وقو-عا ساپارلاعان ساعادييەۆ ءبىلىم سالاسىنداعى جاڭا باستامالار تۋرالى ايتتى
وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ق ر ءبىلىم جانە عىلىم ءمينيسترى ەرلان ساعادييەۆپەن كەزدەستى.
جۇزدەسۋ بارىسىندا ەلباسى جولداۋى جۇكتەگەن ءبىلىم مەن عىلىمدى دامىتۋدىڭ مەملەكەتتىك باعدارلاماسى تالقىلانىپ، ءبىلىم بەرۋ مازمۇنىن جاڭارتۋدىڭ نەگىزگى باعىتتارى جونىندە ءسوز قوزعالدى.
وڭتۇستىك وڭىرىنە ىسساپارمەن كەلگەن ەرلان كەنجەعالي ۇلى بازالىق وقۋلىقتار ازىرلەۋگە قاتىستى مينيسترلىك جۇرگىزىپ جاتقان رەفورمالاردى ءسوز ەتتى.
«ەلىمىزدە ءبىلىم سالاسىنا ەرەكشە ءمان بەرىلىپ وتىر. جاڭا زامانعا ساي تالاپتار رەتىمەن ەنگىزىلۋدە. ءبىز وسىنداي قادامدار ارقىلى قازاقستانداعى ءبىلىم بەرۋ جۇيەسىن كۇتىلگەن ستاندارتتارعا جەتكىزەمىز. تاعى ءبىر جاڭالىقتار - ەلەكتروندى پورتال. بۇل ءوز كەزەگىندە مۇعالىمدەردى قاعازباستىلىقتان بوساتادى. «كۇندەلىك» پورتالى مەن وقۋشىلاردىڭ ۇبت جانە باسقا دا ەمتيحاندارعا دايىندالۋىنا كومەكشى قۇرال بولاتىن «ۆilim Land. Kz» ينتەرنەت پورتالى ىسكە قوسىلىپ وتىر. مەكتەپتەردى ينتەرنەتپەن جانە ينتەراكتيۆتى تاقتالارمەن قامتۋ دا باستى نازاردا بولادى»، - دەدى مينيستر.
ءبىلىم جانە عىلىم مينيسترلىگى بيىلدان باستاپ جالپى ءبىلىم بەرەتىن مەكتەپتەردىڭ مۇعالىمدەرىن اتتەستاتتاۋدىڭ جاڭا قاعيدالارىن ازىرلەپ شىقتى. بۇدان بولەك، بالاباقشالاردا، مەكتەپتەردە، كوللەدجدەردە جانە جوو-لاردا مەملەكەتتىك باقىلاۋ شەڭبەرىندە تاۋەكەلدەردى باعالاۋ جۇيەسى بويىنشا جاڭا تاسىلدەر قولدانىلا باستادى.
ەلىمىزدە ءاربىر بەسىنشى بالا ومىرگە كەلەتىن ءوڭىر رەسپۋبليكا كولەمىندە ەڭ كوپ وقۋشىلار توپتاسقان ايماق بولىپ سانالادى. ءار جىل سايىن مەكتەپ تابالدىرىعىن اتتايتىن بالالار 30 مىڭعا كوبەيىپ وتىر. جىلىنا ورتاشا ەسەپپەن 80 مىڭعا جۋىق نارەستە دۇنيەگە كەلەدى. سوندىقتان دا كۇنگەيدە سوڭعى كەزدە مەكتەپ تاپشىلىعى تۋىنداۋدا. ءالى كۇنگە ءۇش اۋىسىممەن وقيتىن ءبىلىم وشاقتارى بار.
«جالپى، بۇگىندە وبلىسىمىزدا 1021 مەكتەپ بار. الداعى 5 جىلدا 205 مەكتەپتىڭ قۇرىلىسىن جۇرگىزۋدى جوسپارلاپ وتىرمىز. ەلباسىمىزدىڭ جولداۋىن ىسكە اسىرۋ بارشامىزعا مىندەت. وسى ورايدا ەلىمىزدەگى ءبىلىم مەن عىلىم جۇيەسىنىڭ الداعى رەفورمالارىن بىرلەسە اتقارۋعا نيەتتىمىز. ءوزىمنىڭ وسى سالاداعى تاجىريبەم مەن ءبىلىمىمدى بولىسۋگە قاشاندا ءازىرمىن»، - دەدى جانسەيىت قانسەيىت ۇلى.
ايتا كەتەيىك، وبلىستا "بالاپان" باعدارلاماسى اياسىندا 3 پەن 6 جاس ارالىعىنداعى بالالاردى مەكتەپكە دەيىنگى ۇيىمدارمەن قامتۋ ماسەلەسى باستى نازارعا الىنىپ وتىر. الداعى 3 جىلدا مەملەكەتتىك-جەكەمەنشىك ارىپتەستىك اياسىندا بالاباقشالار سانىن 100 پايىزعا جەتكىزۋ جوسپارلانۋدا. كەزدەسۋ سوڭىندا ءبىلىم جانە عىلىم مينيسترلىگى مەن وبلىس اكىمدىگى وڭتۇستىك وڭىرىندەگى ءبىلىم سالاسىنداعى كۇرمەۋلى ماسەلەلەردى بىرلەسە شەشۋگە ۋاعدالاستى.
You Might Also Like
-
ەركىندىگىن ەنشىلەپ، ەگەمەندىك تىزگىنىن قولىنا العان مەملەكەتىمىزدىڭ تاۋەلسىزدىك تۋىن كوگىندە جەلبىرەتكەنىنە دە مىنە، بيىل 25 جىل تولىپ وتىر! 25 جىل! تاريح ءۇشىن قاس-قاعىم بۇل ءسات، جۇمىر باستى پەندەگ...
-
كوكتەم كەلىپ، جۋاننىڭ جىڭىشكەرىپ، جەڭىشكەنىڭ ۇزىلەتىن شاعىندا دارۋمەن جەتىسپەۋشىلىگى كىم ءۇشىن بولماسىن وزەكتى تاقىرىپقا اينالادى. اعزامىز دارۋمەن تاپشىلىعىن سەزىنسە، السىرەپ، كەز-كەلگەن ۆيرۋستى وڭا...
