، اسىل ارمانعا قول جەتكىزە الاتىندىعىع سونىڭ مىڭنان ءبىر مىسقال مىسالى - «قازاقستان - 2030» باعدارلاماسى.
ن.ءا. نازاربايەۆتىڭ جاراتقان يەم جومارتتىقپەن سىيلاعان تاعى ءبىر قاسيەتى - ۋاقىتتىڭ تامىرىن ءدال باسىپ، قيىن سيتۋاسيالار كەزىندە ۇتىمدى دا ۇتقىر شەشىمدەردى دەر كەزىندە باتىل قابىلداي الاتىن قابىلەتى. وسىعان وراي ۇلت كوشباسىسىنىڭ كورىگەندىگىنە كوپتەگەن مىسالدار كەلتىرۋگە بولادى. ايتسەدە، كوزىقاراقتى قاۋىم جاقسى بىلەتىن وتكەندەگى جايلاردى قايتالاپ، وقىرماننىڭ ۋاقىتىن الماي، ەلباسىنىڭ بيىلعى جىلقى جىلى تامىز ايىنىڭ التىنشى جۇلدىزىندا اقوردادا وتكىزگەن ۇكىمەتتىڭ كەڭەيتىلگەن وتىرىسىندا ايتقان اتالى، باتالى سوزدەرى مەن وندا قابىلدانعان شەشىمدەردى ەسكە الساق تا جەتكىلىكتى. مىنا دوڭبەكشىگەن دۇنيە، الاشاپقىن، الماعايىپ ۋاقىتتا الەمدىك ەكونوميكا تىعىرىققا تىرەلىپ، ۋكرايناداعى وقيعالارعا بايلانىستى تمد-داعى جاعداي كۇردەلى بولىپ تۇرعان كەزدە، دەر كەزىندە وتكەن ۇكىمەتتىڭ كەڭەيتىلگەن وتىرىسىندا ەلدىڭ ەكونوميكا جانە الەۋمەتتىك سالالارىنىڭ وزەكتى ماسەلەلەر قارالىپ، وڭ شەشىمدەر قابىلداندى. قازاقستان رەسپۋبليكاسى مەملەكەتتىك باسقارۋ جۇيەسىنىڭ رەفورمالاۋى، جاڭادان بەس مينيسترلىك قۇرىلىپ، وڭتايلاندىرىلعان ىقشام ۇكىمەت جاساقتالۋى - دەر كەزىندە قابىلدانعان دانا شەشىم بولدى. ىقشام ۇكىمەت سانى كوپ، ساپاسى جوق جينالىس، جيىننان ارىلىپ، كەدەرگىلەردى جەڭۋ جولىندا ءتيىمدى جۇمىس ىستەي الادى ءارى قاعازباستىلىق پەن دەموكراتيامەن سىيىسپايتىن بيۋروكراتيا دا جويىلادى، جەكە جاۋاپكەرشىلىك كۇشەيەدى. ءساتتى كۇن سارسەنبىدە وتكەن جيىندا مەملەكەت باسشىسى، ۇلت كوشباسشىسى ن.ءا. نازاربايەۆ قابىلداعان تاريحي شەشىمدەر جۇڭگو فيلوسوفى كونفۋسييدىڭ: «وزگەرىس جەلى سوققاندا اقىماق ادام جەلدەن قالقان بولار قورعانىش تۇرعىزادى، ال اقىلدى ادام جەل ديىرمەنىن سالۋعا كىرىسەدى» دانالىعىمەن ساباقتاس.
كۇن سايىن قىرىق قۇبىلىپ تۇرعان الاقۇيىن ۋاقىت، الماعايىپ زاماندا ايتقان ءسوزى مەن ىستەگەن ءىسى، دەر كەزىندە قابىلداعان دانالىق شەشىمدەر اداستىرماس اق جۇلدىزعا اينالعان نۇرسۇلتانداي ۇلت كوشباسشىسىنىڭ بولۋى حالىق ءۇشىن قۇت. اقوردادا، سارسەنبىدە قابىلدانعان ءساتتى شەشىمدەر - نۇرسۇلتان ءابىش ۇلى نازاربايەۆتىڭ الداعىنى كورىپ، الىستى بولجايتىن كورەگەندىگىنىڭ تاعى ءبىر كورىنىسى.
شەتەل عۇلامالارىنىڭ: «نازاربايەۆتاي پرەزيدەنتى بار ەل باقىتتى» دەگەن ءسوزىن ءومىر ءوزى كۇن سايىن دالەلدەپ وتىر. باقىت باعالاعاننىڭ باسىندا تۇرادى. باقىتىمىزدى باعالاي، ۇلت باعىنا تۋعان ۇلى تۇلعا نۇرسۇلتاندى ايالاي بىلەيىك.
تاريح ۇزاق تولعاتىپ، سيرەك تۋاتىن قايتالانباس حاس تۇلعا نۇرسۇلتان ءابىشۇلىنا ايتار تىلەك، جۇرەك جاردى ءسوز مىناۋ:
وزىڭمەنەن بىرگە مەنىڭ جۇرەگىم،
سەن جۇدەسەڭ حالقىڭدى ويلاپ جۇدەدىڭ.
ەل تىزگىنە بولسىن ۇزاق قولىڭدا،
ءجۇز جاستا دا ءلۇپ-لۇپ سوقسىن جۇرەگىڭ.
ۋ.م.دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
د.س.جۇمامۇرات ءال-فارابي اتىنداعى ءقازۇۋ-نىڭ شىعىستانۋ فاكۋلتەتىنىڭ 1 كۋرس ستۋدەنتى
You Might Also Like
-
توقتار اۋباكىروۆ تۇڭعىش قازاقستاندىق جانە كەڭەس وداعىنىڭ سوڭعى عارىشكەرى بولدى.
-
ادام بالاسىنىڭ بۇكىل ءومىرى كوپتەگەن ساتتەردەن تۇرادى، ال ولاردىڭ ىشىندەگى ەڭ كەرەمەت ساتتەرىن كەيدە توقتاتىپ، ەڭ بولماعاندا بىرنەشە سەكۋندقا كەرى قايتارعىمىز كەلەدى. ءبىراق، وكىنىشكە وراي، بۇل مۇمكى...
