وعىز حان جانە قاڭلى ەلى
وعىز حان وزىنە قاراعان ەلدىڭ بارشاسىنىڭ مۇسىلمان بولۋىن تالاپ ەتتى. مۇسىلمان بولعاندارىن قۇرمەتتەپ، بولماعاندارىنىڭ ءوزىن ءولتىرىپ، بالا-شاعاسىن قۇل قىلدى.
ول كەزدە قارا حانعا تاۋەلدى ەلدەردەن باسقا دا جۇرتتار كوپ ەدى. ءاربىر ۇلكەن جۇرتتاردىڭ ءوز پاتشاسى بولار ەدى، كىشىرەك ەلدەر سوعان باعىنىپ تۇرار ەدى. قارا حاننىڭ قول استىنداعى مۇسىلمان بولعان ەلدەر وعىزعا كەلىپ قوسىلدى دا، مۇسىلمان ەمەستەرى وزگە جۇرتقا قاراپ كەتتى.
وعىز حان جىل سايىن موڭعول جۇرتىندا وتىرعان ەلدەرمەن سوعىسىپ، جەڭىپ كەلەر ەدى، اقىرىندا ولاردىڭ ءبارىن باعىندىردى. قاشىپ قۇتىلعاندارى تاتار حانىنا بارىپ پانالادى. تاتارلار ول كەزدە شۇرشىتپەن قاتار وتىراتىن ەدى. ءشۇرشىت دەگەن ءبىر ۇلكەن جۇرت ەدى، قالالارى مەن كەنتتەرى كوپ بولاتىن، قىتايدىڭ سولتۇستىك جاعىندا بولاتىن. ۇندىلەر مەن تاجىكتەر ونى «شىن» دەيتىن.
وعىز حان تاتارلارعا شابۋىل جاسادى. تاتار حانى كوپ اسكەرمەن وعان قارسى تۇرا المادى. وعىز جەڭدى. وعىز حان اسكەرىنىڭ قولىنا كوپ ولجا ءتۇستى. بۇل ءدۇنيانى ارتۋعا ات-كولىگى ازدىق ەتتى. اسكەردىڭ ىشىندە ءبىر شەبەر ادام بار ەدى، ول اربا جاساۋدى ويلاستىردى. ءسويتىپ، اربا جاساپ، بارلىق ولجانى وعان تيەدى. بۇرىن اربانىڭ ءوزى دە، اتى دا جوق ەدى. جۇرگەندە قاڭق-قاڭق ەتكەن دىبىس شىعارعانىنا قاراي، ونىڭ اتىن «قاڭق» دەپ اتادى، ونى جاساعان كىسىنى «قاڭقلى» دەدى. بۇكىل قاڭلى ەلى وسى ادامنىڭ بالالارىنان تارادى.
You Might Also Like
-
ءبىر كەدەيدىڭ ۇيەمەلى-سۇيەمەلى ەكى بالاسى بار ەكەن. ۇلكەن ۇلى جۇرتتان شىققان جىلپوس قۋلىقشى بولسا، كىشى ۇلى جۇرتتان ىزدەپ تابا المايتىن اڭقاۋ ەكەن. مال دەگەننەن قارا كۇشىن نان قىلىپ وتىرعان قارا وگى...
-
بۇرىنعى زاماندا ماكەدونيادا ەسكەندىر پاتشا بولىپتى. مارتەبەنى بۇل جاقسى كورەدى ەكەن، ءھام قىزعانشاق ەكەن. ءوزىنىڭ قاراعان ءۋالاياتىن ازسىنىپ، وزدەرىنىڭ قاسىنداعى جاقىن تۇرعان حالىقتارمەنەن سوعىسپاققا ب...
